| REGISTRATI AL NOSTRO SITO CI SONO TANTE COSE INTERESSANTI, DACCI UNA MANO A SCRIVEREA MAMMA
CHI TENE A MAMMA
E' RICCO E NUN O SAPE.
CHI A VO' BBENE E' FELICE
E NUN L'APPREZZA.
PECCHE' L'AMMORE
E NA MAMMA
E' NA RICCHEZZA,
E' COMME O MARE
CA NUN FERNESCE MAI.
A MAMMA TUTTO TE DA'
E NUN TE CHIEDE,
E SI TE VEDE E CHIAGNERE,
SENZA SAPE' PECCHE',
T'ABBRACCIA E TE DICE:
" figlio!!!! "
E CHIAGNE NSIEME A TE
Pia Improta Tarallo)
Trad.
TRADUZIONE
LA MAMMA
CHI HA LA MAMMA
E' RICCO E NON LO SA'.
CHI LA VUOLE BENE E' FELICE
E NON L'APPREZZA.
PERCHE' L'AMORE
DI UNA MAMMA
E' UNA RICCHEZZA,
E' COME IL MARE
CHE NON FINISCE MAI.
LA MAMMA TUTTO DI DA'
E NON TI CHIEDE,
E SE TI VEDE DI PIANGERE,
SENZA SAPERE PERCHE',
TI ABBRACCIA E TI DICE:
" FIGLIO!!!!"
E PIANGE INSIEME A TE.
ll’ angelo d’‘a casa
‘A mamma è ll’angelo d’ ‘a casa
pecchè sape e conosce tutt’‘e ccose,
a ‘e figlie ‘e ddà ‘e cunziglie
e mantene aunita tutt’‘a famiglia.
E quanno ‘e piccirille stanno malate
‘a mamma stà sempe preoccupata,
chist’angelo ‘e stà sempe vicino…
p’ ‘e figlie è ‘a meglia medicina.
‘A mamma ‘e figlie ‘e cresce
è chella ca cchiù ‘e capisce,
‘e chella ca cchiù ‘e ccunosce…
dice ‘e bbuscie e nun tradisce!
‘A mamma è ll’unico ammore vero
è ‘o cchiù carnale, ‘o cchiù sincero!
Nun ce stà parola cchiù bella ‘e mamma
pecchè addò staje staje, ‘ a chiamme.
Già ‘a quanno staje dint’‘e fasce…
‘a vocca chianu chiano aunisce…
e quanno ‘a chiamme essa gioisce,
pecchè mamma ‘a ‘int’ ‘o core jesce.
Massenzio Caravita
'A MAMMA
Chi tene 'a mamma si che furtunato,
pecché na mamma vale nu tesoro
nun 'mborta ca tenesse pate é ssore
à mamma é n'ata cosa,
na cosa eccezzionale difficele a spiegá.
Essa ca sempe veglia, essa ca spia sempe,
essa ca sape tutto, senza l'addumanná .
'A mamma è na gendarma ca patria nun pó dá,
e quanne sta' in pericolo a primma che si chiamme
é sempe chella llá.
'A mamma é na putenza a nun puté emitá,
a mamma na sapienza ca l'arte nun pó fá.
(armando torre)
Core 'e mamma
So’ mamma! Sta parola è ‘nu dulore
quanno p’ ‘e figlie nun nce sta cchiù ppane.
T’ ‘e strigne mpietto: gioia ‘e mamma, ammore...
forze, se magnarrà quann’è dimane!
Dimane!? e tu te siente squartà ‘o core,
te guardano, chiagnenno, mmiezo ‘e mmane!
Piatà! St’aneme ‘e Ddio cu ‘e carne ‘a fore
mme morono, tremmanno comme ‘e cane!
E ‘st’angiulillo?... Peppeniello mio!
no, nun murì, mamma te tene nzino
nfunnenno ‘e chiante ‘e ricciulille d’oro.
Pe’ carità, v’ ‘o cerco a nomme ‘e Ddio,
sarvate ‘e criature, e si è destino,
Marò! tu lievammenne nzieme a loro
Giovanni Capurro
'A mamma
‘A mamma è n’ata cosa: ‘o cereviello,
ll’ asse d’’a casa, ‘o sciato, ll’ armunìa;
è chella ca cumanna ‘a cumpagnia:
sta ‘ncapa ‘o capo ‘e casa, è nu cappiello.
