| Ammore mio
Ammore mio, guaglione, è ghiuto â scola tant'anne arreto senza fá maje niente: Screveva 'ncopp''e banche una parola e una parola se teneva a mente: Screveva "Amalia" e, comme niente fosse, pazziava cu 'e nnennélle a zompafuosse...
E i' nun sapevo scrivere nun ghiévo p''o ssuttile: senza sapé' 'a grammatica screvevo dint'abbrile: "Mio dorge amore, ti oh conzervato un pizzo nel mio quore!"
'Ammore mio guaglione, pazzianno, pigliaje sùbbeto ll'uso a fá filone: Quaranta juorne 'e scola tutto ll'anno!... E si ê vvote leggevo 'a lezione, truvavo, 'mmiez'ê paggine, â 'ntrasatto, nu ricciulillo d'oro o nu ritratto...
Io nun 'ngarravo a leggere: sbatteva 'o core 'mpietto... Ma, pure senza virgole, liggevo stu biglietto: "Mio dorge amore, pur'io per te, ci oh un pizzo nel mio quore!"
Mo 'ammore è tutto calamaro e penna... ma i' mm''a ricordo a chella piccerella: purtava 'o panarino cu 'a marenna na cinta a tre culure e na cartella... E i' ll'aspettavo a 'o sòleto puntone pe' dí: "Guarda che sole...fa' filone!"
Zero cu ll'asteristico pigliaje a bene e a male... E avette 'a peggia media... pur'essa: tale e quale. Duje cunte pare: Zero allo studio... e vase a centenare!
E. A. Mario
Uocchie 'ncantatore
Te guardo dint' all'uocchie e veco 'o mare, 'o sole, 'a luna, 'e stelle e 'o cielo blù sti dduje smeralde 'e guardo e cchiù me pare ca st'uocchie belle 'e ttiene solo tu. Songh' uocchie ca me 'ncantano, so Iluce ca m'abbagliano. Mettono dint' all'anema, 'mpietto, nu desiderio 'e t'abbraccià , t'astregnere, vasà sta vocca 'e zucchero. Ammore mio magnifico i' me vulesse perdere... stanotte 'mbraccio a tte! Toto'
'Ncantesimo
Te guardo tutt' 'o juorno e sò 'ncantato guardannete sti mmane... sti capille, sta vocca rossa comm' 'a nu granato, chist'uocchie nire ca sò ddoje scintille, l'avorio 'e chesti spalle avvellutate, e sta vetella 'e vespa 'ntussecosa. '0 ssaccio, ch'aggia fà... mme sò 'mbriacato, mme sò 'mbriacato pe sti belli ccose! Toto'
Nu juorno all'intrasatta... Nu juomo all'intrasatta sentette 'e tuzzulià 'ncopp' a stu core: -Mò chi sarà ca vene a tuzzulià proprio a chest'ora a mme ca nun aspetto cchiù a nisciuno...- ...E allora? Allora addimannaje: - Chi è ? - Na voce gentile rispunnette: - Faciteme trasì . Cerco ospitalità - '0 nomme aggia sapè - - Me chiammano Violetta - Subbeto spalancate 'a porta 'e chistu core pe fa trasì stu sciore, stu sciore delicato, stu sciore appassionato. Appena isso trasette, a porta se 'nzerraje, nun s'arapette cchiù , cchiù pe nisciuno... ... maje Toto' Rosa
Quanto si bella oj Ro’ quanto si bella, si bella e io te guardo, nascostamente pe’ nun me fa scorgere a te, e guardannete me ‘ncantato, e guardannete me perdo. (Lo Guarracino)
Si nà zinghere…
Si nà zinghere liggeneme ‘o destine ‘mmiez’’a mane, m’avesse ditte Cà ‘ncuntrave a nà femmene comme a te Nun c’iavesse credute. L’avesse ditte: vattè nun mè di fesserie. Nà femmene accussi, esiste sule dint’’e suonne. ‘E mò che t’agge ‘ncuntrate, overamente mè pare ‘e sunnà Gennaro D’Aria
MUSICA
Musica, famme nu poco cumpagnia chi voglio bene sta luntano pur'esse è ?nn ammurata ?e te e nun me chiedere pecchè ma so? sicuro: si te sente pensa a mme?. Musica, si pure tu te siente sola io sto scrivenno ?sti parole te ce può mettere a fa ammore piensece tu pe ll'armonia, si state buon ?nzieme è pure colpa mia. Io ca te sto danno tutt'a vita nun t'aggio chisto mai ?na vota ?e fa miracoli pe me, mo che aggio bisogno cchiù e ogni cosa ?e le fa sentere ?sta voce, ti prego, nun può rifiutà, puortele comm? ?e foglie ?e porta ?o viento poche parole sulamente, falle capì ca chi sta spandecanno è ?o core mio. Veco ?na luce, sento ?na voce: è ?a luna ca me parla ?e te. È ?a stessa luna che staje gurdanno tu che amplifica ?e pensieri e ?i spanne dint? ?o cielo e nun me scordo cchiù. ?O tiempo passa chiano e j? cont? ll'ore, currevano si mo stevemo a fa ammore, e j' me sto zitto e apetto sai pecchè: tu staje luntano e j? penso semp'a tte?. Gigi D'Alessio
E trezze 'e Carulina
Oi pètteno, che piéttene 'e ttrezze 'e Carulina, damme nu sfizio, scippela, scippela na matina!
