|
|
| 
Ohi don Michè, si lo Rre cremente
t'ha fatto colonnello e cavaliere,
io, che sto da lontano e tengo mente,
n'aggio nu sacci e mmiezo de piacere.
Pero' quann'ire schitto nu tenente,
avive chello che non puo' cchiu' avere:
pecchè allora ire chiammato da la gente
lo capaddozio de li puttaniere.
'Na dragona de cchiu' t'egne le sacche,
pero' non da' forza e nun te 'ntosta
chello che serve a sfuconà lli pacche!
Ne' le ffigliole , ohi do Miche', so ciucce,
a chisto munno, pe disgrazia nosta,
vanno truvanno cazze e no fettucce.
Raffaele Petra Marchese di Caccavone.
|
| | |
