in questa sezione troverai i testi di molte canzoni napoletane, in ordine alfabetico

SE KLIKKI SOPRA su "LE STRONZATE DI PULCINELLA "TROVERAI DUE SEZIONI DEDICATE AI VIDEI DI CANZONI NAPOLETANE E CANZONI COMICHE .REGISTRATI ANCHE TU AL NOSTRO SITO, CI AIUTERAI A SCRIVERE COSE CARINE O METTICI TRA I PREFERITI
L'Elenco sara' sempre piu' aggiornato.

A

'A BONANEMA 'E LL'AMMORE La Buonanima dell’amore

Songo antico e ch'aggi''a fa?
Ch'aggi''a fá bell''e papá?!
Io appartengo a ll'ottuciento
e mo vaco contro 'o viento
ma però, ma però...
Chello ca facite mo,
nun mme piace...è 'a veritá...
Preferisco 'ammore antico
ca faceva spantecá...

Vocca e vocca,
core e core...
cu nu vaso e cu nu sciore...
cu nu suono 'e chitarrella,
suspirava na nennélla...
Mo tu chiamme 'a 'nnammurata
cu nu sisco, 'int''a nuttata...
Mo, ll'ammore, chi t''o ddá?
'A bonanema 'e ll'ammore
nun c'è cchiù, bell''e papá...
Tiempe antiche...
Tutto passa!
Mo se joca a piglia e lassa...
Si mammá, dint'a na recchia,
mme suspira: "Guarda, guá'!..."
Io lle dico: "Tu si' vecchia...
statte zitta e nun guardá!..."
Nun va cchiù 'nziem'a mammá,
'a figliola a passiggiá...
Fa ll'ammore "esistenziale",
po' te scrive 'o "memoriale"...
dice: "Sí"...dice: "Ma"...
maje nun dice 'a veritá...
Figliu mio, bell''e papá,
chelli ffemmene 'e na vota
si putesseno turná...

Vocca e vocca,
core e core...
....................
'A CANZONE 'E NAPULE La canzone di Napoli

Mme ne vogl'í a ll'America,
ca sta luntana assaje:
Mme ne vogl'í addó' maje
te pòzzo 'ncuntrá cchiù.
Mme voglio scurdá 'o cielo,
tutt''e ccanzone...'o mare,
mme voglio scurdá 'e Napule,
mme voglio scurdá 'e mámmema,
mme voglio scurdá 'e te!

II
Nun voglio cchiù nutizie
d'amice e de pariente...
Nun voglio sapé niente
'e chello ca se fa!...
Mme voglio scurdá 'o cielo,
............................................
III
Ma quanto è bella Napule,
Napule è bella assaje!...
Nun ll'aggio vista maje
cchiù bella 'e comm'a mo!
Comme mme scordo 'o cielo?
Tutt''e ccanzone...'o mare?
Comme mme scordo 'e Napule?
Comme mme scordo 'e mámmema?!
Comme mme scordo 'e te?...

'A CANZONE D''A FELICITA' La canzone della felicità

Na bella luggetella a Marechiaro,
cu 'a tènna e 'a luce elettrica p''a sera;
Teresenella cu 'e bbraccelle 'a fore,
s'abbraccia nu palummo e guarda a mare...
e, a ll'aria fresca 'e nu tramonto d'oro,
na voce 'nterr'â rena ca suspira:

"Glu-glu-glu...
comm''o palummo i' só'
e 'a notte, 'mbracci'a me,
na turturella si'..."

Canta! Canta!
Canta chi vò' cantá...
Chest'è 'a canzone d''a felicitá.

II

Nu juorno, nu vicchiotto cu 'e denare,
cercaje a Teresenella pe' mugliera...
Dicette 'a mamma d'essa: "Quant'onore..."
E 'o pate, 'a copp''a mano: "Che piacere!..."
Ma, 'e notte, se sentette dint''o scuro,
cchiù doce, 'a stessa voce, 'mmiez'ô mare:

"Glu-glu-glu...
comm''o palummo i' só'
e tu, abbracciata a me,
na turturella si'..."

Canta! Canta!
Canta chi vò' cantá...
Chest'è 'a canzone d''a felicitá.
III'A sera d''a parola...Ammore! Ammore!
'a sposa scumparette...e bonasera!
Sudava friddo 'o viecchio e, p''a tintura,
s'era 'nguacchiata 'a faccia nera nera!...
E pe' Surriento, sott''a luna chiara,
felice, suspiravano duje core:

"Glu-glu-glu...
.......................


A canzuncella
Che mm'e 'mparate a fa, che mm'e 'mparate a fa
Si doppo tantu tempo, te si scurdata 'e me,
e quanno me guardave, e ie pure te guardave
cull' uocchie me guardavo tutt' e mosse ca faciv'

Si 'nnammurate 'e me ma sienteme, chi t'o fa fà
E torna 'n'ata vota 'mbraccio a chillu llà,
Si 'nnammurate 'e me ma sienteme, nun ce pensa'
E torna 'n'ata vota addu chillu llà

Che t'aggio ditto a fa, che t'aggio ditto a fa
Pruvamme 'n'ata vota, pe n' ora po' bastà
Pe te sentì e parlà, pe te dicere ca po',
nun m'aspettavo niente a' te cchiu e chell' ca si stat'
Si 'nnammurate 'e me ma sienteme, chi t'o fa fa….

Te si spugliata cca', te si spugliata cca'
Si bell' e nun ho saccio, comme faccio a te guardà
Te voglio bene ancora, ma se dice po' pe' ddi
E intanto t'accuntent' cu chesta canzuncella

Si 'nnammurate 'e me ma sienteme, chi t'o fa fa….

'A CARTULINA 'E NAPULE La cartolina di Napoli

Mm'è arrivata, stammatina,
na cartulina:
E' na veduta 'e Napule
che mm'ha mannato mámmema...

Se vede tutt''o Vommero,
se vede Margellina,
nu poco 'e cielo 'e Napule...
'ncopp'a 'sta cartulina!

Napule,
aggio scritto pe' te chesta canzone...
e, p''o ricordo 'e mámmema,
aggio chiagnuto lacreme 'e passione!

II

E se vede pure 'o mare
cu Marechiaro:
Mme parla cchiù 'e na lettera
'sta cartulina 'e Napule!

Che gioja, stu Pusilleco,
'sta villa quant'è fina...
Comm'è bello 'o Vesuvio...
che bella cartulina!

Napule,
.............

III

"Comme tu puó' stá felice
- mamma mme dice -
luntano tanto 'a Napule,
luntano tanto 'a mámmeta?"

E soffro mille spáseme,
'ncore tengo na spina
quanno cunfronto 'America
cu chesta cartulina!...

Napule,
.............




A CASCIAFORTE
Vaco truvanno na casciaforte!
E andivinate pe' ne fá che?
Non tengo titoli,
non vivo 'e rendita,
non ci ho un vestito pe' cuollo a me!...
Ma 'a cascia mi necessita...
Pe' forza ll'aggi''a tené!
Ce aggi''a mettere tutt''e llettere
che mi ha scritto Rosina mia...
nu ritratto (formato visita)
d''a bonanema 'e zi' Sufia...
nu cierro 'e capille,
nu cuorno 'e curallo...
ed il becco del pappagallo
che noi perdemmo nel ventitré...
Pe-re-pe-re-pe-re-ppe-ré....

Sono ricordi che in cassaforte,
sulo llá dinto t''e ppuó' astipá...
Quando mi privano
del companatico,
io 'ngótto e zitto senza sferrá...
Lo so! La vita è tragica,
ma 'a cascia...mme ll'hann''a dá!
Ce aggi''a mettere tutt''e llettere
che mi ha scritto Rosina mia...
Il mozzone di una steárica
(conficcato nella bugia),
na bambola 'e Miccio,
na lente in astuccio...
e una coda di cavalluccio
che mi ricorda la meglio etá!
Pa-ra-pa-ra-pa-ra-ppa-rá....

Vaco truvanno na casciaforte!
Ma a qua' casciere ce 'o vvaco a dí?...
Certe reliquie,
cierti cimeli,
si 'e ttiene 'a fore, pònno sparí!...
San Casimiro martire...
'sta cascia, famm''a vení!
Ce aggi''a mettere tutt''e llettere
che mm'ha scritto Rosina mia,
na cartella (di lire dodici)
rilasciata dall'agenzía...
Na máneca 'e sicchio,
na crástula 'e specchio,
na corteccia di cacio vecchio
e un fracchesciasso color cakí!
Pi-ri-pi-ri-pi-ri-ppi-rí....

'A CURA 'E MAMMA' LA CURA DI MAMMA
Rusinella, mo tene vint'anne...
e smanéa e suspira a tutt'ore...
Ll'hanno ditto ch'è pálpito 'e core...
nu remmèdio opportuno nce vò'...

- Nèh, cumpá', che nce vurría
pe' sti smanie ca tengh'i'?
Io nun pòzzo cchiù durmí!
Io nun pòzzo cchiù durmí!...

Nèh, cumpá'...che nce vò'? -

- Nce vurría, per farve durmí...
tiritùppete e lariulí...
chella cura che fece mammá...
tiritáppete e lariulá!...-

II

- Nèh, cumpá', ma 'sta cura mme giova? -
- Che dicite!...Ve 'ngrassa e rinforza...
Cummarè', vuje ll'avit''a fá a forza
ca si no...piglia sotto 'o rraù... -

- E spiegateme cchiù meglio
chesta cura che vò' dí...
I' nun voglio cchiù suffrí...
I' nun voglio cchiù suffrí...

Nèh, cumpá', che nce vò'?... -

- Nce vurría, pe' farve durmí...
tiritíppete e lariulí...
chella cura che fece mammá...
tiritáppete e lariulá!... -

III

- Nèh, cumpá', fosse amara 'sta cura? -
- Anze è doce...cchiù doce d''o mmèle -
- E va buó' mo nce 'o ddico a Papèle... -
- Ma 'o segreto 'o tengh'io cummarè'! -

- E perció, parlate chiaro...
ch'aggi''a fá, ch'aggi''a pigliá,
che nce vò' pe' mme calmá?
Nèh, cumpá'...che nce vò'?...

Nèh, cumpá'...che nce vò'?... -

- Nce vurría, pe' farve durmí...
tiritùppete e lariulí...
chella cura che fece mammá...
tiritáppete e lariulá!... -

'A FATA D''E SUONNE LA FATA DEI SOGNI

Sí, t''o scrivo stu bigliettino...
Sí, t''a faccio 'sta serenata...
Ma, cu 'a penna o cu 'o mandulino,
che te dico? Stamme a sentí...

Maria, Marí'...
st'uocchie lucente e 'sta vucchella rossa,
primma ca tu nascive,
Napule s''e ccantava...
Stu nomme tujo, Marí', s''o cunnuliava
na cònnola 'e mare,
doce doce...
Tu si' 'a fata d''e suonne,
ch'aspettavano a te!...

II

Sí, t''o ggiuro ca si' 'a cchiù bella...
Sí, t''e mmanno sti rrose gialle...
Ma si arriva 'sta 'mmasciatella,
che te dice? Stamme a sentí...

Maria, Marí'...
.......................

'A FRANGESA La francese

Songo frangesa e vengo da Parigge:
Io só' na chiappa 'e 'mpesa,
ve ll'aggi''a dí!
Pe' cumminciá, sapite...
no, nun ve vrucculiate,
io 'o tengo 'o 'nnammurato...
cu me nun c'è che fá!

Oh!..Oh!..Oh!..Oh!..Oh!..Oh!..Oh!..

Ma vuje mo che vulite?
Ve prego 'e nun gridá!

Oh!..Oh!..Oh!..Oh!..Oh!..Oh!..Oh!..

Si vuje nun 'a fenite,
'un pòzzo cchiù cantá!

II

Io sóngo bona ma só' 'ntussecósa...
vurría sapé na cosa, ma 'a veritá:
Certo mme cuffiate,
veco ca mo redite,
Pecché mme lu ffacite?
Gué jammo a franco 'o ssá'?!

Oh!..Oh!..Oh!..Oh!..Oh!..Oh!..Oh!..

Ma vuje pecché redite?
Ve piace 'e ve spassá!?

Oh!..Oh!..Oh!..Oh!..Oh!..Oh!..Oh!..

Si vuje nun 'a fenite,
'un pòzzo cchiù cantá!

III

Aggio viaggiato
e saccio tutto 'o munno,
ma stu cielo affatato,
sta sulo ccá!...
'A gente ride e canta
e ghiètta a mare 'e guaje...
Napule è bella assaje:
I' ccá voglio restá...

Ah!..Ah!..Ah!..Ah!..Ah!..Ah!..Ah!..

Spassámmoce e redimmo,
si lu pputimmo fá...

Ah!..Ah!..Ah!..Ah!..Ah!..Ah!..Ah!..

Nuje mo nce cunuscimmo
e ghiammo a franco 'o ssá'!...


'A GELUSIA LA GELOSIA

Tu nun haje colpa, 'a colpa è tutt''a mia...
Ma comme fuje ca 'e te mme 'nnammuraje?!
Nun ce sta ammore senza gelusia...
però 'sta gelusia fa male assaje...

Ma comme fuje ca 'e te mme 'nnammuraje!?

Damme nu poco 'adduóbbeco 'int''o vino,
ca nun mme fa scetá fino a dimane...
E, mentre stó' durmenno a suonno chino,
mme sonno 'e te vasá sti bbelli mmane...

