|
|
| . 
. Dalle notifiche Filomena Di Sarno 'A LUNA 'E NAPULE.'A Luna 'e Napule è speciale!
Cumpare tutt' 'e ssere 'o stesso orario,
'a guarde...'a truove sempe tale e quale,
è 'a perla ca' completa 'stu scenario.
Rischiara cu' nu fascio 'e luce argiente,
nu spicchio d'acqua...pare 'na lampara
tanto ca brilla, smuvenne 'e sentimente,
'e chi se vasa 'o scuro a rriva 'e mare.
Luna lucente...Luna ca te 'ncanta....
Luna spiona ca 'nsegue 'e nnammurate,
Luna malata, pallida e distante....
Luna ca pare triste e delicata.
'E stelle 'ncielo 'a fanno cumpagnia,
'a fanno sta' scetata 'int' 'a nuttata,
'a fanno sta' nu poco in alleria,
facennele 'a cchiu' bbella serenata.
'A Luna 'e Napule cunosce ogni puntone,
ogni palazzo, ogni vico...'a Sanità...
Cunosce ogni quartiere, ogni rione,
e soprattutto 'o core 'e 'sta città!Filomena Di Sarno.(Reg alla Siae) salvo approvazione dell'autrice |
| | |
