|
|
| 
I.
Vocca, ca ciento e ciento vote all' ora
aggio vasata, e nun me stanco mai,
vocca, ca tanto bene e male fai
a chisto core affatturato 'a te;
**
vocca cchiù bella 'e na jurnata 'aprile
e cchiù addurosa 'e na campagna 'e rose,
àprete sempe pe me di' doi cose:
ca me vuò bene e m' 'o vuò fa sapè!
II.
Vocca, ca ride comme ride 'o sole
e si’ cchiù fresca ’e 11’ aria d’ ’a matina,
e c' ’o sapore doce d’ ’a curvina
me puorte ’addore ca me fa sperì;
**
vucchella mia, ca quanno vase accide
pecchè nu vaso tuio murì po’ fare,
tu, sapurita comm’ ’e frutte ’e mare,
plgliate 'a vita ca te do’ accussì!
III.
Vocca, ca pare n' uocchio ca me garda
quann' io te canto chist' ammore mio:
vocca, guardata mmocca pe gulìo,
buttone 'e rosa 'e copp' a nu buchè;
**
vocca d 'ammore tutt' appassiunata
ca quanno vase si' na lampa 'e fuoco,
torna a vasarme, sulo n'ato ppoco,
quanto m' abbasta pe murì pe tte!
|
| | |
