— Te si' fatto capace ancora, o no?...
Se mena mmiezo cu la spata mmano,
cu ll'uocchie comm"o ffuoco... — Jammo, To',
jammo!...— E va 'ncareca 'e chillo puorco 'e Gano!
Slancisi in mezze! E mille n'ammazzò
con unsol colpo! E: traritor villano!
per tutto il campo attorno egli gridò,
fatti sotto, assassin! cane! marrano!
— Oh!... — M"e capito mo'? Ma 'o macanzese,
c"a sapeva cchiù longa de nu mago,
che vuò truvà! Nun se facette vivo!
E allor sbruffando, in palatin franzese
dei nimici fè scempio! Ed era un lago
'e sango...! Se capisce!... P"o currivo!
II.
E che veriste neh, llà mmiezo llà...
'e ccape ruciuliavano pe terra
comm'a ttanta pallucce!.. 'E ssape rà'
Linardo nuosto, che! Cu chella guerra,
chille nemice! Se vo' vindicà?
s'ha miso 'ncapo? Embè, piglia na sferra ¹),
na mazza, na cannuccia, e 'e ffa scappà...
E c'ammuina ²), neh! che serra-serra!
Gan da Pontiere intanto, salta in groppa
e abbandonando il campo, se ne parte
pe ffureste e buscaglie, priesto priesto...
Vere ³) na casarella e llà galoppa...
Ma mo' è fatt'ora, va! Nzerrammo 'e ccarte!
Piacenno a Dio, a n'auto ppoco 'o riesto!
III.
— Limone, acqua! Acquaiuolo!... — Viene 'a ccà,
ramme ¹) na giarra semprice!... Z-Tò!
'O macanzese... se farrà acchiappà?...
— Quanto ve preco... — Comme! Mo' nce vo',
e ssite vuie!... Che carte da jucà,
Gano 'e Maganza?!... È traritore, o no?!
'A sape tanto longa!... Scapparrà!...
— Gniernò!... — Gnorsì! — ... Embè, e Linardo po'?
—'O spassatiempo!...) — Ri' cientè 'e semmente!...
Addonca, te riceva... 'o palatino
nun ll'assecuta?! ³) nun ll'arriva! che?!
Faccimmo na scummessa?... — Tiene mente!...
Guè, ma vi' comm'è tuosto stu Peppino!...
L'arrivarrà, Linardo!... Siente a mme!
IV.
...Lassàimo a Ganellone da Pontiere
ca fuieva a Linardo a grand'imprese... )
A una casetta, il traritor guarriere
galoppa per sottrarsi dal franzese.
Venimmoncènne, corre, arriva e scese!
Ganellon rio scennette dal destriere.
Capite?... Facea cauro: 'o maganzese
alla porta s'appressa, ed il cimiere
s'aveva luvato 'a capo. Tuzzulea ),
tenennose 'o cavallo per la briglia,
tuppe-ttu!... tuppe-ttu!... Nisciuno arape!
Chesto comme se magna? ³) murmurea...
Chesto che vene a di'?! Ngrottesce 'e cciglia,
e picchia. Ma che niun non v'è, non sape!
V.
Tuzzulea cchiù fforte. E che vuò aprì!
Quella magion era risabbitata!
Dieci anni avanti un veglio ni morì,
lo qual viveva vita ritirata...
Gano nun sape niente. E: che vo' di'?
fa ncap'a isso. Fosse abbandunata?!
Appizza buono 'e rrecchie, e sta a sentì
muliebbra una vocia... Era na fata!
Aprite! gridò il sire di Maganza
tutt'arraggiato, stracquo e cu 'a paura
'e Linardo ca 'o va piscanno ¹) ancora!
Aprite! gridà con ordacotanza,
si no Cristo mo' sgaruppo ²) 'e mmura!...
'Nzomma, po"a fata aprette, a la bon'ora!
VI.
Pe tramente traseva, da luntano
sente 'o scapulià di un destriere...
Uh ssanto Ddio!... È turco? È crestiano,
chisto ca sta venenno?... È nu guarriere!
La lancia in resta... Forse è musulmano...
ma no! Una crocia spicca sul cimiere...
È... Linardo!... Il bel sir da Montarbano,
che grida: Empio fellon!... Gan de Pontiere!...
— Ah! finalmente!... — L'ha afferrato?... — 'Accire?!...
S"o magna?... — 'O sbrana, a chillo traritore?...
— 'O spacca 'a capa o no?... — Mo'! Nun mumente!
Egli è Linardo! di Maganza il sire
die tremando e pieno di terrore...
Zonpa a cavallo... e scappa! — Ah! Che fetente!
