|
|
| T'AGGI'A LASSA' MARI'
(B. U. Netti - Valente - 1924)
Quant'anne só' ca nce vulimmo bene?
Tu nun 'o ssaje e i' manco 'o ssaccio cchiù.
Io saccio sulamente cuntà 'e ppene,
pene ca pe' st'ammore mme daje tu.
Che t'aggi' 'a dì,
che t'aggi' 'a dì, Marì'?
Chesta nun è canzone
ca io canto pe'tté.
Te voglio bene, sì.
Te voglio bene, sì.
E pe' stu bene, crìdeme,
t'aggi' 'a lassà, Marì'.
Pe' 'ncatenà stu core... t'arricuorde?
Quanta prumesse ca mm'hê fatto fà.
Doje lacreme cucente, nun mm' 'e scordo,
dint'a chist'uocchie, che sincerità.
Che t'aggi' 'a dì,
......................
Saccio sul'i', pe' te scurdà, stu core
ch'ha da suffrì, pe' stà luntano 'a te.
Ma pure tu ll'hê 'a chiàgnere st'ammore,
quanno mme pierde e cchiù nun truove a me.
Che t'aggi' 'a dì,
......................
|
| | |
