Le stronzate di Pulcinella

poesie napoletane sull'inverno

« Older   Newer »
  Share  
view post Posted on 24/10/2014, 17:44
Avatar

Pulcinella291 Forum

Group:
AMMINISTRAZIONE
Posts:
41,930

Status:




TAMMURRIATA 'E VIERNO
Albere annure e fronne sparze nterra
pe cummiglia' cu na cuperta d'oro
tutt''e suspire 'e vierno...
pe cummiglia' cu na cuperta d'oro
tutt''e suspire 'e vierno...
Na tammurriata 'e viento nfaccia 'e llastre,
me dice ca l'autunno se n'è ghiuto;
l'onna ngrifata sbatte forte 'a rena,
po' s'abbraccia 'a scugliera...
No nun parla' e avuotele chist'uocchie.
Io m'arricordo 'e quanno
quanta calore dive a chistu core,
mo ca 'e vierno e nu gelo l'arravoglia...
Cerco 'e vede' si 'o blu sta sempe ncielo
e a mmare stesse ancora na Sirena...
Ma 'o rummore d''o viento, se sente,
è cchiu forte e accummencia a siscà,
e sti llastre, tremmanno,
sferzate d''o viento,
te stanno a chiamma'...
E tu invece tra mille penziere...
luntano staie gia'...

Bruno Zapparrata


Pure vierno tene l'addore
Pure vierno tene 'o prufumo
'o fridde tene l'addore
cunserva meglio o prufumo d'a terra
che te trase int'o naso
mentre 'a gola se rinfresca


Vierno napulitano
Nu' viento dispettuso sbatte 'e pporte
e allucca sotto 'e ssenghe 'e na perziana,
na' vecchia scunsulata pensa 'a morte
e prega quanno sente na' campana.

Dint''a stu vico chiove a' na semmana
e l'acqua scorre ngoppe a'sti feneste,
mentre na' lenza 'e sole s'alluntana
e lascia nu vapore arete 'e llastre!

E io sto suffrenno 'o friddo da' vernata
sotto stu' cielo ca m'astregna 'o core,
mentre me sceto spisso dint''a nuttata
cu nu' pensiero forte ca nun more...

Vurria turnà guaglione n'ata vota
e respirà chest'aria quanno schiove:
stu' desiderio forte m'arrevota,
io voglio accumincià na' vita nova!

Appena sponte 'o sole
aggia passià pe' strade
e scennere a fa 'a spesa
abbascio 'o mercatino.

E quanno se fa sera,
affianco a Carmelina,
io voglio assapurà
l'addore da' marina...

Voglio sentì nu' brivido
che scorre dint''e vvene:
pecché a' mmurì pe' campà,
nun vale proprio 'a pena...
mentre mi sveglio spesso nella notte
con un pensiero forte che non muore...

Vorrei tornar ragazzo un'altra volta
e respirar quest'aria quando spiove:
questo desiderio forte mi rivolta,
io voglio incominciare una vita nuova!

Appena torna a spuntare il sole
voglio passeggiare per le strade
e scendere a far la spesa
giù nel mercatino rionale.

E quando si fa sera,
al fianco di Carmelina,
io voglio assaporar
l'odore di marina...

Voglio sentire un brivido
che scorre nelle vene:
perché a morir per campare
non vale proprio la pena...

Salvatore Masullo




Vierno trase di Peppino De Filippo
Po cielo aria 'e tempesta,
sole nascosto...
nfra terra e mare
nuvole a centenara....

Cu 'e primme fridde vène 'a pecundría,
vierno trase...
malincunia!
Si na speranza tiene dinto core
lenta e triste se ne more!
Addio sere d'estate
e serenate
cantate pe ciardine e 'mmiez'ê vvie.
Addio nuttate belle
ciele puntiate 'e stelle,
si site 'nnammurate e v'ha lassato...
Che pecundría!

Vola n'auciello spierzo, senz'ammore,
comme spierzo va chistu core.
Scorre, pe titte, ll'acqua 'mmiez'â via...
vierno trase...
che nustalgía!
Addio carezze e vase,
addio surrise,
'mmiezâddóre de sciure
e 'e panne spase...
Addio sole d'estate,
addio tiempe passate...
Si site 'nnammurate
e v'ha lassato,
che pecundría!