II

Tanno vurría cadé buono malato,
quanno sapesse ca t'aggio perduta...
Ma nun vurría sapé ca mm'hê 'ngannato:
ca 'nziem'a n'ato te ne si' partuta...

E pe' nun turná cchiù, te ne si' ghiuta!...

Damme nu poco 'adduóbbeco 'int''o vino,
si n'ato ammore dint''o core tiene...
E, mentre stó' durmenno a suonno chino,
'nzuonno mme sonno ca mme vuó' cchiù bene!...

Finale:
.......................................................................
Ma comme fuje ca 'e te mme 'nnammuraje?

Damme nu poco 'adduóbbeco 'int''o vino,
si n'ato ammore dint''o core tiene...
E, mentre stó' durmenno a suonno chino,
'nzuonno mme sonno ca mme vuó' cchiù bene!...
----------------------------------
AMARO é O BENE
nu suono 'e fisarmonica se sente
ma nun 'o saccio si mo sto' sunnanno
o forse sta' sunanno 'veramente
nu suono e fisarmonica se' sente
amar e' o bbene
amare song 'e vase ca me daje
nun tene cielo
st'ammore nuostro nun tene dimane
amar e' o core
pecche' nun sape chello che adda fa'
si' adda tremma' pe' te
o se adda' ferma'
amar e' o bene - amaro e''o bene
ce' sta int all'aria nu presentimento
chi sa si chesta e' gia' l'ultima vota
sento che me l'arrobbo ogni mumento
ce' sta int 'allaria nu presentimento
amar e' o bbene
amare song 'e vase ca me daje
nun tene cielo
st'ammore nuostro nun tene dimane
amar e' o core
pecche' nun sape chello che adda fa'
si' adda tremma' pe' te
o se adda' ferma'
amar e' o bene - amaro e''o bene
m u s i c a
amar e' o core
pecche' nun sape chello che adda fa'
si' adda tremma' pe' te
o se adda' ferma'
amar e' o bene
amaro e''o bene

-----------------------------------
ANGELARO'
ie quanta fonte
nove songhe nate
tutte e figliole
belle
c'e' so' ghiute
tutte ca so turnate
nammurate
e io pure
c'e' so ghiuto
ciente vote
ma tu me ritto no
ma tu me ritto no
angelarosa
pe tte
funtane e fonte
so seccate
tu vuo n'ammore ma
nun pienza a me
e so schiuppate
a mille e rose rosse
pa via c'e' facimmo
quatte passi
mo ca te puorte
o me'le de melisse
ma si t'astregna
a mano tu me lassa
pecche' me ritto no
pecche' me ritto no
angelarosa
tu sfronne e rose
e braccia
te vvuttasse
ma io voglio
a vocca toia
angelarosa
angelarosa
pe tte funtane
A RUMBA DE SCUGNIZZI
Chesta è 'a rumba d''e scugnizze
ca s'abballa a tutte pizze...
Truove 'e ddame, 'mpizze 'mpizze,
ca te fanno duje carizze
pe' te fá passá 'e verrizze...
Strette 'e mane, vase e frizze...
Pruove gusto e te ce avvizze,
cchiù te sfrine e cchiù t'appizze...
Comm'a tanta pire nizze,
te ne scinne a sghizze a sghizze,
fino a quanno nun scapizze...
Chest'è 'a rumba d''e scugnizze!
'O rilorgio, mo capisco,
pecché 'o cerco e nun 'o trovo...
steva appiso...E' ghiuto ô ffrisco:
c'è rimasto sulo 'o chiuovo...

'O chiuovo i' tengo!
Cic - cic - cic - cí...
Bell''e 'ammere!
Cic - cic - cic - cí...
Scarole ricce p''a 'nzalata!
Cic - cic - cic - cí...
Fenócchie!
Cic - cic - cic - cí....
'O spassatiempo!
Cic - cic - cic - cí...
Mo t''e ccoglio e mo t''e vvengo!
Cic - cic - ci - cí...
Gué, ll'aglie!
Cic - cic - cic - cí...

Chesta è 'a rumba d''e scugnizze...
Assettáteve, assettáteve!
ca s'abballa a tutte pizze...
'O quadrillo e 'a figurella!
Truove 'e ddame, 'mpizze 'mpizze...
'O mastrillo e 'a rattacasa!
ca te fanno duje carizze...
Quant'è bello 'o battilocchio!
Pruove gusto e te ce avvizze...
Pe' chi tene 'a moglie pazza!
Cchiù te sfrine e cchiù t'appizze...
Quatto sorde, 'o fenucchietto!

Comm'a tanta pire nizze...
te ne scinne a sghizze a sghizze,
fin'a quanno nun scapizze!
Chesta è 'a rumba d''e scugnizze!

Puparuole e aulive...
Magnáteve 'o cocco, magnáteve 'o cocco!
Rrobba vecchia...
Pallune p''allésse, pallune p''allésse!
'E mellune chine 'e fuoco...
Na bona marenna, na bona marenna!
Cotogne...
Gelati, gelati, gelati, gelati!
Conciatièlle...
'A pizza cu 'alice, 'a pizza cu 'alice!
Furno 'e campagna...
'E lazze p''e scarpe, 'e lazze p''e scarpe!
D''o ciardino, tutte secche...
'A capa d''o purpo, 'a capa d''o purpo!
'O Roma!...

Chella bella Mamma d''o Cármene v''o ppava:
Nun mm''o ppòzzo faticá!...

E' bellella 'a paparella!
Accattateve 'e piatte!
Seje tuvaglie cinche lire!
N'ata pianta p''o salotto!
Nocelline americane!
Tengo 'o ggrano p''a pastiera!
Pacchianè', chi s''o ppenzava?
Tiene chistu campo 'e fave!
Cicchignacco 'int''a butteglia!
'O zi' monaco 'mbriacone!
'O vveleno p''e scarrafune!
'A dummeneca addó' t''a faje?
Comm'a tanta pire nizze,
te ne scinne a sghizze a sghizze,
fino a quanno nun scapizze!
Chest'è 'a rumba d''e scugnizze!
-------------------------------------
A STORIA DO PITTORE
er guaglione
maccattave arrobba antica
pe dinte e case
na scicca signora me chiammaie
na matina a coppa o balcone
me facette sagli m'e nvitaie a trasi
e m'affidaie nu quadro e na figliola
sdraiate ncoppe a nu cuscine e rose
pareve a primmavera appena trase
che bella figliola che bella figliola
sentette chistu core ca tremmaie
e ce dicette quando ne vulite
c'a vesse date pure tutta a vita
me facette ncanta mo vuleve accatta
mo vuleve accatta.
chella signora
me dicette figlio mio ie te desse o cor
chiste me caro
pe stu quadro nun t'abbaste nu mare dor
tu nun saie chere mo te spiego pecche
a firma che sta ncoppe a sta pittura
a sape tutte o munne dinte e fore
e sape che facette stu pittore
pe chesta signora.
pe chesta signora
e mo te conte e dico comme fuie
nu jorne dinte a nattimo e follia
chiurettene chill'occhie tutte duie
e fernette e pitta.
e fernette e pitta.
e fernette e pitta
chillu rifiuto
me mettette namarezze dinte a stu core
mannaggie e denari
ce dicette ma stu quadro mo porte fore
mo vulette arrubba me facette arresta
chella era mamma mia chella signora
ca me lassaie sule appene nato
pavaie pave nu frutte e na passione
pe chellu pittore.
pe chellu pittore
mo songhe ruosse chiagne e me dispero
quando ma sonne a notte ca me chiamme
comme se cambe brutte senza mamma
sfurtunate accussi era meglio a muri.
sfurtunate accussi.
era meglio a muri....end


A sunnambula[/color

Carmela è na bambola,
e fa 'ammore cu me...
Ma 'a mamma è terribile:
Nun mm' 'a vò' fá vedé...
Allora aggio truvato
nu bellu ritrovato:
Carmela fa 'a sunnambula
pe' mme vení a truvá...
E fa scema a mammá!
E cu 'a scusa ch'è na sunnambula,
chesta bambola, nèh, che fa?
Tutt' 'e ssere, pe' copp'a ll'ásteco,
vène a ll'ùnnece a passiggiá...
'Ncopp'a ll'ásteco ce stóngh'io
e lle dico: "Stó' ccá pe' te..."
E 'a sunnambula,
ch'è na bambola...
fa 'a sunnambula
'mbracci'a me!
'O pate, 'On Arcangelo,
pe' dispietto nun vò'...
Lle sóngo antipatico
e mm'ha ditto ca no...
Ma a me che mme ne 'mporta?
Io tengo aperta 'a porta...
Carmela, comm''o ssolito,
mme vène a cunzulá...
E fa scemo a papá!!
E cu 'a scusa ch'è na sunnambula,
chesta bambola, nèh, che fa?
Tutt' 'e ssere, pe' copp'a ll'ásteco,
vène a ll'ùnnece a passiggiá...
'Ncopp'a ll'ásteco ce stóngh'io
e lle dico: "Stó' ccá pe' te..."
E 'a sunnambula,
ch'è na bambola...
fa 'a sunnambula
'mbracci'a me!
STRUMENTALE
'Ncopp'a ll'ásteco ce stóngh'io
e lle dico: "Stó' ccá pe' te..."
E 'a sunnambula,
ch'è na bambola...
fa 'a sunnambula
'mbracci'a me!
E 'a sunnambula,
ch'è na bambola...
fa 'a sunnambula
'mbracci'a me!

[color=blue]A tazza e cafe'
Vurría sapé pecché si mme vedite,
facite sempe 'a faccia amariggiata...
Ma vuje, quanto cchiù brutta ve facite,
cchiù bella, a ll'uocchie mieje, v'appresentate...
I' mo nun saccio si ve n'accurgite!
Ma cu sti mode, oje Bríggeta,
tazza 'e café parite:
sotto tenite 'o zzuccaro,
e 'ncoppa, amara site...
Ma i' tanto ch'aggi''a vutá,
e tanto ch'aggi''a girá...
ca 'o ddoce 'e sott''a tazza,
fin'a 'mmocca mm'ha da arrivá!...
Cchiù tiempo passa e cchiù v'arrefreddate,
'mméce 'e ve riscaldá..."Caffè squisito!..."
'o bbello è ca, si pure ve gelate,
site 'a delizia d''o ccafé granito...
Facenno cuncurrenza â limunata...
Ma cu sti mode, oje Bríggeta,

Vuje site 'a mamma d''e rrepassatore?...
E i', bellezza mia, figlio 'e cartaro!...
Si vuje ve divertite a cagná core,
i' faccio 'e ccarte pe' senza denare...
Bella pareglia fóssemo a fá 'ammore!
Ma cu sti mode, oje Bríggeta,ec ecc.

'A PRIMMA 'NNAMMURATA La prima fidanzata

Ajere, pe' Tuleto, mme 'ncuntraje
cu 'a primma e sola 'nnammurata mia:
ll'uocchie pittate...addó' passaje lassaje
tutt''e prufume 'e na prufumeria...
E a vint'anne turnaje cu stu penziero...
chilli vint'anne ca nun tengo cchiù!

Ll'ammore è na ferita
ca 'o tiempo pò saná,
ma te rummane 'o segno tutt''a vita
pe' t''a fá ricurdá!

II

E mme só' ricurdato na fenesta...
Maria 'mmiez'ê glicínie rampicante...
doje fronne 'aruta 'mpietto, 'o juorno 'e festa,
e na vesta cu 'e mmane soje cusute,
duje curallucce â recchia pe' brillante...
nu poco 'e cipria 'nfaccia...e niente cchiù!

Ll'ammore è na ferita
...................................

III

E doppo n'esistenza 'ntussecata
- che 'a vita nosta nu rumanzo fuje -
essa pigliaje na strada io n'ata strada
ma cu na spina ô core tutt'e duje!...
E 'a tant'anne, d''e llacreme chiagnute,
n'è rummasa una...e nun s'asciutta cchiù...

Ll'ammore è na ferita ecc.

'A RICETTA 'E NAPULE LA RICETTA DI NAPOLI

Nu viecchio milionario americano,
teneva nun se sa che malatia...
era nefrite, tisi o pecundría?...
'a scienza nun sapeva andiviná!...

Però un amico intimo
dicette: "Pe' guarí 'a 'sta malatia,
portiamolo in Germania:
ce stanno prufessure 'e chirurgia..."

E 'o juorno appriesso, 'ncopp'a nu vapore,
passaje ll'oceano 'o povero signore...

II

'E meglie scienziate berlinese
'o visitajeno senza capí niente...
però, sapenno ca ce steva "'argiento",
dicettero: "Tentiamo d'operá..."

Senza nisciunu scrupolo
'tagliajeno 'o cuorpo 'e chillu vicchiariello...
e, quanno fuje a ll'ùrdemo,
campava e nun campava 'o puveriello...

E quase quase, tanto d''o dulore,
steva saglienno 'ncielo add''o Signore...

III

Ma Napule, vedenno stu vapore
ca se purtava 'o viecchio quase muorto...
dicette: "Favorite dint''o Puorto,
tengo na cosa ca lle pò giuvá..."

Pigliaje nu poco 'e Vommero
cu vinticinche gramme 'e Margellina,
nu pízzeco 'e Pusilleco
e 'o preparaje na bella mmedecina.
E 'o viecchio, nun appena s''a pigliaje,
dint'a nu quarto d'ora se sanaje...

