Nun me scetà :una poesia , una canzone

<p align="center"><i><b>

Quanta varche ‘e marenare
ca se vedono stasera…
cu na luce sott”a prora
pare ca ‘e stelle só’ cadute a mare!
Tutt”e ccanzone ‘e Napule
stanotte, ‘o core mio, vurría cantá:
ma addó’ ce stanno lácreme,
addio felicitá!

Cántame, oje marená’, tutt”e ccanzone…
n’ora famme durmí sott’a ‘sta luna!
Famme sunná che ancòra mme vò’ bene…
Famme ‘nzuonno murí…
Nun me scetà !
Comm”o paggio cantatore
ch”a riggina, pe’ na sera,
ll’addurmette ánema e core
e po’ ll’abbandunaje, scetáto, a mare,
tu pure, ‘mmiez’ê nnuvole,
stu core mm”addurmiste ‘mbracci’a te…
e a mare, chino ‘e lácreme,
stanotte ‘o faje cadé…
Cántame, oje marená’, tutt”e ccanzone…
n’ora famme durmí sott’a ‘sta luna!
Famme sunná che ancòra mme vò’ bene…
Famme ‘nzuonno murí…
Nun me scetà !

Voca ohé…
Comm”a femmena è ‘o mare…
comm”o mare è ll’ammore…
Voca ohé

(Ernesto Murolo 1930)


Roberto Murolo - Nun me scetà
Video