Po cielo aria 'e tempesta
Oj' bella estate addio...
more ll'ammore mio
e vierno trase!


Matenata 'e vierno di Capurro
O’ friddo scioscia, taglia proprio ‘a faccia:
pe’ ll’aria cupa cupa, senza sole,
‘e ppagliuchelle, ‘e fronne, ‘e piezze ‘e carta
votano attuorno.
Arravugliato ‘int’ ‘a ‘na petaccella
‘e scialle viecchio, tutto spertusato,
‘o lavurante corre, scarfa ‘e mmane
forte c’ ‘o sciato.
Ma ‘e mmane, rosse comme è russo ‘o naso,
so già gelate, che buò dà calimma!
Forze ‘o ri sordò ha dato a ‘e figlie, e penza
‘a presa ‘e rumma!
Luntano siente ‘na voce: - C’ ‘o brodo
‘a fresellina, chiena ‘e sale e pepe!
e ‘i piezze ‘e neve comme a sciucchetielle
chioveno ncuollo!



VIERNO
Sti ffoglie gialle ‘e fore ‘a sta fenesta
me fanno ll’aria accussì cupa e triste.
Pare ca se sta priparanno ‘na tempesta :
nu viente friddo ca me gela ‘o core,
po guardo ‘ncielo e veco ‘o sole
ca nun sponta ancora,
si sulo penetrasse chistu raggio
dint’a sta casarella sulitaria,
io forze cacciarria cchiù curaggio
e pigliarria ‘a vita comme vene !
Di Concetta Basile


QUANNO TRASE VIERNO
di Aldo Grazzi.
Ih che tristezza quanno trase vierno
e che turture p''a saluta mia!
'O sole nun me fa cchiù cumpagnia
e 'o maletiempo comme fosse eterno.
Me sento priggiuniero 'int'a ll'inferno
e sconto 'e ppene 'e chesta malatia
speruto 'e cammenà pe' 'mmiez''a via.
Si jesce 'o sole pare 'e piglià 'o terno.
Chi me turmenta songo 'e colpe 'e tosse
e sti dulure ca sento 'int'a ll'osse.
E comm'è brutto quanno scenn''a sera!
Vierno cu mme fa sempe 'o caliòta
e pe' mme sentì bbuono n'ata vota
aggi''a aspettà ca torna primmavera.



A 'VIERNO 'O MARE

Abbuccato 'ncoppa 'a na scalella,
tengo 'o mare 'nfaccia e pò',
chistu viento 'e vierno cca trase
'into 'e vvene, ma male nun fà.

E' viento 'e mare: suspira,
passa p''e gire 'e ll'anema,
pe' 'stu sole ca sbatte attuorno,
ma è gentile, nun vò appiccià.

I' te vurria ricere
chello ca tengo ainto:
ma, 'nsomma, nun so' capace,
e canto e sono, e va.

'A vierno 'o mare me ddice
cose che a casa nun sentarrò,
'gnorsì, t''o vvoglio sussurà:
suspira all'anema che vvà!
di Manuel Miranda



Edited by Pulcinella291 - 3/6/2016, 08:21
 
Web  Top
Bruno Zapparrata
view post Posted on 2/6/2016, 21:23




Ringrazio per l'inserimento che resta cosa graditissima e gentile ma prego l'amministratore o il curatore di aggiungere questi 3 versi in testa alla poesia altrimenti risulta incompleta. Nel pregarvi vi ringrazio cordialmente... Ecco i verso che iniziano la poesia e si congiungono agli altri:

Albere annure e fronne sparze nterra
pe cummiglia' cu na cuperta d'oro
tutt''e suspire 'e vierno...

La poesia è Tammurriata 'e Vierno ed io sono l'autore Bruno Zapparrata Grazie ancora
 
Top
view post Posted on 3/6/2016, 07:25
Avatar

Pulcinella291 Forum

Group:
AMMINISTRAZIONE
Posts:
41,930

Status:


Ora la poesia è ok. Grazie Bruno per il tuo gentilissimo intervento. Se hai tue poesie che vuoi pubblicare qui da noi puoi farlo senza problemi
 
Web  Top
2 replies since 24/10/2014, 17:44   1381 views
  Share