Finale:

Chest'è 'a ricetta 'e Napule:
nu poco 'e sole vi' che te cumbina...
pure chi è muorto 'e sùbbeto
venenno ccá, risuscita e cammina...

Nun ce vò' menta cedra e fronn''aruta
pe' stá sempe benissimo in salute!....


'A RISA La risata

Io tengo, 'a che só' nato,
nu vizio gruosso assaje...
nun ll'aggio perzo maje...
va' trova lu ppecché!
Mm'è sempe piaciuto
di stare in allegria
io, la malinconia,
nun saccio che rrobb'è!

De tutto rido...e che nce pòzzo fá!?
Ah - ah - ah - ah.....
Nun mme ne 'mporta si stóngo a sbagliá...
Ah - ah - ah - ah....

II

Io rido si uno chiagne,
si stóngo disperato,
si nun aggio magnato,
rido senza penzá...
Mme pare che redenno,
ogne turmiento passa...
nce se recréa e spassa...
cchiù allero se pò stá...

Sarrá difetto gruosso chistu ccá...
Ah - ah - ah - ah...
Ma 'o tengo e nun mm''o pòzzo cchiù levá...
Ah - ah - ah - ah...

III

Lu nonno mio diceva
ca tutte li ffacenne
faceva isso redenno...
E accussí i' voglio fá...
Chist'è 'o difetto mio,
vuje giá mo lu ssapite...
'nzieme cu me redite
ca bene ve farrá!

Redite e ghiammo ja':
Ah - ah - ah - ah
Ca bene ve farrá:
Ah - ah - ah - ah
Ah - ah - ah - ah

'A SERENATA ' E PULICENELLA La serenata di Pulcinella

E stó' aspettanno cu stu mandulino
ll'ora che, 'a cielo, se ne trase 'a luna...
mme só' nascosto dint'a nu ciardino,
pe' nun 'o ffá assapé
ca só' semp'io ca cerco scusa a te.

Te voglio tantu bene!
Te voglio tantu bene!
T''o ddico zittu, zittu,
zittu, zitto...
ca, si allucco, 'a gente
ca nun sape niente,
pò sentí:
"Te voglio bene!"

II
Mme metto scuorno 'e fá sapé a ll'amice
ca "tinco tinco" torno e faccio pace.
Si 'appura 'a gente, Napule che dice?
Ca mm''e vvoglio fá fá,
sott'a chist'uocchie, cierti 'nfamitá?

Te voglio tantu bene!
...................................

III
Na vota ero 'o cchiù guappo 'e ll'Arenella:
tenevo 'nnammurate a mille a mille...
e mo mme faje chiammá "Pulicenella"...
Ma tu ce pienze o no,
ch'évo nu guappo - guappo overo - e mo?

Te voglio tantu bene!
...................................
AUTOSTOP
utostop
ma guarda che biondina ca sta la
e proprio assai carina chi sara'
adesso la rimorchio che po fa'
vieni dai
fai presto che ti bagni sali su
ma dove devi andare
e tardi ormai
non sei mica scappata
da casa tua
l'autostrada e lunga sai
dai parliamo un po di noi
e il mio viaggio
e incominciato
insieme a lei

e sto pensanne
ca me songhe n'ammurate
tra un sorriso e una risata

e cerco di ascoltare
qualche brano
che mi aiuta a parlare con lei

se tento di baciarla
che puo' farmi
mo ce prove c'aggia fa'

mi sta facendo segno
di fermarmi
sta chiuvenne dove vai...

ma perche'
mi deve capitare tutto a me
che cosa avro' sbagliato
chi lo sa
ce penso e poi
ritorno a cammena
autostop lei non ce' piu'
ora chi si fermera'
per portarla
insieme a lui fuori citta'.


e sto pensanne
ca me songhe n'ammurate
tra un sorriso e una risata

e cerco di ascoltare
qualche brano
che mi aiuta a parlare con lei

se tento di baciarla
che puo' farmi
mo ce prove c'aggia fa'

mi sta facendo segno
di fermarmi
sta chiuvenne dove vai....
( e n d )

'A VOCE 'E MAMMA LA VOCE DI MAMMA



Voce ca tutt''e ssere te ne vaje
chiammanno 'e figlie 'e mamma 'a miez'â via...
Tu nun 'o ppuò capí che bene faje
si mme tiene nu poco cumpagnia...
Férmate pe' na vota sulamente
d''a voce 'e mamma famme ricurdá...

Tutt''e mmamme s''e cchiammano
'e figlie 'a sera;
sultanto 'a voce 'e mamma
io nun 'a sento...
E conto tutt''e llacreme chiagnute
'a quanno 'o bbene 'e mamma
aggio perduto...
St'uocchie mieje
stracque 'e chiagnere,
pe' 'mmiez'â via,
dint'a sti vvoce cercano
a mamma mia!

II

Mamma na vota sola mme chiammaje:
teneva 'a faccia d''a malincunia...
Po' n'angiulillo 'ncielo s''a purtaje...
e rimanette i' sulo 'mmiez'â via.
E quanno, 'a sera, chesti vvoce sento,
'nnanz'a chist'uocchie mieje veco a mammá...

Tutt''e mmamme s''e cchiammano,
'e figlie 'a sera;
........................

A VUCCHELLA La boccuccia

Si' comm'a nu sciurillo...
tu tiene na vucchella,
nu poco pucurillo,
appassuliatella.
Méh, dammillo, dammillo,
è comm'a na rusella...
dammillo nu vasillo,
dammillo, Cannetella!
Dammillo e pigliatillo
nu vaso...piccerillo
comm'a chesta vucchella
che pare na rusella...
nu poco pucurillo
appassuliatella


'ALBERGO 'E LL'ALLEGRIA L'ALBERGO DELL'ALLEGRIA


Carulí', bona furtuna,
T'hê 'ncignato n'ata vesta!
E 'sta toppa a mezaluna,
chi t''ha fatta, Carulí'?
E va buono...s'è capito,
nce starrá n'atu francese...
Ma nun sape ca sti spese
só' perdute 'ncuoll'a te?...

Siente a me, bellezza mia,
chistu core ca tu tiene,
pare 'Albergo 'e ll'Allegria:
uno vène e ll'ato va...
E chist'uocchie, belle e chiare,
ca só' duje repassature,
fanno ll'arte d''e sanzare
passaggiere p'acchiappá!...

II

Tu nun tiene na bellezza:
sóngo 'e tratte ca tu tiene...
Ca cient'uommene 'int''a rezza,
si' capace d'acchiappá!...
Hê lassato 'o farenaro,
hê 'nchiantato 'o canteniere,
hê traduto 'o salumiere...
'o barbiere manc''o vuó'!...

Siente a me, bellezza mia,
..........................................

ACCAREZZAME Accarezzami

Stasera, core e core, 'mmiez'ô ggrano,
addó' ce vede sulamente 'a luna...
io cchiù t'astrégno e cchiù te faje vicino,
io cchiù te vaso e cchiù te faje vasá...
Te vaso...e 'o riturnello 'e na canzone,
tra ll'arbere 'e cerase vola e va...

Accarézzame!...
Sento 'a fronte ca mme brucia...
Ma pecché nun mme dá pace
stu desiderio 'e te?

Accarézzame!...
Cu sti mmane vellutate,
faje scurdá tutt''e peccate...
Strígneme 'mbracci'a te!...

Sott'a stu cielo trapuntato 'e stelle,
mme faje sentí sti ddete 'int''e capille...
Voglio sunná guardanno st'uocchie belle...
voglio sunná cu te!...

Accarézzame!...
Sento 'a fronte ca mme brucia...
Ma pecché nun mme dá pace
stu desiderio 'e te?

ADDIO A NAPULE ADDIO A NAPOLI


Nce simmo a la partenza...
Io mme ne vaco...addio...
Napule bello mio,
non te vedraggio cchiù...

Quanto nc'è de cchiù caro
dinto de te se 'nzerra...

Addio...
Addio...
no paraviso 'nterra
Napule mio si tu...
Nu paraviso 'nterra,
Napule mio, si' tu!...

II

D'ammore, chi mme 'ncontra,
che vò' parlá mme pare...
Ll'aria , le vvie, lo mare
mme parlano purzí...

A chiagnere mme vène
Napule bella, Addio...

Addio...
Addio...
Lo paraviso mio
sempe pe' me tu si'...
Lo paraviso mio
sempe pe' me tu si'...



Ci siamo alla partenza...
Io me ne vado... addio...
Napoli bella mia,
non ti vedrò più...

Quanto c'è di più caro
dentro di te si chiude...

Addio...
Addio...
un paradiso in terra
Napoli mia sei tu...
un paradiso in terra
Napoli mia sei tu...

II

D'amore, chi mi incontra,
sembra che voglia parlare...
L'aria, le strade, il mare
mi parlano perfino...

Da piangere mi viene
Napoli bella, Addio...

Addio...
Addio...
Il paradiso mio
sempre per me tu sei...
Il paradiso mio
sempre per me tu sei…


AGGIO PERDUTO 'O SUONNO Ho perduto il sonno

E' notte chiena e s'è addurmuto 'o mare...
ma io stó' scetato e spásema stu core.
'E vvoce, 'e notte, se só' fatte rare
e i' resto sulo 'int'a ll'oscuritá...
Dormono
'e rrose 'int''o ciardino...
surtanto 'o core mio nun pò durmí.


Aggio perduto 'o suonno
pe' chist'ammore...
aggio perduto 'o core
appriesso a te!
Nu juorno mme faje campá,
nu juorno 'mpazzí...
stu bbene mme fa danná,
st'ammore murí!...
Vivo pe' 'sta passione
ánema mia...
Tanta è 'a gelusia ca tengo 'e te
e tremma stu core mio
pecché ha' paura 'e te lassá...
Aggio perduto 'o suonno
pe' 'sta felicitá.


AH! LL'AMMORE CHE FA FA' AH! L'AMORE CHE FA FARE


Mamma te chiamma serpe tentatore
e, 'mpietto, mm'ha cusuto na figura...
Ll'avría sapé ca giá mm'ha fatto, 'ammore,
femmena 'e munno...e só' na criatura...

Ah, ll'ammore che fa fá!...
Ma ll'ammore è na bannèra,
na bannèra ch'è liggera,
cagna 'o viento e 'a fa vutá...

II

Tanto che ce abbracciajemo e comme fuje
ch''a figurella 'a pietto se stracciaje...
Cercammo scusa a mamma tutt'e duje
ca na jastemma 'e mamma coglie assaje...


Ah! Ll'ammore che fa fá!...
............................................

III

Só' ghiuto ascianno n'erba avvelenata:
mme voglio avvelená si tu mme lasse...
Tu avisse la nutizia pe' la strada,
currisse â casa...e morta mme truvasse...

Ah! Ll'ammore che fa fá!...

AH, MATALENA AH, MADDALENA

Io giá tenevo pronta tutt''a casa:
'o lietto e na cuperta 'e seta rosa,
nu saluttino stile giappunese,
'o mastrillo e 'a grattacasa,
nce mancava sulo 'a sposa:
Matalena Sinfarosa.

Ma, Matalena se ne scappò...
Ma, Matalena se ne volò...

Mo só' rimasto sulo,
sulagno e abbandunato...
senza nu muorzo 'e moglie,
afflitto e scunzulato...

Ah, Matalena!...


II

Mm'avevo fatto nu vestito niro,
nu bellu paro 'e scarpe giallo chiaro,
mm'avevo fatto 'a barba add''o barbiere,
manicure e pedicure...
Mme pigliaje nu zambaglione,
pe' fá 'o sposo proprio buono!

Ma, Matalena se ne fuggí...
e 'o zambaglione non mi serví...

Mo só' rimasto sulo,
................................

III

Mm'avevo fatto dí dal mio compare,
'o sposo comme fa quanno se 'nzóra...
isso mm'aveva ditto: "Sta' sicuro,
nce 'o 'mpar'io a la commara..."
S''a purtava, tutt''e ssere,
'mmiez'ê ffrasche, dint''o scuro!...

Ma, la mia sposa più non ci sta...
e il mio compare, dove sará?

Io, pe' fá buono 'o sposo,
giá mm'ero preparato...
mm'avevo fatto pure
nu bagno cu 'o ssublimato...

Ah, Matalena...
Ah, Matalena...
Ah, Matalena...


AMARO E' 'O BBENE AMARO E' IL BENE

Nu suono 'e fisarmonica se sente,
ma nun 'o ssaccio si mm''o stó' sunnanno
o forse sta sunanno overamente...
Nu suono 'e fisarmonica se sente...

Amaro è 'o bbene...
Amare sóngo 'e vase ca mme daje...
Nun tene cielo,
st'ammore nuosto, nun tene dimane...
Amaro è 'o core,
pecché nun sape chello ch''ha da fá:
Si ha da tremmá pe' te o si ha da fermá...
Amaro è 'o bbene...
Amaro è 'o bbene...

II

Ce sta, 'int'a ll'aria, nu presentimento:
chisà si chesta è giá ll'urdema vota...
Sento ca mme ll'arrobbo ogne mumento...
ce sta, 'int'a ll'aria, nu presentimento...

Amaro è 'o bbene...
................................