E tu, specchio addò luceno chill' uocchie, addò, cantanno, ride e se mmira, appànnete mentre se sta mmiranno.
Lenzola, addò se stenneno 'e ccarne soie gentile, nfucateve, pugnitela, tutto stu mese abbrile!
E vuie, teste d' anèpeta, d' aruta e resedà, seccate ncopp' a ll' asteco faciteve truvà!
Ma 'o pètteno che pettena 'e ttrezze 'e Carulina, è sempe 'o stesso petteno 'e tartaruca fina:
'o specchio è de Venezia e nun ha fatto mossa: 'e lenzulelle smoveno n' addore 'e spicaddossa:
e mmanco nun me senteno ll' aruta e 'a resedà; cchiù ampresso ncopp' a ll' asteco abbrile 'e ffa schiuppà!… Salvatore Di Giacomo
Speranzella
Ce sta 'na speranzella nascosta dint' 'o core ca tu rituorne dint' a chesti braccia comme ajere si m' haje voluto bene si nun me so' sbagliato è troppo 'nu peccato si nun ce vedimmo cchiù t'aspetto tutt' 'e ssere ammore a tradimento te cure sempe 'e tutte quante e nun te cure 'e me. Ma 'mpietto amme ce sta 'na speranzella ca tu rituorne ancora me cade mbraccio e nun te ne vaje cchiù na speranzella doce e appassiunata comm' a tte ca nun se fa tuccà ca nun se move 'a cà. Si nun te stò vicino è colpa e tutt' e dduje pecchè o destino ce 'o facimmo sulamente nuje parlavo 'e te stasera 'n amico t'ha 'ncuntrata m'ha ditto ca te si' sciupata e ca nun mange cchiù me mancano e pparole me manca 'a fantasia io saccio sulamente ca si' tutt' 'a vita mia. E mpietto a mme ce sta na speranzella ca tu rituorne ancora me cade mbraccio a nun te ne vaje cchiù na speranzella doce e appassiunata comm' a tte ca nun se fa tuccà ca sbatte 'e piede nun se move a ccà Renato Carosone
'A fata de suonne
Sí, t''o scrivo stu bigliettino... Sí, t''a faccio 'sta serenata... Ma, cu 'a penna o cu 'o mandulino, che te dico? Stamme a sentí...
Maria, Marí'... st'uocchie lucente e 'sta vucchella rossa, primma ca tu nascive, Napule s''e ccantava... Stu nomme tujo, Marí', s''o cunnuliava na cònnola 'e mare, doce doce... Tu si' 'a fata d''e suonne, ch'aspettavano a te!...
Sí, t''o ggiuro ca si' 'a cchiù bella... Sí, t''e mmanno sti rrose gialle... Ma si arriva 'sta 'mmasciatella, che te dice? Stamme a sentí... G. Marotta
Amaro è 'o bbene
Nu suono 'e fisarmonica se sente, ma nun 'o ssaccio si mm''o stó' sunnanno o forse sta sunanno overamente... Nu suono 'e fisarmonica se sente...
Amaro è 'o bbene... Amare sóngo 'e vase ca mme daje... Nun tene cielo, st'ammore nuosto, nun tene dimane... Amaro è 'o core, pecché nun sape chello ch''ha da fá: Si ha da tremmá pe' te o si ha da fermá... Amaro è 'o bbene... Amaro è 'o bbene...
Ce sta, 'int'a ll'aria, nu presentimento: chisà si chesta è giá ll'urdema vota... Sento ca mme ll'arrobbo ogne mumento... ce sta, 'int'a ll'aria, nu presentimento...
Sergio Bruni
'AMMORE CANTA Murolo - Tagliaferri
Sole d'abbrile, scétate!... Giá tutt''e stelle mòrono... Scétate!... Famm''e ffeneste 'e Napule arapí... Chien''e suspire è ll'aria: tutte suspire 'e femmene ca, 'mbracci'a me, stanotte, 'int''o silenzio, scurnose e belle, mm'hanno ditto sí...
Pe' chi canto? E chi só'?
Canto! Canto pe' Napule! Canto: mme chiammo: "Ammore" Canto e mme trèmmano, cchiù ardente e doce, 'e core 'e tutt''o munno 'int'a stu core... 'E vvoce 'e tutt''o munno 'int'a 'sta voce...
