|
|
|  Nascette lu Messia, avenno ohi puveriello,
‘nu voje e ‘n’asiniello pe’ vrasere,
ohi pe’ vrasere
‘nu voje e n’asiniello pe’ vrasere,
E pure li tre Magge, da la luntana terra,
cu traine e carriagge se ne partettene
se ne partettene
cu traine e carriagge se ne partettene.
E appena ca verettero lu cielo allummenato
dicetteno era nato lu Messia
e lu Messia
dicetteno era nato lu Messia.
‘nanz’ a MMaria sgravata, pasture e pecurelle
cu’ ciotole e nucelle s’ appresentajene
s’ appresentajene
cu’ ciotole e nucelle s’ appresentajene.
E m’ ‘nce resta voce pe’ ve cerc’ licenza,
pe’ d’ ‘sta bbona udienza a’ Santa Notte,
a’ Santa Notte
pe’ d’ ‘sta bbona udienza a’ Santa Notte. |
| | |