ANEMA E CORE Anima e cuore

Nuje ca perdimmo 'a pace e 'o suonno,
nun ce dicimmo maje pecché?...
Vocche ca vase nun ne vonno,
nun só' sti vvocche oje né'!
Pure, te chiammo e nun rispunne
pe' fá dispietto a me...

Tenímmoce accussí: ánema e core...
nun ce lassammo cchiù, manco pe' n'ora...
stu desiderio 'e te mme fa paura...
Campá cu te,
sempe cu te,
pe' nun murí...
Che ce dicimmo a fá parole amare,
si 'o bbene po' campá cu nu respiro?
Si smanie pure tu pe' chist'ammore,
tenímmoce accussí...ánema e core!

II

Forse sarrá ca 'o chianto è doce,
forse sarrá ca bene fa...
Quanno mme sento cchiù felice,
nun è felicitá...
Specie si ê vvote tu mme dice,
distratta, 'a veritá...

Tenímmoce accussí: ánema e core....



ANEMA NERA ANIMA NERA

Stavota, siente a me, te si' sbagliata!
Tu si' felice? E io cchiù felice 'e te!
Mm'aggio truvato n'ata 'nnammurata:
Chella ca overamente fa pe' me!

Cchiù bella 'e te,
no, nun è nata ancora...
ma è 'nnammurata e sòra
chesta ca sape chiagnere...
Bella nun è,
ma è n'anema sincera...
Cride ca tutte tènono
n'anema nera
comm'a te!
II

T'aggio lassato e nun mme pare overo
ch'aggio tenuto 'a forza 'e te lassá...
Ma cierti vvote stongo accussí allèro
ca mm'addimmanno io stesso: E comme va?!

Cchiù bella 'e te,
............................

III

E comme chiagne 'a 'nnammurata mia
quanno mme vede 'e ridere accussí!
Mm''a legge dint''o core 'sta buscía
e nun perdona a chi mme fa suffrí...

Cchiù bella 'e te,
...........................

ATTENTI ALLE DONNE ATTENTI ALLE DONNE

Quanno na femmena mme vene a dicere:
"T'aggi''a lassá, nun pò durá st'ammore...è inutile!"
Io só' filosofo, mme metto a ridere:
'o ssaccio giá ca nun 'o ffa manco si 'accidono...
ché la donna, con baci e promesse,
fa ogni cosa nel proprio interesse.

'E ffemmene, si chiagnono ce vonno arravugliá,
e quanno ce disprezzano, ce vonno cchiù attaccá...
Quanto só' scieme ll'uommene ca nun sanno capí:
si dice "No" na femmena, allora ha ditto "Sí"!

II

Segui una donna pittosto eccentrica?!
La senti dir: "La vuol finir di far lo stupido?"
"Qui c'è un equivoco! Só' n'ommo serio:
le voglio offrir un posticin nella mia macchina..."
Sente 'a "machina" e più non ragiona...
la ragazza con te si abbandona!

Po' se ne vène ô cinema, po' vène a strafucá...
e doppo, tutta languida, se lascia accompagná.
Giunta alla casa, alle undici, confida alla mammá:
"Mammá, ho trovato un "chiòchiaro" cchiù chiòchiaro 'e papá...

III

Se l'uomo è timido, piuttosto ingenuo,
la donna sa comm'ha da fá p''o puté cogliere....
Tuccá è difficile, baciá è impossibile...
"Vieni a parlá con la mammá e si puó concludere...
Ci ho la casa, il corredo e lo zio,
ca, si more, ogni cosa è d''o mmio..."

E il povero Saverio, quand'è salito su,
corredo, casa, láscito...nun trova niente cchiù!
E restano a suo carico la moglie e la mammá...
e tre fratelli piccoli ch'isso ha da dá a magná...

Finale:

E cheste sóngo 'e ffemmene, c'è poco 'a pazziá!
T'avotano, te girano,..te sanno 'mpapucchiá!
Io do un consiglio ai giovani quanno s'hann'ammogliá:
"Ccá nce sta tutt''a perdere e niente 'a guadagná!..."

AVEMMARIA AVE MARIA

'E ssiente sti ccampane?
Sònano tutte quante 'Avemmaria:
chiágnono chianu chiano...
chiammano 'o core mio pe' cumpagnía...
E io penzo ca pe' me,
'sta vita nun è vita senz''e te!

E nun cantá, Pusilleco,
canzone 'e 'nnammurate!
E' chesta 'a sola musica
p''o core mio malato....

Avemmaria,
suspira e chiagne 'sta passione mia...

II

Che sponta a fá 'sta luna
si nun mme trova 'nziem'a te, stasera?
Cadono, a una a una,
tutt''e speranze 'e st'ánema sincera...
Nun voglio cchiù suffrí:
sònano sti ccampane pe' t''o ddí!

E nun cantá, Pusilleco,
......................................

III

E comme, nun 'a siente
'sta voce mia, 'sta voce appassiunata?
Mm''o ddice pure 'o viento
ca si' 'a cchiù bella e si' 'a cchiù scellarata...
Ma si nun tuorn'a me,
io perdo 'a vita mia, perdenno a te!...

E nun cantá, Pusilleco,
......................................

B

BAMMENELLA

Só' "Bammenella" 'e copp''e Quartiere:
pe' tutta Napule faccio parlá,
quanno, annascuso, p''e vicule, 'a sera,
'ncopp''o pianino mme metto a ballá...

Vene 'ambulanza?...'Int'a niente mm''a squaglio!
E, si mm'afferra, mme torna a lassá!
'Ncopp''a quistura, si ê vvote ce saglio,
è pe' furmalitá...

Cu 'a bona maniera,
faccio cadé 'o brigatiere...
piglio e lle véngo 'o mestiere:
dico ca 'o tengo ccá...

'O zallo s''o 'mmocca,
ll'avota 'a capa e s'abbocca...
ma, nun appena mme tocca,
mme n'ha da manná!

II

Mme fanno ridere cierti pperzone
quanno mme diceno: "Penza pe' te..."
Io faccio 'ammore cu 'o capo guaglione
e spènno 'e llire p''o fá cumparé...

Stó' sotto 'o dèbbeto, chisto è 'o destino...
ma c'è chi pava pirciò lassa fá...
Tengo nu bellu guaglione vicino
ca mme fa rispettá!

Chi sta 'int''o peccato,
ha da tené' 'o 'nnammurato.
ch'appena doppo assucciato,
s'ha da sapé appiccecá...

E tutt''e sserate,
chillo mm'accide 'e mazzate!
Mme vò' nu bene sfrenato,
ma nun 'o ddá a paré'!...

III

Mo só' tre mise ca 'o tengo malato;
sacc'io che spènno pe' farlo saná!
Però, 'o duttore, cu me s'è allummato:
pe' senza niente mm''o faccio curá...

E tene pure 'o mandato 'e cattura:
priesto, 'ambulanza s''o vène a pigliá...
Io ll'aggio ditto: "Sta' senza paura,
pe' te, ce stóngo io ccá!..."

Cu 'a bona maniera,
faccio cadé 'o brigatiere,
Mentre io lle vengo 'o mestiere...
isso, have 'o canzo 'e scappá...

Pe' me, 'o 'ssenziale,
è quanno mme vasa carnale:
Mme fa scurdá tutt''o mmale
ca mme facette fá!...

BELLA CA BELLA SI' BELLA CHE SEI

Mme só' scetato a ll'alba stammatina
e aggiu menato 'a rezza 'mmiez'ô mare...
A na fenesta steva Carulina
e mme guardava cu chill'uocchie chiare...
'Ncantato pe' guardá chella sirena
aggiu perduto a mare 'a rezza chiena...

Bella, ca bella si',
chi te pò maje scurdá!
Si st'uocchie doce mme fanno murí,
só' pure 'a luce ca mme fa campá...

II

'A cchiù 'e nu mese tengo, 'int'a stu core,
'nchiuvate ll'uocchie suoje turchine e doce...
E i' ca nun aggio maje saputo 'ammore
mo stó' perdenno 'a pace, 'o suonno e 'a voce...
E mme ne fa jettá lácreme amare...
pe' quanta stelle 'ncielo e 'a rena a mare...

Bella, ca bella si',
chi te pò maje scurdá...
.....................................

III

Mm'ha ditto mamma: "Abbada, statte attiento...
e nun te ce 'ncaná, ch'è senza core...
Chell'è na vela: avota comm''o viento:
Nce sta chiagnenno cchiù 'e nu piscatore!"
Ma senza ll'uocchie belle 'e Carulina,
i' che nce campo a fá pe' 'sta marina?

Bella, ca bella si',
chi te pò maje scurdá...


BELLAVISTA BELLAVISTA

Veníteme a truvá, stó' a Bellavista...
tengo na bella casa bene esposta:
doje logge, tre balcune, tre feneste,
na tavula 'e mangiá pe' vinte poste...
Veníteme a truvá stó' a Bellavista.

Vuje purtate duje spaghette,
quacche poco d'antipasto,
seje galline, tre caprette,
na canesta cu 'e pullaste...
Nu bicchiere 'e vino buono
nun mm''avit''a fá mancá...
ch'io ve canto na canzone
ca ve faccio cunzulá!...

II

Veníteme a truvá stó' tanto triste
surtanto ll'aria bona nun mm'abbasta...
Io voglio stá cu 'amice sempe 'nfesta...
(nun ve scurdate 'a cesta cu 'e pullaste...)
Veníteme a truvá stó' a Bellavista...

Vuje purtate un po' di pesce:
treglie, spigole e aragoste...
e si po' nun ve rincresce,
frutta, strega, birre e paste...
Se vi capita un prosciutto
mme ll'avit''a fá vedé...
ricurdateve 'o paccotto
chino 'e zuccaro e cafè...

III

Veníteme a truvá stó' a Bellavista,
io tengo appena diece figlie e basta...
só' piezz''e core ma só' troppo 'nziste...
nu regaluccio a testa che ve costa?
Venítele a truvá a sti cammurriste...

Vuje purtate duje bracciale,
tre rilorge, e tre catene...
n'automobile a Pascale,
nu curredo a Filumena...
E pe' fá na cosa meglio,
na pelliccia pure a me...
nu brillante per mia moglie
di carati trentatré...


Finale:

Ricurdateve 'e spaghette
con il poco di antipasto,
'e ggalline, 'e tre caprette,
'a canesta cu 'e pullaste;
e 'o barile 'e vino buono
nun mm''avit''a fá mancá...
ch'io ve canto na canzone
ca ve faccio cunzulá!...


BENEDITTO 'O MESE 'AUSTO BENEDETTO IL MESE DI AGOSTO

Quanno vène 'o mese 'Austo,
tutt''e ssere faccio festa:
Veco a Rosa senza busto,
Carulina senza vesta...
E Maria, bella e curtese,
sottavoce mm'amminaccia:
"Quanno sponta chistu mese,
te sceppasse ll'uocchie 'a faccia!"

Quanno vène 'o mese 'Austo,
sti ffigliole senza busto,
mme piace d''e gguardá,
d''e ttuccá,
d''e vvasá...
Ma che spasso, ma che gusto...
Beneditto,
beneditto,
beneditto 'o mese 'Austo!

II

'Nterr'â spiaggia...Vi' che sole!
Manco 'o mare mme rinfresca...
Ch'aggi''a dí? Chesti ffigliole,
sóngo 'o ffuoco 'nfacci'a ll'ésca!
Veco 'a rossa, 'a bionda, 'a bruna...
Cierti piezze speciale:
"Signurí', bona furtuna!
Site asciuta da 'o spitale?..."

Quanno vène 'o mese 'Austo,
................................................

III

Quanno vène 'o mese 'Austo,
ogne femmena 'o ffa apposta...
no p''o caldo...no...è pe' gusto
ch'addeventa faccia tosta!...
'Nnanz'a me, 'a signora a porta,
pe' se fá na sciorta 'e risa,
passa e spassa for''a porta,
sulamente cu 'a cammisa!...

Quanno vène 'o mese 'Austo,
................................................

IV
Cantata in teatro:

Quanno vène 'o mese 'Austo,
vuje ca state 'int ''e ppultrone,
ve credite ch'esce 'arrusto?...
chelle, invece, só' canzone!
Só' canzone scritte apposta
pe' stu pubblico galante...
Perdunate 'a faccia tosta...
mé', cantammo tutte quante:

Quanno vène 'o mese 'Austo,
................................................
BRAVA GENTE
e buona sera
alla ragazza amata
che tanto per cambiare
m'ha tradito
ora che allegramente
s'e'perduta rosa appassita
tanti saluti a chi
me l'ha levata....
tutta la brava gente
del quartiere
questa canzone mia deve sentire
a tutti quanti voglio racconntare
che non hai cuore
sei senza cuore
ma tu mia bella
non t'impressionare
di questo dramma buffo dell'amore
m'hai fatto male
e non aver paura
ti dico solamente: buona sera.
( b r e a k )



la buona sera
do pure al brigadiere
che s'e' fermato
zitto ad osservare
non m'arrestare per disturbatore
fior dogni fiore
sentimi bene
e lasciami cantare
tutta la brava gente
del quartiere
che mi conosce
ti puo' raccontare
cosa m'ha fatto
questa donna inpura
che non a cuore
che e' senza cuore
pero' se mi vuoi rendere un favore
a casa tu mi devi accompagnare
prima che metto mane all'armatura

salva la vecchia mia
da un gran dolore....
( f i n a l e )
a questa brava gente buona sera

BRINNESO BRINDISI

Brínneso alla salute
dell'amirosa mia ca s'è sposata!
'E ccummarelle meje, ca nce só' ghiute
díceno che pareva una popata...

