|
|
|
Maie ’nu vestito nuovo, ’a quanno è nnato! E fa’ sissantun’anne a’ fine ’o mese. Manco, a Piazza Medina, appiso ’o chiuovo!
E porta ’ncuollo ’o taito ’e n’avucato e porta ’ncapo ’nu cappiello ingrese, ca stette ’a copp’a trenta lire, nuovo,
’Na matina, c’avette ’na giacchetta; va pe’ metterv’ ’a mana int’a ’na sacca e se truvaie ’na ciento lire ’nmano!
Ciento lire!?... Mmi spetta o nun mmi spetta? Aggio mettuto ’a mana dint’ ’a sacca? M’ ’aggio arrubbata? Comm’ ’a tengo ’nmano?...
Ciento lire!? ’Na carta nova, nova... E se mettette tanto ’e bbuon’umore, ca penzaie: «Mo’ m’ ’a piglio!... E perdo ’e lume!
Io voglio pruvà ’o gusto ca se prova a dicere, ’na vota, a ’nu sartore: Pigliatene ’a mesura e ’nu custume!...»
Po’ ’nce penzaie... Dicette: «Nun è ’a mia... Nu’ sta!... chi ’a perde m’ha beneficato.» E comme ’stu signore era turrese,
turnaie c’ ’o sciaraballo ’a chella via!... . . . . . . . . . . . . . . . . Maie ’nu custume nuovo, ’a quanno è nnato! E fa’ sissantun’anne a’ fine ’o mese!...
Edited by Pulcinella291 - 17/5/2018, 12:04
|
| |