[CENTER]
[/CENTER]
‘A bona vita
di Raffaele Chiurazzi
Mme ne vuless’i’ dint’a nu quartiere
addò ‘a nisciuno fosse canusciuto;
e vulesse ffà n’arte o nu mestiere
che cummannasse ‘a pezza ogne minuto.
M’affittasse nu vascio e mme mettesse
cu na guappa catena d’oro a llato.
Po, mmerzo ll’una. ‘o “ Roma” mme liggesse,
bello, cu nu denucchio ncopp’a n’ato.
Proprio rimpetto ‘o vascio ce tenesse
nu gravunaro cu na faccia nera,
ca mme fosse cumpare e i’ mm’’a ntennesse,
cumpare e bbuono, pure cu ‘a mugliera!!
