sefora1 |
|
| 'A mia madre
'A mamma mia
senza 'e me
se ne ghiuta
se dice che 'a morte
tutta 'a bellezza
se porta
ma essa sta llà
bella comme sempe
e capisco
ca nun è overo niente
ammore trattene 'a bellezza
nun se 'mporta do' tiempe
e 'a mano
ferma pe' sempe
'na carezza. CORE ‘E MAMMA
(di Giovanni Capurro)
So’ mamma! Sta parola è ‘nu dulore
quanno p’ ‘e figlie nun nce sta cchiù ppane.
T’ ‘e strigne mpietto: gioia ‘e mamma, ammore...
forze, se magnarrà quann’è dimane!
Dimane!? e tu te siente squartà ‘o core,
te guardano, chiagnenno, mmiezo ‘e mmane!
Piatà! St’aneme ‘e Ddio cu ‘e carne ‘a fore
mme morono, tremmanno comme ‘e cane!
E ‘st’angiulillo?... Peppeniello mio!
no, nun murì, mamma te tene nzino
nfunnenno ‘e chiante ‘e ricciulille d’oro.
Pe’ carità, v’ ‘o cerco a nomme ‘e Ddio,
sarvate ‘e criature, e si è destino,
Marò! tu lievammenne nzieme a loro!Edited by Pulcinella291 - 8/5/2012, 11:43 |
| | |
