|
|
| 
Addio fanciulle care,
domani mme ne vo.
Mme vesto 'a militare
cu sciabbola e sciaccò
Mettitece 'a "Si-loca"
'nfacci'a stu core vuosto,
pe' bia ca cedo il posto
pure a chi nun 'o vò'.
Nannì', miéttete a chiagnere,
'Ntunè', vásame 'nfaccia,
Rusí', damme nu pìzzeco,
Carmè', càdeme 'mbraccia
Tatonno se ne va.
Tatonno se ne va
In faccia a nu cuscritto,
ca nu cuscritto i' só',
'o generale ha ditto:
"Sciglie: che grado vuó'?
Vuó' nove o diece frise?
T' 'e mmetto 'ncopp' 'o vraccio.
Tu si' n'amico, e i' faccio
chello ca non si puó".
Nannì', miéttete a chiagnere,
'Ntunè', vásame 'nfaccia,
Rusí', damme nu pìzzeco,
Carmè', càdeme 'mbraccia
Mannaggia ca na guerra
'stavota nun se fa.
Se no tutta la Terra
vorrebbe fà tremmà.
Fra un anno a la stazione
venite tuttuquante.
Col grado di trabante2
Tatònno tornerà.
(Versi di Libero Bovio - Musica di Nicola Valente).
Roberto Murolo canta Tatonno se ne va
Video
|
| | |