Attuorno tene sempe nu ruciello,
abbada a mille cose, fa ‘a Maria;
e si nun sbatte pe’ na malatia,
va ascianno sempe ll’ ago cu ‘o rucchiello.
A chi nu punto, a chi na cera storta,
a chi nu vaso, a chi n’ avvertimento.
E se capisce ‘a mamma quann’ è morta,
quanno nun ce sta cchiù sta scucciantona:
ca pare ca t’accide ogne mumento e,
doppo nu minuto, te perdona.
raffaele viviani
'A mamma
Nun è maj fredda a casa addò stà 'a mamma
che cu nà carezza te scarfa e te cunsola
e cò calor suoje te scarfe pure 'o core.
Quanne te sient triste, sule e abbandunato
te piglia cù na mano
e mentre te guarda dint a l'uocchie suje
mille raggi 'e sole
che te danno a forza pè putè campà
'A mamma...
comme sone bell 'mmocca stà parola...
'a tengo e 'a facio intussecà!
Rosa Romano
A mamma
‘A femmena, già è mamma
quann’‘o figlio ‘o concepisce,
e già penza chillu nomme
e chella panza cchiù s’allisce.
E chello ca vene...vene
a essa nun se ne ‘mporta,
o mascule ‘o femmene...
‘nzieme rischiano ‘a morte.
E mentre ‘a panza cresce
tene mille e mille penziere,
pe’ chistu figlio che nasce
fà mille e mille preghiere.
E quanno vene ‘o mumento,
che cosa maravigliosa:
‘A mamma s’‘o tene mente
e se scorda ‘e tutto cosa.
Massenzio Caravita
' a mamma
A Mamma te tene ‘mbracce ‘a piccerille ‘e nun te lasse cchiù.
Può essere avvocate ‘o nù duttore, può tenè 30, 40 anne ‘o cchiù, pe essa si sempe nù guaglione, e soffre si te vede ‘e suffri.
Te dà nu vase.
Te fa nà carezze e tutt”o bbene siente ‘ncuolle ‘a te.
Te protegge comme sule esse sape ffà.
Te protegge cu chille ammore ca sule essa sape dà.
‘O bbene ‘e mamme è immenso, nun tene valore e, quande ‘o pierde s’arape nù vuote attuorne a te.
Te siente sperze. Manche nà parte e te.
'NA MAMMA
Quanne na mamma' vo' parla,
Nun te tiene tiempe ant'a senti,a mette a rette tutt' e cose,tante na mamma po' aspetta,e sule quanne se fa viecchie e ti pigliane e rimorse tu a vulisse a cuntenta,quanne na mamma sta malate sa 'nascunne a malattia pecche sule isse vuo suffri e te regale nu surrise quanne cirche e qualche cose te vuo sempe a cuntenta.
E te pense,e te cumoglie quanne sta durmenne,comme se fosse sempe piccerille,te venne accarezza,ma nun te fa scetta e te guarde s a ccorge ca tu ancora l assomiglie,ma dint o core suie come cuntente, o tiempo vo ferma,pe nun se fa lassa'.
Quanne na mamma' nun ce sta,se veste sulle a cammena,e sta strade mille votte nun te vulisse maie ferma, guardanne o tiempo che passate vire tutte che scuntate,nun t aspette niente cchiu,quanne na mamma se ne ghiute vire o trene che partute,e non lo puo cchiu piglia,e t appiene all ansa ca te piglie, e na fumata e sigarette,a na via che fatte gia.
E si sule,cu l uocchie fuse abbagnane i ricorde quanne a turnave e ta rapeve a porte e sa grappave a tte, nun te lassave cchiu e si sule cuntane l ore l attime e minute vulisse dare un calcio a sta vita ma a vita e chesta cca', e tu a sapive gia' cara mamma'nun ta po acatta',nisciune cchiu t arra,
Na mamme.
NINO D'ANGELO
Edited by Pulcinella291 - 27/4/2012, 11:42
|
....comunque sia, è bellissima e se fossi "capace" di parlare in Napoletano...la reciterei per la mia Mamma! 