Ed indi poi noi li facciamo un brínneso
alla per noi difunda donna amata:

Vino vinello,
se per la donna il másculo è un trastullo
io ho stato l'Allirchino e il Purginello...

Mo rido e abballo,
e mme ne frocolejo della mia bella,
ché a queste scemitá nci ho fatto il callo!

II

Col calicio levato,
mme conto tutt''e llacreme chiagnute
per te, dorge ed indegno oggetto amato,
ca t'hê pigliato giuventù e salute...

Vevite amice: chisto è vino 'e Proceta...
n'atu bicchiere...e nce ne simmo jute!...

Vino sincero,
ho detto al cuoro, al povero mio cuoro:
Chiagne pe' cunto tujo, ca i' mo stó' allèro...

perché, a chest'ora,
mentre tu faje ll'Otello e ti disperi,
forse la signorina...è giá...signora!

III

Mo ca stó' frasturnato,
nun mme lassate sulo 'mmiez'â via...
V'aggio fatto spassá...mi ho dispendiato...
mo purtateme â casa 'e mamma mia.

E alla mia vecchia, vuje ll'avit''a dicere:
"Questa crapa è tuo figlio!" E accussí sia!...

Vinello puro,
mentre gli sposi stanno cuoro a cuoro,
che scherzo appresentarse dint''o scuro!...

Alla "signora"
io lle direbbe: "Nun avé paura:
Io sono un morto che cammina ancora!"

BUONGIORNO A MARIA
'Ncopp''a fenesta ca sta 'nchiusa ancora,
saglie 'o saluto mio pe' te scetá...
E tu ca saje 'a voce e ca saje ll'ora,
statte scetáta...ma nun t'affacciá:

Statte scetáta e siente
'sta voce 'e chi te penza ore e mumente..
e, albanno juorno, 'a dint'a ll'ombra vène...
vène e te torna a dí: "Te voglio bene!"

Buongiorno ammore mio, buongiorno ammore
ca nun te cagne e nun te puó' cagná...
Comm''o rilorgio, 'o core conta ll'ore...
ll'ora pe' t'addurmí...e pe' te scetá...

E tu, cuccáta, siente
'a voce 'e chi te sceta puntualmente
e, albanno juorno, dint'a ll'ombra vène...
Vène e te torna a di' ca te vò' bene!...

E po' t'adduorme e po' te sceta 'o sole...
di', che te suonne 'int'a sti suonne tu?
Che t'hanno miso 'ncore sti pparole
che 'a tantu tiempo nun sentive cchiù?

Statte cuccáta e siente:
t''e ddice chi te penza eternamente
e, albanno juorno, dint'a ll'ombra vène...
'E ttre parole só': "Te voglio bene"!




C

CALAMITA D'ORO Calamita d'oro

Tu si' attaccante comm'a na malía...
perciò te chiamme "Calamita d'oro!"
Saje mettere 'int''e vvéne 'a frennesía
e sulo 'a vocca toja pò dá ristoro....

"Calamita d'oro!..."
Chello ch'hê fatto a me
chi t''o pperdona?!
Io nun te dico niente...
pecché 'sta vocca ardente
tanto mm'attacca a te
ca i' cchiù ne moro!
"Calamita d'oro!..."

II

Passanno 'a dint''o vico 'o Buoncunziglio,
'e te mm'hanno sparlato tuttuquante...
N'amico ha ditto: "Tu si' buonu figlio,
lássala e porta 'e ccére a tutt''e Sante!"

"Calamita d'oro!..."
..............................
CAMPAGNO' CAMPAGNOLA

Na bella campagnola, ògne matina,
appena sponta 'o sole da 'a muntagna,
addenucchiata 'mmiez'a na campagna,
se mette a tagliá ll'èvera,
spassánnose a cantá...

Campagnó', si mme vuó' bene,
nun ce serve 'o lietto 'e sposa:
'Ncopp'a st'èvera addirosa,
è cchiù bello a stá cu te...
E' cchiù bello a stá cu te!

II

'Sta campagnola è comm''ha fatt''a mamma:
na rosa 'mmiez'a ll'èvera schiuppata...
sultanto 'o sole 'ha vista e ll'ha vasata
e ll'aucielle, attuorno,
'a 'mparano a cantá!

Campagnó', si mme vuó' bene,
nun ce serve 'o lietto 'e sposa:
.................................................

III

'Mmiez'ô silenzio verde 'e 'sta campagna,
ca spira tanta pace e sentimento,
cu 'addore 'e ll'erba fresca ca se sente,
mme vène, 'a dint'a ll'anema,
'o genio d''a vasá!...

Campagnó', si mme vuó' bene,
nun ce serve 'o lietto 'e sposa:

Una bella campagnola, ogni mattina,
appena spunta il sole dalla montagna,
inginocchiata in mezzo alla campagna,
si mette a tagliar l'erba,
divertendosi a cantare...

Campagnola, se mi vuoi bene,
non ci serve il letto di sposa:
su quest'erba odorosa,
è più bello star con te...
E' più bello star con te!

II

Questa campagnola è come l'ha fatta la mamma:
una rosa tra l'erba verdeggiante...
solo il sole l'ha vista e l'ha baciata
e gli uccelli, intorno,
le insegnano a cantare!

Campagnola, se mi vuoi bene,
non ci serve il letto di sposa:
......................................

III

Nel silenzio verde di questa campagna,
che ispira tanta pace e sentimenti,
con l'odore dell'erba fresca che si sente,
mi viene, dall'anima,
voglia di baciarla!...

Campagnola, se mi vuoi bene,
non ci serve il letto di sposa:


CANTA PE' ME! CANTA PER ME

Canta pe' me, stanotte, na canzone,
tu ca si' bella e tiene 'a voce d'oro...
Cantammélla stanotte, ca si moro,
moro sentenno na bella canzone...

Canta na serenata 'e marenare...
ch''a tantu tiempo nun se canta cchiù...
Mare!...Stanotte, quanta varche a mare...
ma tu nun cante? Ma a che pienze tu?

II

Canta: ca i' t'accumpagno cu 'a chitarra,
chisà, stanotte, nun se sceta 'ammore,
ll'ammore sfurtunato e cantatore
ca niente vò': nu core e na chitarra...

Canta, ca è bella Napule addurmuta,
cònnola d'oro pe' chi vò' sunná...
Ma tu che pienze sulitaria e muta?
Ma tu ch'aspiette ca nun vuó' cantá?

III

E pecché chiagne si 'a nuttata è bella,
e si' figliola, e tiene 'a voce d'oro?
Canta pe' me, pe' me ca mme ne moro...
moro sentenno na canzone bella...

Canta, luntana mia, ca si' turnata
ca si' turnata e nun te ne puó' ghí...
Canta, pecché te tengo 'ncatenata,
pecché tu sola mm'hê 'a vedé murí!...


CANZONA BELLA CANZONE BELLA

Vuje ca d''e bbelle la cchiù bella site,
veniteve a affacciá for''o balcone...
scetáteve nu poco, nun durmite:
sentite quant'è doce 'sta canzone.

Chesta canzone ca io stó' cantanno,
è tutta sentimento e 'spressione
che vène da nu core 'e passione...
stu core ca, pe' vuje, soffre 'a n'anno!

Vurria addeventá chistu cuscino,
addó' 'sta faccia 'e rose vuje appujate...
Sul'accussí ve venarría vicino
e vasarría sti ttrezze avvellutate.

Bella, ca d''e bellizze ca tenite,
facite 'mmiria a 'e stelle 'e 'mmiez'ô cielo
P''o scuorno, 'a luna giá s'ha miso 'o velo
pecché cchiù bella d'essa vuje parite.

Tutte sti rrose 'e for'a 'sta fenesta,
aspettano ca forse v'affacciate...
Ve stanno priparanno giá na festa
pe' quanno vuje, da 'o suonno, ve scetate!

E si stu suonno, a vuje, ve dá arricietto,
pe' me, 'o suonno, nun esiste maje...
Mme diceno 'e llenzole 'e dint''o lietto:

"Si vène nénna toja, durmarraje!..."



Voi che delle belle la più bella siete
Venite ad affacciarvi al balcone
Svegliatevi un pò, non dormite:
Sentite quant'è dolce questa canzone

Questa canzone che sto cantando,
è tutta sentimento ed espressione
che viene da un cuore di passione...
questo cuore che per voi soffre da un anno!

Vorrei diventare questo cuscino,
dove questa faccia di rose voi appoggiate..
Solo così vi verrei vicino
e bacerei queste trecce vellutate.

Bella, che delle bellezze che avete
fate invidia alle stelle in mezzo al cielo
Per la vergogna, la luna si è già messa il velo
perchè più bella di lei voi sembrate

Tutte queste rose fuori alla finestra
aspettano che forse vi affacciate
vi stanno preparando già una festa
per quando voi, dal sonno, vi svegliate

E se questo sonno, a voi, vi mette in ordine,
per me, il sonno, non esiste mai...
Mi dicono le lenzuola del letto:

"Se viene la bimba tua, dormirai!..."


CANZONA MARENARA CANZONE DEI MARINAI

Mme voglio fá na casa 'mmiez'ô mare...
mme voglio fá na casa 'mmiez'ô mare...
fravecata de penne de pavune...
fravecata de penne de pavune...

Trállalallá...
lallá llalallá...
lallá lallallá lallallá lallallá...

II

D'argiento e d'oro voglio fá li ggrare...
D'argiento e d'oro voglio fá li ggrare...
e de prete preziose li balcune...
e de prete preziose li balcune...

Trállalallá
................

III

Quanno nennella mia se va a affacciare...
Quanno nennella mia se va a affacciare...
ognuno dice, ognuno dice:
"Mo sponta lu sole!..."

Trállalallá

CANZONA MARENARESCA CANZONE MARINARESCA

Ricordo d''o ppassato:
Nuttate belle 'e pesca a purpetielle:
Nénna, vucanno, a fianco a me cantava...
e appassiunatamente mme vasava...
E mo...s''a vasa n'ato!

'O mare 'o smaledico, sí, pecché
quann'essa apparteneva ancora a me,
a tutt'e duje nce avev''a subbissá...
A tutt'e duje!

II

Oje má', pòrtalo ampresso
'o core 'argiento a Mamma d''a Catena
ca lle vulive appènnere pe' vuto
quanno 'a lassavo...'o bbi'? mme só' spartuto!
E moro senza d'essa!

'O mare 'o smaledico, sí, pecché
....................................................

III

Cumpagne marenare,
pe' chi c'è nato 'nterra a 'sta marina,
pe' chi capisce ll'onna quanno canta,
si s'alluntana, st'anema se schianta:
Cumpagne, è bello 'o mare!...

'O mare, no, nun ll'aggi''a smaledí:
è 'a femmena ca è 'nfama e fa suffrí!
'E tradimente suoje, c''e ffa scurdá
sultanto 'o mare!


CANZONE APPASSIUNATA Canzone appassionata Canzone appassiunata

N'albero piccerillo aggiu piantato,
criscènnolo cu pena e cu sudore...
Na ventecata giá mme ll'ha spezzato
e tutt''e ffronne cágnano culore...
Cadute só' giá 'e frutte: e tuttuquante,
erano doce, e se só' fatte amare...
Ma 'o core dice: "Oje giuvinotto amante,
'e ccose amare, tiénele cchiù care..."
E amara comme si', te voglio bene!
Te voglio bene e tu mme faje murí...

II

Era comm''o canario 'nnammurato,
stu core che cantaje matina e sera...
"Scétate!" - io dico - e nun vò' stá scetato...
e mo, nun canta manco a primmavera!...
Chi voglio bene nun mme fa felice:
forse sta 'ncielo destinato e scritto.
Ma i' penzo ca nu ditto antico dice:
"Nun se cummanna a 'o core". E i' mme stó' zitto!...
E mme stó' zitto, sí...te voglio bene...
Te voglio bene e tu mme faje murí..

III

Chiagno p'ammore, e cade 'o chianto mio
dint'a 'sta testa: 'o chianto 'a sta arracquanno...
Schiòppa na bella rosa e i', pe' gulio,
a chi mm'ha fatto chiagnere nce 'a manno.
Lle dico: "Rosa mia tu mme perduone
si te scarpesarrá senza cuscienza..."
Ce sta nu ditto ca mme dá ragione:
"Fa' bene e scorda e si faje male penza..."
Pènzace buono sí...te voglio bene...
Te voglio bene e tu mme faje murí...


CANZONE NAPULITANA CANZONE NAPOLETANA

Vola canzone e va', doce e curtese,
pe' cielo e mare,
pe' ll'aria 'e chesti mmatenate chiare...
Di' a tuttuquante: "Vengo 'a nu paese
addó' se gode meglio 'a giuventù..."

E, fino a quanno
ce sta ancora Napule,
dincello, va'
dincello, va'!...
"Uocchie ca chiagnono,
core ca soffrono,
nun ce hann''a stá!"

II

Canzone mia, te scrivo pe' tramente
nénna sta allèra,
e tengo 'a vocca soja pe' Primmavera...
Tengo, pe' sole, ll'uocchie suoje lucente,
ll'arbere 'e pigna e 'o mare attuorno a me...

