|
|
| 
MANDULINATA A MARE 1915
Califano - Buongiovanni
Mme só' 'mbarcato cu nu bastimento,
pe' mme scurdá 'e na femmena birbanta
ca 'nganna 'e 'nnammurate e se n'avanta...
e 'mmiez'ê vase 'mmésca 'o tradimento!
Oje mare mare, pòrtame
quanto cchiù puó' luntano...
luntano 'a chesta femmena!
Nn''a voglio cchiù vedé!!!
Chill'uocchie só' turchine comm''o mare
e, comm''o mare, sóngo 'nfame pure...
'O mare, addó' te cride 'e stá sicuro,
nu tradimento sempe te pripara...
Oje mare mare, pòrtame
quanto cchiù puó' luntano...
luntano 'a chesta femmena!
Nn''a voglio cchiù vedé!!!
'E marenare, 'nterra Marechiaro,
'a chiammano: "'A Sirena Arrobbacore"
ma, primma ca s'arrobba chistu core,
io só' cuntento de jettarlo a mare!
Video
|
| | |