'O sole sponta...scétate cu 'sta canzone, oje Napule! Scétate! Chi è 'nnammurato, nun ha da durmí! Tutt''e ccampane sonano... Tutt''e ffeneste lùceno... Faccelle 'e suonno, 'mmiez'ê rrose e a ll'èllera, s'affacciano, 'ncantate, pe' sentí...
Pe' chi canto? E chi só'?
Canto! Canto pe' Napule! Canto: mme chiammo: "Ammore" Canto e mme trèmmano, cchiù ardente e doce, 'e core 'e tutt''o munno 'int'a stu core... 'E vvoce 'e tutt''o munno 'int'a 'sta voce...
Bongiorno ammore, bongiorno ammore mio, tutto è cchiù bello e caro vulenno bene a te.
N'aria 'e tempesta pare doce e liggèra, nu tiempo amaro e triste, pare felicitá...
Si ê vvote mme faje credere ca pienze 'e mme lassá e 'o core mme faje chiagnere ca tantu male fa... Mm'abbasta vedé splènnere st'uocchie ca tiene tu... ca 'mparaviso, crídeme, mme pare 'e stá cu te!
Bongiorno ammore, bongiorno ammore mio... só' mille suonne d'oro stanno vicino a te.
Cántano 'e sciure e canta 'o sole e 'o mare Marí', pe' chist'ammore, ca vò' sultanto a te! Peppino De Filippo
CHE BENE VOGLIO A TE!
Quanno 'e bellizze conto ca tu tiene, quanno t'avanto sti capille d'oro, quanno mme siente 'e di': "Te voglio bene", quanno mme siente 'e dí ca pe' te moro...
só' niente sti pparole 'e sti ccanzone... che te vulesse dí nun puó' sapé....
Si 'o cielo fosse nu fuglietto 'e lettera, e 'o mare tutto gnostia pe' te scrivere, manco nun mm'abbastasse pe' te dicere che bene voglio a te...
Quanno na smania mm'arde ánema e core, quanno te vaso 'ncopp'a st'uocchie nire, quanno turmento sti mmanelle 'e cera, quanno ll'affanno siente 'e sti suspire,
chello ch'a fianco a te, matina e sera, tengo 'int''e vvéne, tu nun puó' sapé!...
Si n'atu sole addeventasse Napule, si ascesse tutt''a lava d''o Vesuvio, maje fosse comm''o ffuoco 'e desiderio, ca tengo 'mpietto, 'e te!...
DIMME NA VOTA SI Paolella -
Tu nce si' nata co le rrose 'mmano... tu si' crisciuta tra li giesummine... pe' te stóngo malato e non mme sano e tu, carella mia, non ll'annevine?
Dimme na vota sí, ca mme vuó' bene... lo bbide ca nun pòzzo proprio cchiù!?
Quanno vedette a te, stette a zompare sto core ca mettiste 'ntra le ppene. Chesti rrosélle tienatelle care: una de cheste, mme la daje a méne...
Dimme na vota sí, ca mme vuó' bene... ................................................................
Quanta nce vònno prete a fà no ponte, tanta suspire tu mme si' costata... Sti ddoje stelle ca tu tiene 'nfronte, te fanno bella assaje cchiù de na fata...
Dimme na vota sí, ca mme vuó' bene... ............................................................ Si nuje po' ce sposammo, oh che contiento! Nu lietto cu sti rrose voglio fare... Dammillo nu vasillo pe' tramente. Nu vaso sulo, mme lo puoje dare...
Dimme na vota si!
E BONASERA AMMORE
E vienetenne Ammore, e vienetenne... mo, cu 'a schiuppata 'e primmavera, scinne... dint''e nnuttate ca nun tengo suonno... Dimme ca chesta nun è chella 'e tanno, ch'è 'a cchiù sincera femmena d''o munno e ca, sinceramente, sta aspettanno....
Dimme chello ca vuó'... canta comme vuó' tu, ma io nun te credo, no, ma io nun ce 'ncappo cchiù!
E s'è addurmuto, Ammore, e s'è addurmuto stu core mio ca fuje maletrattato... E ca tu cante storie? Nun se sceta! E ca tu dice comm'a ll'ati vvote: Nun è Crestina...nun è 'Mmaculata... Dorme stu core mio, male capito...
Dimme chello ca vuó'... .......................................
E bonasera, Ammore, e bonasera! E va' a fá 'o ruffianiello a n'atu core... Quanno c'è stato chi mm'ha ditto: "Giuro ca nun te lasso manco quanno moro..." E mm'ha lassato cu na vocca amara... Fall'aspettá 'sta nénna ca suspira... Galdieri
Edited by Pulcinella291 - 15/4/2013, 08:58
|