E, fino a quanno
ce sta ancora Napule,
...................................

III

Vola canzone, addó' nun truove sole,
né primmavere,
e parla 'e chesti mmatenate allère...
Porta 'a prijezza 'e tutte sti ffigliole
che cámpano d'ammore e di' accussí

ca, fino a quanno
ce sta ancora Napule,
...................................


CANZONE A CHIARASTELLA CANZONE A CHIARASTELLA

Ogne canzone tene 'o riturnello,
ca è comme fosse 'o pierno 'e ogne canzone...
e, ca pe' tanto è cchiù azzeccuso e bello,
pe' quanto cchiù se 'ntreccia 'e 'spressione.
Uno a memoria mme n'era venuto,
scritto e furmato 'a nu maesto 'e scola...
"E pòrtale - diceva - il mio saluto!
Vola palomma mia, palomma vola..."

Ma giacché sti pparole
nun ce sta cchiù chi 'e ttrova
o nun s'usano cchiù...
Giacché st'ammore nuosto
è na canzona nova...
'o riturnello sujo,
Chiarastella,
si' tu!...

II

'A 'gnora, ch'ogne sera, puntualmente,
d''e bbelli tiempe suoje ll'uso ce avanta,
se fa quacch'aria antica vení a mente
e, pe' ce 'a fá 'mpará, piglia e ce 'a canta...
Canta, scappáta a suonno quase quase:
"Bella leggiadra sei più di una rosa..."
'Sta vocca è 'a calamita 'e tutt''e vase
e siente t'aggi''a dicere na cosa...

Ma giacché sti pparole
....................................


CARAVAN PETROL ARAVAN PETROL

Coro:

Caravan petrol!...
Caravan petrol!...
Caravan petrol!...
Caravan petrol!...
Caravan...


I

Mm'aggio affittato nu camello,
mm'aggio accattato nu turbante,
nu turbante â Rinascente,
cu 'o pennacchio russo e blu...
Cu 'o fiasco 'mmano e 'o tammurriello,
cerco 'o ppetrolio americano,
mentre abballano 'e beduine
mentre cantano 'e ttribbù...

Comme si' bello
a cavallo a stu camello,
cu 'o binocolo a tracolla,
cu 'o turbante e 'o narghilè...
Gué, si' curiuso
mentre scave stu pertuso...
scordatello, nun è cosa:
Ccá, 'o ppetrolio, nun ce sta...
Alláh! Alláh! Alláh!
Ma chi t''ha ffatto fá?
Comme si' bello
a cavallo a stu camello,
cu 'o binocolo a tracolla,
cu 'o turbante e 'o narghilè!...

II

Cu 'o fiasco 'mmano e cu 'o camello,
cu 'e gguardie 'nnanze e 'a folla arreto,
'rrevutá faccio Tuleto:
nun se pò cchiù cammená...
Jammo, è arrivato 'o Pazzariello!
S'è travestuto 'a Menelicche...
'Mmesca 'o ppepe cu 'o ttabbacco...
Chi sarrá st'Alí Babbá!?...

Comme si' bello,
a cavallo a stu camello...
.......................................


Finale:

Alláh! Alláh! Alláh!
Ma chi mm''ha ffatto fá?
Comme só' bello
a cavallo a stu camello,
cu 'o binocolo a tracolla,
cu 'o turbante e 'o narghilè!...


CARMELA CARMELA

I

Stu vico niro nun fernesce maje
e pure 'o sole passa e se ne fuje.
Ma tu stai llà, addurosa preta 'e stella,
Carmela Carmè !

II

Tu chiagne sulo si nisciuno vede
e strille sulo si nisciuno sente,
ma nun' è acqua 'o sanghe dint' 'e vvene,
Carmela Carmè !

Rit.

Si ll' ammore è 'o cuntrario d' 'a morte,
e tu 'o ssaje.
Si dimane è surtanto speranza,
e tu 'o ssaje.
Nun me può fà aspettà fin' a dimane,
astrigneme 'int' 'e braccia pe' stasera,
Carmela Carmè !



CARTA CUNUSCIUTA
Ma pecché quanno mme vide
te faje sempe 'a resatella?...
Cu na scusa e n'angarella
cirche 'e mezze 'e mme fermá!...
Ma che tipo te si' fatta!...
Da che stammo appiccecate,
lasse a uno e piglie a n'ato,
senza maje te mmaretá!...

Po' mme dice: "'O vvuó' sapé?
'o penziero mio è pe' te!"

Io po' dico: "'Sta canzone
proprio a me mm''a vuó' cantá?
Te vulisse fá ragione
ma 'a ragione nun ce sta...
Siente a me, chistu cunziglio
sóngo chiacchiere perdute...
Tu si' carta canusciuta:
tu si' sempe chella llá!"

II

Nun mme 'mporta ca tu chiagne!
Mo stu core è indifferente:
Cchiù tu parle e io cchiù nun sento...
pierde 'o tiempo appriesso a me!...
Tu mme dice: "Ce sta Dio...
nun perdona stu peccato!"
Bella mia chi t'ha penzato?
Che peccato aggi''a pavá?!

E, facenno stu pparlá,
tu te cride 'e minacciá...

Io po' dico: "'Sta canzone,
........................................

Finale:

Ma stu core è 'nnammurato
'e 'sta carta canusciuta...
N'ata vota c'è caduto,
n'ata vota 'a pò lassá


CARULI' CU ST'UOCCHIE NIRE CAROLINA CON QUESTI OCCHI NERI

Caruli' pe' st'uocchie nire, nire, nire,
pe' 'sta vocca rossa, tu mme faje murire!
Ma murí nun voglio, né lassarte maje,
tengo na speranza ca t'arrennarraje...

Oje Carulí'!
Oje Carulí'!
Oje Carulí'!
Mme vuó' fá strùjere accussí?!


Coro: Ména, Carulí'!
Ména, Carulí'!
Ména, Carulí'!
Nun 'o fá chiagnere accussí!

II

E ll'ammore è fatto comm'a na nucella,
ca, si nun 'a rumpe, nun t''a puó' magnare...
Tu si' tosta overo ma si' troppo bella,
chi t'ha cunusciuta nun te pò scurdare...

Oje Carulí!
..................



'Sta nuttata è doce, 'sta luna è d'argiento,
tu mme miette 'ncroce pe' na cosa 'e niente...
Tutto attuorno canta: Ammore! Ammore! Ammore!...
E risponne, attuorno, ogn'ánema, ogne core...

Oje Carulí!
..................


CATARI' (MARZO)

Marzo: nu poco chiove
e n'atu ppoco stracqua...
Torna a chiovere, schiove...
ride 'o sole cu ll'acqua.

Mo nu cielo celeste,
mo n'aria cupa e nera...
Mo, d''o vierno, 'e ttempeste,
mo, n'aria 'e primmavera...

N'auciello freddigliuso,
aspetta ch'esce 'o sole...
'Ncopp''o tturreno 'nfuso,
suspirano 'e vviole...

Catarí', che vuó' cchiù?
'Ntiénneme core mio:
Marzo, tu 'o ssaje, si' tu...
e st'auciello, songh'io


CATENA CATENA

Nun mme vuó' bene?
E dimme, comme mm''o ppuó' dí?
Tu si' guagliona...
Ll'ammore nun 'o ppuó' capí!
Ch'aggi''a fá, pe' me è destino...
Pe' st'uocchie belle tanto aggi''a suffrí?

Pe' me tu si' catena...
Pe' ll'ate si' Maria...
Io perdo 'a vita mia,
Maria! Marí', pe' te!
Tu nun mme dice maje,
maje na parola!...
Dimme na vota sola:
"Te voglio bene"
e po' famme murí!

II

Tu cante e ride...
e mme turmiente 'a giuventù...
Io mme ne moro,
ma sempe 'a stessa rieste tu!
Mamma chiagne e, a tutte ll'ore,
mme dice: "Figlio, nun 'a penzá cchiù!"

Pe' me tu si' catena...
...................................

Finale:

Dimme na vota sola:
"Te voglio bene"
e po' famme murí!

CERASELLA CERASELLA

Mellune appíse, 'nzèrte 'e pummarole,
na pianta 'e rose tènnera e gentile...
a 'o viento na cammisa e doje lenzole:
Chist'è 'o balcone tujo...tu chesta si'...

Cerasella, Cerasè'...
dint''o tiempo d''e llimone,
mme rialaste nu schiaffone...

Cerasella, Cerasè'...
mo ch'è 'o tiempo d''e ccerase,
tu mme vase...

Si' limone,
si' cerasa...
sott''o sole ca te scarfa
te faje doce...

Si fa friddo,
si' na mela...
e ll'ammore, dint''o core,
te se ge-e-la...

Cerasella, Cerasè'...
Vola e dice 'sta canzone:
"Pe' ll'asprezza 'e 'sta canzone,
'o core mio, se fa limone..."

II

E tienatello ll'agro e damme 'o ddoce,
ca nun te pòzzo dí quanto mme piace,
si no faccio 'o cantante a meza voce
e campo juorne amare a suspirá!


Cerasella, Cerasè'...
.................................


CHE MM'HE' 'MPARATO A FA' PERCHE' MI 'HAI INSEGNATO

'E stelle d''a marina, chella sera,
pareva ce vulessero 'ncantá...
Però, ogne stella ca scenneva a mare,
screveva 'ncielo: "Addio felicitá!..."

Tu, che mm'hê 'mparato a fá,
che "Kiss me" vène a dí:
io te vurria vasá?...

Io, purtánnote cu me,
che t'aggio ditto a fá:
só' 'nnammurato 'e te?...

Pecché, vasánnome accussí,
tu mm'hê 'mparato a dí
sti ccose scanusciute?...

Capre, Surriento e 'sta luna,
se ne só' ghiute cu te...

Tu, sapenno 'e nun turná,
che mm' hê 'mparato a fá
sti ffrase furastiere?...

Ammore, ched è 'a felicitá,
che mm'hê 'mparato a fá?...



CHE T'AGGI''A DI' CHE DEVO DIRTI

Stasera nun mm'hê ditto na parola!
E' overo ca te si' stancato 'e me?
P''a strada tu cammine sola sola
e i' vèngo comm'a n'ombra appriesso a te!

Che t'aggi''a dí,
si n'ato ammore dint'a ll'uocchie tiene?
Che t'aggi''a dí,
si nun mme pienze e nun mme vuó' cchiù bene?
Che t'aggi''a dí?
'O mmale ca mme faje,
tu stessa nun 'o ssaje...
Ma 'o ssape chistu core
ca more senza 'e te!...

II

'O primmo suonno, che malincunia!
Stu suonno d'oro ll'hê distrutto tu...
E famme n'atu ppoco cumpagnia:
chisà, dimane, si te veco cchiù!...
Che t'aggi''a di'


CHELLA D''E RROSE QUELLA DELLE ROSE

Chella ca mme cercava sempe 'e rrose,
chiena 'e frischezza e tutta simpatia...
nun sta passanno cchiù pe' chesta via...
chisà che ll'hanno ditto contr''e me!

E mme passano pe' 'nnante
tutt''e ccumpagne soje, a una a una...
Ma che sfurtuna!
Chella d''e rrose...
Chella d''e rrose...
I' nun 'a veco cchiù!

II

I' saccio 'o nomme ma nun saccio 'a casa,
a chi ce 'o vvaco a dí ch''a voglio bene?!
Mo ch''a vurría vedé, mo nun ce vène;
nisciuno cchiù è sincero attuorno a me!

E mme passano pe' 'nnante
.............................................

III

E mo, d''e rrose, mm'ha restato 'e spine,
e mm'ha lassato senza nu saluto...
Pe' n'ato ammore, forse, mm'ha traduto...
Ma chi sarrá chist'ato, 'aggi''a sapé!

E mme passano pe' 'nnante
tutte ll'amice mieje, a uno a uno...
Ma surtant'uno,
'o cchiù sincero,
'o cchiù sincero...
I' nun 'o veco cchiù!


'O cchiù sincero...
I' nun 'o veco cchiù!...


CHIAPPARIELLO

Hanno arrestato, a ll'angolo 'e Furía,
nu muzzunciello 'e diece, dudece anne
pecché ha fatto nu scippo, 'mmiez'â via,
mentre doje guardie stévano passanno...
A vedé stu guaglione ch'è tantillo,
lle scappa quase a risa a 'o brigadiere...
dice: "Comme te chiamme?" "Chiappariello!"
"E papá tujo che fa?" "Sta 'int''e cantiere..."

Chiappariello, Chiappariello,
guagliunciello piccerillo...
nun è uno, ma só' mille
comm'a isso, a 'sta cittá...
Chi è cchiù 'nzisto 'e tutt''e figlie,
è chi ajuta giá 'a famiglia
ca ll'aspetta...ma, na sera,
nun 'o vede cchiù 'e turná...
nun 'o vede cchiù 'e turná...

E na mamma, 'mmiez'a tante,
pe' chist'atu dispiacere...
chiagne sotto 'e Filangiere
chiagne sotto 'e Filangiere...

II

E mo sta sempe triste Chiappariello...
nun ride maje, nun dice na parola...
Pare nu viecchio stu carceratiello:
lègge 'o giurnale e nun è ghiuto â scola...
'A notte penza â mamma e penza ê frate,
penza ca nun vò' fá cchiù cose 'e male,
pe' nun addeventá comm'a chist'ate,
ca giá só' delinquente abituale...

