|
|
|
Uocchie de suonno, nire, appassiunate, ca de lu mmèle la ducezza avite, pecché, cu sti gguardate ca facite, vuje nu vrasiero ‘mpietto mm’appicciate?… Ve manca la parola e mme parlate, pare ca senza lacreme chiagnite, de ‘sta faccella janca ánema site, uocchie belle, uocchie doce, uocchie affatate! Vuje ca ‘nziem’a li sciure v’arapite e ‘nzieme cu li sciure ve ‘nzerráte, sciure de passione mme parite. Vuje, sentimento de li ‘nnammurate, mm’avite fatto male e lu ssapite… Uocchie de suonno, nire, appassiunate!… di Salvatore Di Giacomo-Costa 1884
Per i non napoletani napulitanata = come dire, … un qaualcosa prettamente napoletana mmèle = miele vrasiero = braciere ‘mpietto = in petto appicciate = accendete chiagnite = piangete janca = bianca ‘nziem = assieme sciure = fiori arapite= aprite
Napulitanata-Maria Nazionale Video
|
| |