| SUSPIRANNO UNA CANZONE
(E. De Mura - R. Ruocco - 1956)
Mo lùceno, pe'mmé, stelle a migliara.
'E stelle cchiù lucente 'e tutt' 'e ssere.
I' porto nu mistero dint' 'o core
'mpastato 'e sciure, lacreme e suspire.
Mo lùceno, pe'mmé, stelle a migliara.
Mme ne vogl'ì pe' viche e vecarielle,
suspiranno na canzone
cu 'o mandulino.
S'aràpeno feneste e fenestelle
e s'affaccia chi durmeva
a suonno chino.
Chi allucca, chi mme dice: "'A vuó' fernì?",
"Guaglió'!!!", "Mannaggia..."
"Ccà s'ha da durmì".
Mme perdunate, amice,
ma v'aggi' 'a fà sapé
ca i' sóngo assaje felice
e ca nisciuno è cchiù felice 'e me.
Amice, chiaro e tunno
i' mo ve ll'aggi' 'a dì,
'a femmena cchiù bella 'e tutt' 'o munno
mm'ha ditto "sì".
Lle sóngo state attuorno ciento amante.
Ll'hanno fatto vedé, comm' 'int' 'e cunte,
palazze d'oro e perle 'e ll'Oriente.
Ca mme vò' bene nun se só' cunvinte.
Lle sóngo state attuorno ciente amante.
Mme ne vogl'ì pe' viche e vicarielle,
................................................
Chi allucca, chi mme dice: "'A vuó' ferní?",
"Guaglió'!!!", "Mannaggia..."
"Ccà s'ha da durmì".
|