Chiappariello, Chiappariello,
................................................

III

Sti mariuncielle sguígliano a migliara
e 'a polizia nun pò fá quase niente...
"Pe' 'mmiez'â via nun stamme cchiù sicure...
è na piaga, è nu scuorno!..." dice 'a gente...
Sóngo nu scuorno, sí, pe' tutte quante
ca nun lle damme 'o studio o n'arte ê mmane...
ca, forse, nun sarríano malamente,
si 'a societá lle desse nu dimane...

Chiappariello, Chiappariello

CHIOVE (a canaria)

Tu staje malata e cante,
tu staje murenno e cante...
Só' nove juorne, nove,
ca chiove...chiove...chiove...

E se fa fredda ll'aria,
e se fa cupo 'o cielo,
e tu, dint'a stu ggelo,
tu sola, cante e muore...

Chi si'? Tu si' 'a canaria...
Chi si'? Tu si' ll'Ammore...
Tu si' ll'Ammore,
ca pure quanno more,
canta canzone nove...

Giesù, ma comme chiove!

II

Tu, comm'a na Madonna,
cante na ninna-nonna
pe' n'angiulillo 'ncroce,
ca vò' sentí 'sta voce,

'sta voce sulitaria
ca, dint''a notte, canta...
E tu, comm'a na Santa,
tu sola sola, muore...

Chi si'? Tu si' 'a canaria!
chi si'? Tu si' ll'Ammore...
Tu si' ll'Ammore,
ca, pure quanno more,
canta canzone nove!...

Giesù, ma comme chiove!



CHITARRA ROSSA CHITARRA ROSSA

Sott''e llacreme d''a luna,
na chitarra rossa 'e vino,
triste e sola se ne va...
Sente 'e palpite d''a notte
dint''o core mio ca sbatte
e nu nomme vò' chiammá...

Ma ll'ammore mio addó' sta?

Chitarra rossa,
ca 'int'a ll'ombra d''a notte passa,
chistu core te corre appriesso
pe' na via ca nun pò spuntá...

Chitarra rossa,
'sta vita mia nun 'a spezzá....
E dincello,
ca si mme lassa,
chitarra rossa,
mme fa danná...

II

Mm'arricordo 'e primme vase,
ca 'o cchiù bello suonno 'e spose,
ce facevano sunná...
Mo ca nun mme vuó' cchiù bene,
'mpietto, na curona 'e spine,
nott'e ghiuorno aggi''a purtá...

e nun saccio cchiù pregá...

Chitarra rossa,
.......................


Finale:

Chitarra rossa,
falla turná!


CICERENELLA CICERENELLA

Cicerenella mia, si' bona e bella!

Cicerenella tenéa nu ciardino
e ll'adacquava cu ll'acqua e lu vino...
Ma ll'adacquava po' senza langella...
Chist'è 'o ciardino de Cicerenella...

Cicerenella teneva na gatta
ch'era cecata e purzí scontraffatta...
La strascenava cu meza codella...
Chest'è la gatta de Cicerenella...

Cicerenella teneva nu gallo
e tutta la notte nce jéva a cavallo...
Essa nce jéva po' senza la sella...
E chisto è lo gallo de Cicerenella...

Cicerenella teneva nu ciuccio
e ll'avéa fatto nu bellu cappuccio...
Ma nu teneva né ossa e né pelle...
Chisto è lu ciuccio de Cicerenella...

Cicerenella tenéa na gallina
che facéa ll'uovo de sera e matina...
Ll'avéa 'mparata a magná farenella...
Chest'è 'a gallina de Cicerenella...

Cicerenella tenéa na pennata,
e, tutta la notte, steva allummata...
E ll'allummava co la lucernella...
Chesta è 'a pennata de Cicerenella...

Cicerenella teneva na vótte:
mettea da coppa e asceva da sotto...
E nun ce steva tompagno e cannella...
Chesta è la vótte de Cicerenella...

Cicerenella tenéa na remessa
e nce metteva cavallo e calesse...
E nce metteva la soja tommonella...
Chesta è 'a remessa de Cicerenella...

Cicerenella tenéa na tièlla,
frijeva ll'ove cu la mozzarella...
e le ffrijeva cu la sarcenella...
Chesta è 'a tièlla de Cicerenella...

Cicerenella mia, si' bona e bella!


CICCIO FORMAGGIO Ciccio Formaggio

Te 'ncuntraje,
te parlaje
e m'innamorai di te...
Mme guardaste,
mme diciste:
"Mi piacete pure a me..."

Ma tutt''o bbene ca hê ditto sempe 'e mme vulé,
è na buscía ch'è asciuta 'ncopp''o naso a te...

Si mme vulisse bene overamente,
nun mme facisse 'ncujetá da 'a gente,
nun mme tagliasse 'e pizze d''a paglietta,
nun mme mettisse 'a vrénna 'int''a giacchetta...
Si mme vulisse bene, o mia Luisa,
nun mme rumpisse 'o cuollo d''a cammisa...

Si' na 'nfá'...si' na 'nfá'...si' na 'nfama...
Te n'abù'...te n'abù'...te n'abuse...
te n'abuse ca Ciccio Formaggio,
nun tene 'o curaggio
nemmeno 'e parlá!

II

Si sapisse,
si vedisse,
dint''o core mio che nc'è!
Cumpatisse...
Mme dicisse:
"Puveriello...ma pecché?"

Ma 'ncopp''o core tu nce tiene 'e pile 'o ssá'
ca nu barbiere nun ce abbasta p''e ttagliá!...

Si mme vulisse bene overamente,
nun mme facisse 'ncujetá da 'a gente...
Nun mme tirasse 'e pile 'a dint''e rrecchie,
nun mme mettisse 'o dito dint'a ll'uocchie,
nun mme mettisse 'a neve dint''a sacca,
nun mme squagliasse 'ncapa 'a ceralacca!

Si' na 'nfá'........
.........................

III

L'altro giorno,
ma che scorno:
Vengo a casa e trovo a te
spettinata,
abbracciata
'nziem'a n'ommo...Bèh...ched è?!

Mme rispunniste: "Chisto vene a te 'mpará
comme se vasa quanno tu mm'hê 'a spusá..."

Si mme vulisse bene overamente,
nun mme facisse 'ncujetá da 'a gente...
Nun mme menasse 'e streppe 'e rafanielle,
nun mme mettisse 'a quaglia 'int''o cappiello,
nun mme facisse stá, pe' n'ora sana,
cu 'a pippa 'mmocca e cu 'a cannela 'mmano!

Si mme vulisse bene overamente,
nun mme facisse 'ncujetá da 'a gente...
Nun mme pugnisse areto cu 'o spillone,
nun mme mettisse 'a colla 'int''o cazone...
Nun mme screvisse, cu nu piezzo 'e gesso,
aret''o matinè: "Ciccí' si' fesso!"

Si' na 'nfá'........
..........................


-------------------
CIENTE APPUNTAMENTE
tutte a gente
mo diceve mo diceve
chelle se chiamme
na ncatena core
e chi sa vase s'avvelene e more
ma ie nun ce crereve
no nun ce crereve
pure si ere na santa verita
o core e chelle
e comme o calandario
tene signate
ciente appuntamente
te piglie e lasse
comme fosse niente
e nun mantene maie
nu giuramente
comme a fatte cu me
comme a fatte cu me


pure si me fa male
e mme fa chiagnere
che ce pozze fa
si a voglie bene.
nun se campe tutta a vita
tutta a vita
senza n'ammore ca te da calore
e i campe cu nu gelo
sotte o core

CINEMATOGRAFO Cinematografo

'Ncopp''o cartiello steva: "Ammore tragico"
e na figura 'e femmena scannata...
S'erano fatte na ventina 'e repliche,
ma 'a sala steva giá tutta affullata...
E ghiette i' pure a stu cinematografo...
- comme se dice? - pe' fatalitá!

D''a primma parte, i' subito
dicette: "Ma st'autore,
comm'ha pututo scrivere
chello ca porto 'nchiuso dint''o core?"
"Guarda stu primmo attore
ca ride si vò' chiagnere...
- dicette uno d''o pubblico
ca mme sapeva - arrassumiglia a te!"

II

"Pecché ce tuorne a stu cinematografo?"
"'O vvuó' sapé? Pecché mme piace assaje"
"E che lavoro fanno?" "Ammore tragico..."
"Te piace tanto e nun mme puorte maje?"
"Nun ce vení ca è meglio assaje..." "No, pòrtame"
E che facette pe' vení cu me!

"Donna, ti posso chiedere
conto del nostro onore?"
Essa liggette, pallida,
e, llá pe' llá, tenette mente a me!
"Ascimmuncénne fore!
Ascimmuncénne subito!"
Io lle dicette: "Assèttate,
ch''a terza parte è bella e ll'hê 'a vedé!"



III

"Ll'ommo mm'arrassumiglia? E chella femmena
fa comme faje tu a me...tiénela mente!"
Essa dicette: "Zitto, ca te sentono!
Pe' chi mme faje pigliá 'nnanz'a 'sta gente?..."
Po', 'ncopp''o schermo, ascette scritto: Uccidila!
E 'a mana mia s'armaje senza vulé...

Primma 'e se fá chill'ultimo
quadro scritto 'a ll'autore,
duje colpe se sentettero...
duje colpe vere, 'int'a ll'oscuritá!...
"Luce!...Ca 'o primmo attore
sta ccá, sta 'mmiez'ô pubblico!
Pubblico, applaudíteme:
ll'ultimo quadro, ll'aggio fatto i' ccá!"

COMM''O ZZUCCARO COME LO ZUCCHERO

Chi dice ca ll'ammore
è nu veleno amaro
o è nato senza core
o nn'ha saputo amá...
Dincello tu, Marí',
ll'ammore che cos'è
che mette 'mpietto a te,
'mpietto a me,
dincello tu
Marí'!...

Ll'ammore è comm''o zzuccaro,
ll'ammore è comm''o mmèle...
s'ha da sapé ausá
si te vuó' cunzulá!...

II

Na vocca e n'ata vocca
ch''a passione attacca,
te fanno assaje cchiù ricco
'e tuttuquante 'e rre...
Dincello tu, Marí',
'sta vocca toja che fa
quanno, abbracciata a me,
tutt'a me
mm''a viene a dá
Marí'...

Ll'ammore è comm''o zzuccaro,
....................................................

III

Nu core e n'atu core
ca squagliano d'ammore,
quanta capolavore
te sanno cumbiná...
Dincello tu, Marí',
stu core tujo che fa
quanno, aunito a me,
'mpietto a me
se vò' 'mpizzá...
Marí'...

Ll'ammore è comm''o zzuccaro,
.....................................................


COMM'AGGI''A FA'? COME DEVO FARE

Mm'aggio pigliato 'Ammore pe' curriere:
ll'aggio mannato attuorno a fá 'mmasciate...
E 'o core, ch'è giá viecchio d''o mestiere,
nun ve ne dico quante n'ha truvate...

Mme n'ha truvate quatto pe' culore:
a ognuna 'e lloro lle vò' dá stu core.

Tengo unu core!...'E ffemmene só' tante...
Comm'aggi''a fá?
Comm'aggi''a fá?

E' ricco assaje stu core,
ma si 'o sparto,
sparto ricchezza
e che lle resta?
Niente!

Tengo unu core!...'E ffemmene só' tante...
Ammore, comm'aggi''a fá?
Ammore, comm'aggi''a fá?
Va'!...
e di' ca 'e vvoglio bene a tuttuquante


COMM' E' BELLA 'A STAGIONE! COM'E' BELLA L'ESTATE!

Ah!
Comm'è bella 'a stagione...
senza lampe, senza tuone,
senza viento, a cammená...
Ma,
si fa caldo 'a matina,
faje nu bagno a Margellina,
te refrische llá pe' llá...

Na passíata a mare,
cu 'a varca, a Marechiare,
e na zetella bionda
a fianco a te!

Ah!
Dicimmo 'a veritá,
cient'anne ha da campá
chi dice ca ll'está
ce dá 'a felicitá...
Ah!
Comm'è bella 'a stagione!

II

Ah!
Comm'è bella 'a stagione...
quanno faje nu pranzo buono,
tu te siente cchiù 'e nu rre!
Che
puparuole 'mbuttite,
treglie e ciéfare arrustite,
siente 'o mare 'mmócc'a te...

Nu piérzeco zucuso,
na pera, na cerasa,
e doppo 'a limunata
te ll'hê 'a fá!

Comme facette mammeta Come fece tua madre


Quanno mámmeta t'ha fatta,
quanno mámmeta t'ha fatta...
Vuó sapé comme facette?
vuó sapé comme facette?...

Pe' 'mpastá sti ccarne belle,
pe' 'mpastá sti ccarne belle...
Tutto chello ca mettette?
tutto chello ca mettette?...

Ciento rose 'ncappucciate,
dint''a mártula mmescate...
Latte, rose, rose e latte,
te facette 'ncopp''o fatto!...

Nun c'è bisogno 'a zingara
p'andiviná, Cuncè'...
Comme t'ha fatto mámmeta,
'o ssaccio meglio 'e te!...

E pe' fá 'sta vocca bella,
e pe' fá 'sta vocca bella...
Nun servette 'a stessa dose,
nun servette 'a stessa dose...

