| .
E' troppo bello 'O Forumme!
Vire ca bella zuppa 'e carna cotta
se truova 'n copp' 'o sito de "Strunzate"!
tutte 'e specialità se so'adunate,
so' 'na vrancata 'e pirete co 'a botta!
La nostra guida in questo duro andare,
la strologa d''a sciorta e del domane,
vène, ci spiega che dobbiamo fare
po' se ne fuje e se ne lava 'e mmane.
'o professore miedeco e scienziato
ci acconcia ogni probblema esistenziale,
che a raccontarlo non a lui, ma a n'ato,
stessemo inguaiate tutte tale e quale!
Ce stesse po' 'na zita cuntignosa,
divota assai, e co' 'o rusario appiso;
cu 'a conversione ci ha abboffato'a cosa,
ce vo' purtà pe' forza a 'o Paraviso.
Pittore eccelso e d'antica scola
vène ogni tanto… "Un attimo e s'invola"
ce lascia un corsivo, nu verso, 'na parola..
me pare Paganino co' 'na corda sola!
Scienziata, internauta ed informatica,
tenimma 'a webbemaster in gonnella,
dice ca sape fa ogni cosa pratica,
ma fosse cazz' 'e ce dà 'na campanella!
Ci sta il poeta dal verso sopraffino,
ca te scrive 'o poema ampress' ampresso
perennemente co' 'a capa fatt' a vino
chiste scrive 'e poesie pure 'ncopp' 'o cesso!
E na maesta, mentre ca se pitta,
pe se fa bella co 'e guagliune a scola,
mette 'na mano areto, e zitta zitta
ti offre un fiore, e te tira na scarola!
A pizza cchiù 'nfucata 'e sta cantina,
aglio, uoglio, e arecata accunciata,
è comme 'a na mitraglia malandrina,
mentre t'avote… se n'è fatta a n'ata!
E l'innocente nennella del Perù,
me pare una capretta 'n miezo a 'e vuoie,
quanno coi sorrisi nun ce arriva cchiù
t'appizza 'e ccorna… e so' cazze de' tuoie!.
La donna dell'Aurora, 'a cchiù ciaciona
vène da fora, è robba de Triesta…
e c'a'mma fa si è di importaziona
'o core 'o tene a Napule, e ce abbasta!
Il proteiforme critico del sito
ce spiega 'e fatti, e scummoglia ogni altarino
fra isso e 'a Verità non metto dito
sinnò faccio 'a figura d'o cretino…
Un garrulo aucelluzzo dalle cento note
tenimmo 'n miezo a nui per le canzone.
ce 'a canta, ce 'a sona, e certi vvote,
se sceta pure 'o muorto int' o cazone…
Fedra po' ce conta 'e fatte 'e tutt' 'o munno,
essa ve po' accumpagnà addò vulite,
ve fa addicrià pe' quann' 'e bello e tunno,
ca fosse Lampadusa o 'e Ddulomite!
O capintesta 'e tutta sta mappata
è un avvocato dal cipiglio austero,
ma si le lieve 'o tocco e l'apparate
vire ca comme puorco… è spuorco ovèro!
embè, chesta foss' 'a primma entratura,
ca, vulenno, si potrebbe approfondire,
e di questo Forum, studiando la natura,
ate strunzate ce ne fossero, da dire!
Lucio Musto 6 aprile 2014
----------------------------------
|