Vuó sapé che nce mettette?
Vuó sapé che nce mettette?...
mo te dico tuttecosa...
mo te dico tuttecosa:

nu panaro chino, chino,
tutt''e fravule 'e ciardino...
Mèle, zuccaro e cannella:
te 'mpastaje 'sta vocca bella...

Nun c'è bisogno 'a zingara
p'andiviná, Cuncè'...
Comme t'ha fatto mámmeta,
'o ssaccio meglio 'e te...

E pe' fá sti ttrezze d'oro,
e pe' fá sti ttrezze d'oro...
Mamma toja s'appezzentette,
mamma toja s'appezzentette...

Bella mia, tu qua' muneta!?
bella mia, tu qua' muneta!?
Vuó sapé che nce servette?
vuó sapé che nce servette?...

Na miniera sana sana,
tutta fatta a filagrana,
nce vulette pe' sti ttrezze,
che, a vasá, nun ce sta prezzo!

Nun c'è bisogno 'a zingara,
p'andiviná, Cuncè'...
comme t'ha fatto mámmeta,
'o ssaccio meglio 'e te..


COMME SE CANTA A NAPULE COME SI CANTA A NAPOLI

Comme se canta a Napule
t''o vvuó' 'mpará, pecché giá te n'adduone
ca dint''o core va nu raggio 'e sole,
sentenno na canzone...

E Napule chest'è, chesto pò dá...
pò dá speranze a chi nun spera cchiù:
resate allère e freve 'e passione...

E basta sulamente
nu mandulino
p'avantá 'e ttrezze belle e ll'uocchie doce...
n'aria 'e ciardino,
nu filo 'e voce,
nu core ardente,
ca, ride o chiagne, vò' sempe cantá!

II

Canzone ca suspirano
dint'a na varca o sott'a nu barcone...
Canzone, allère e triste, ca ogne core
se 'mpara 'e ogne stagione...

E a chi è straniero e vène, o se ne va,
core lle dice: "Canta pure tu,
ricòrdate stu cielo e sti ccanzone..."

E basta sulamente
..............................

III

Pe' chi se canta a Napule
tu 'o vvuó' sapé? P''e rrose e p''e vviole,
p''o cielo e 'o mare e maje pe' fá tesore...
p''ammore e p''e ffigliole:

Perciò chi nasce dint'a 'sta cittá,
passa, cantanno, tutt''a giuventù,
nuttate 'e luna e matenate 'e sole...

E basta sulamente

CONNOLA SENZA MAMMA CULLA SENZA MAMMA

Comm''e vapure scostano,
lassanno 'sta banchina...
turmiente e pene portano
luntano 'a Margellina...
'Nterr'â banchina chiagnono
'e mmamme 'e ll'emigrante,
pe' chesto, 'nterr'a 'America,
só' triste tutte quante...

Meglio nu juorno ccá, Napulitano,
ca tutt''a vita princepe luntano...
ll'America ch''e cchiamma,
luntana sta...
Cònnola senza mamma,
ca nun po' dà
felicità...

II

Stanno luntane e sònnano,
sempe sti cante e suone...
Ma qua' brillante trovano
cchiù belle d''e ccanzone?
Tutto nun dà ll'America,
forte suspira 'o core
'e chi, pensanno â Patria,
luntano se ne more...

Meglio nu juorno ccá, Napulitano,
ca tutt''a vita princepe luntano...
Si è Napule ch''e cchiamma
p''e ffá saná...
Cònnola senza mamma,
falle turná,
falle turná!


Si è Napule ch''e cchiamma
p''e ffá saná...
Cònnola senza mamma,
falle turná,
falle turná...
.......................................
CON TANTO AMORE
tu vire'ca me fa'
sta fantasia
sentenne e radio libere
e canta'
e annanze l'uocchie
veco a na maria
na cumpagnella
e tantu tiempe fa'.
( p a r l a t o )
lei....pronto
vorrei fare una dedica

lui...dicite
a chi a vulite dedica


lei....a una persona cara
ad un'amico
sciglite vuie
a canzone ca c'e' sta'.....
con tanto amore
chesta canzone taggia' dedica
con tanto amore

cu sta canzone
ie torno a t'abbraccia'
che fa'ca o tiempo passa
e staie durmenne che ricordi
quanne e ricorde
fanne doce' tutte e suonne
che fa' ca o tiempo passe

chisa'nun si felice'
o le truvate overe ammore
si maie l'ammore
a ncatenate chisti core
chisa'.
con tanto amore
chesta canzone
taggia' dedica
con tanto amore.
cu sta' canzone ie
torno a t'abbraccia'.....

( b r e a k )



che fa' ca 'o tiempo passa
e staie durmenne che ricordi
quanne e ricorde
fanne doce' tutte e suonne
che fa' ca 'o tiempo passe
chisa' nun si felice'
'o le truvate overe ammore

si maie l'ammore
a ncatenate chisti core
chisa'.

con tanto amore
chesta canzone
taggia' dedica

con tanto amore.
cu sta' canzone ie
torno a t'abbraccia'.....


CORE 'E MAMMA CUORE DI MAMMA

Chella, mamma, sta cu 'o penziero
che st'ammore mme perdarrá!
Ll'hanno ditto dint''o quartiere
ch'è cchiù 'nfama d''a 'nfamitá...
Ll'ha saputo ca ll'uocchie belle
fanno chello ca vònno 'e me!
Ca n'ha visto dint''e ccancelle
figlie 'e mamma malepaté!...

Dico: "Oje má',
sa' che vuó' fá?
Fa' nu vuto ca mme passasse
'sta fantasia...
Ch'a 'o primmo ammore mme fa turná!
Ch'a 'o primmo ammore mm'ha da fá turná!

II

Dice mamma: "St'ammore antico
comme chiagne lassato 'a te!
S'ha sunnato ca 'mmiez'ô vico,
nu pericolo 'e morte nc'è...
Miettatillo chist'abbetiello,
ll'armatura dalla a mammá...
Si cu ll'ate si' capuzziello,
te só' mamma e mm'hê 'a rispettá!"

Dico: "Oje má',
sa' che vuó' fá?
...........................

III

Io nun faccio comm''o sartóre,
'nnammurato cchiù peggio 'e me
ca, stunato p''o stess'ammore,
taglia sciasse pe' fá gilè!
Io nun sóngo comm''o studente
ch'a 'o paese turná nun vò';
scrive â mamma, 'nnucentemente:
"Se non sposo, mi ammazzerò..."

Dico: "Oje má',
sa' che vuó' fá?
...........................


Finale:

Ch'a 'o primmo ammore mme fa turná!...
Ch'a 'o primmo ammore mm'ha da fá turná!...


Core 'ngrato Cuore ingrato


Catarì, Catarí...
pecché mm''e ddice sti pparole amare?!
Pecché mme parle e 'o core mme turmiente Catarí'?!
Nun te scurdá ca t'aggio dato 'o core, Catarí'...
Nun te scurdá...
Catarí...
Catarí, che vène a dicere
stu pparlá ca mme dá spáseme?
Tu nun ce pienze a stu dulore mio?!
Tu nun ce pienze, tu nun te ne cure...

Core, core 'ngrato...
T'hê pigliato 'a vita mia!
Tutto è passato...
e nun ce pienze cchiù.

Catarí, Catarí...
tu nun 'o ssaje ca fino e 'int'a na chiesa
io só trasuto e aggiu pregato a Dio, Catarí...
E ll'aggio ditto pure a 'o cunfessore: "Io stó a murí
pe' chella llá...
Stó a suffrí,
stó a suffrí nun se pò credere...
stó a suffrí tutte li strazie..."
E 'o cunfessore, ch'è perzona santa,
mm'ha ditto: "Figliu mio lássala stá, lássala stá!..."

Core, core 'ngrato...
T'hê pigliato 'a vita mia!
Tutto è passato...
e nun ce pienze cchiù

ascolta midi

CORE FURASTIERO Cuore forestiero

Stu core sbarca a Napule
comm'a nu gran signore:
...comm'a nu gran signore!
Campaje tant'ann'a 'America
...campaje tant'ann'a 'America...
Mo chi 'o cunosce cchiù, poveru core?
Mo chi è? Nu furastiero
'nnammurato d''a cittá...
"'O 'scellènza" - fa 'o cucchiere -
"Signurí', pòzzo avutá?"
E se ne va, cuntento, cu 'o cucchiere,
stu core ca s'è fatto furastiero...

II

E corre via Caracciolo,
lucente e tutta sole...
...lucente e tutta sole...
Mussiù, chist'è Pusilleco...
...Mussiù, chist'è Pusilleco...
Ma 'o furastiero, zitto, a sti pparole.
Se ricorda chelli strate
ch''o facettero sunná...
Quanta coppie 'e 'nnammurate
fino a tarde, 'int'a ll'está!...
E chiacchiaréa sul'isso stu cucchiere,
ca piglia 'o core mio pe' furastiero...

III

Po' se fa notte. Napule
è tutta nu sbrennóre!
...è tutta nu sbrennóre!
E saglie 'ncopp''o Vòmmero...
...e saglie 'ncopp''o Vòmmero
addó' se fece core chistu core...
"Signurí', che ne dicite
d''e bellizze 'e 'sta cittá?
'O 'scellenza, vuje chiagnite?
Signurí', chi v''o ffa fá?"
E nun se fa capace stu cucchiere:
Si chiagne, 'o core, nun è furastiero!

CORE NAPULITANO CUORE NAPOLETANO

E' nu pianino
ca sona nu mutivo 'e na canzona
ca mme fa ricurdá addó' mme trovo...


Quanno se parla d''a luna,
d''e stelle e d''o mare,
se sape 'o ppecché...
Quanno se parla 'e canzone,
se parla d'ammore:
se parla 'e te!
'E te...

Comme si' bello, oje core napulitano...
cante, suspire e chiagne dint''e ccanzone...
e nun te scuorde maje,
pure si vaje luntano,
ca 'o primmo ammore tujo
se chiamma Napule...
Comme si' doce oje core napulitano:
'o meglio 'nnammurato si' sempe tu,
'e Napule e d''e ccanzone...
Comme si' bello, oje core napulitano!....

Comme si' doce, oje core napulitano...
'o meglio 'nnammurato si' sempe tu,
'e Napule e d''e ccanzone...
comme si' bello oje core napulitano...

E' Napule 'sta musica
ca maje se pò scurdá!...


CORE SIGNORE CUORE SIGNORE

Si' comm'a tutt''e ffemmene
e po', pe' ghionta 'e ruótolo,
si' nata 'mmiez'ê zuóccole...
ce pasce e nce vuó' stá...
Capisce si nu giovane
è nato cu 'a sciammèria...
cu 'a scarpa 'e pella lucida,
cu 'a penna e 'o benparlá?

Pirciò ce penzo e dico:
- e 'o ddico proprio a te -
'o mmale saje qual è...
'o mmale 'o ssaje qual è?
Ca só' signore...
e tengo 'o core
cchiù signore 'e me!...
Ca só' signore...
e tengo 'o core
cchiù signore 'e me!...

II

T'aggio 'mparata a scrivere,
t'aggio 'mparata a vestere,
teatre...automobbele...
pe' te civilizzá...
Ma è stato tutto inutile!
Si' sempe 'a stessa femmena:
'ngrata, 'gnurante e sprùceta
e chiena 'e 'nfamitá!

Pirciò ce penzo e dico:
....................................

III

Si fosse n'atu giovane,
pe' dignitá, per obbligo,
'sta faccia 'e latte e frávula,
te ll'avarrìa 'a sfriggiá!
Ma io no, mme metto a ridere...
te tratto comme mmiérete:
manco nu rigo 'e lettera
scrivo pe' te lassá!...

Pirciò ce penzo e dico:


CORE SPEZZATO CUORE SPEZZATO

Comme te puó' scurdá d''o primmo ammore?
e comme puó' saglí 'ncopp'a ll'altare?...
'O vvi' ca io stó' murenno 'e gelusia,
mentre sona pe' te ll'Ave Maria...

Poveru core mio,
core spezzato...
ca t'ha vuluto bene
e tu hê traduto...
Primma ca dice: "Sí",
cchiù 'nnammurato,
te vène a purtá
ll'ùrdemo saluto...

Core spezzato!

II

Ca mme vuó' bene 'o ssaccio io sulamente,
ca mm'hê lassato 'o ssanno tuttuquante...
Ma io voglio a te...si' tutt''a vita mia...
e nun s'ha da suná st'Ave Maria...

Poveru core mio,
core spezzato...

D


Dduje Paravise I due paradisi

Duje viecchie prufessure 'e cuncertino,
nu juorno, nun avevano che fá.
Pigliájeno 'a chitarra e 'o mandulino
e, 'nParaviso, jèttero a suná:

- Ttuppe-ttù... - "San Pié', arapite!...
ve vulimmo divertí..."
"Site 'e Napule?! Trasite!
e facitece sentí..."

"V'avimm''a fá sentí doje, tre canzone,
ca tutt''o Paraviso ha da cantá:
Suspire 'e vase...Museca 'e passione...
Rrobba ca sulo a Napule se fa...

E 'a sera, 'nParaviso, se sunaje
e tutt''e Sante jèttero a sentí...
'O repertorio nun ferneva maje:
"Carmela, 'o Sole mio, Maria Marí..."

"Ah, San Pié, chesti ccanzone,
sulo Napule 'e ppò fá...
arapite stu barcone:
'A sentite 'sta cittá?...

E, sott''o sole e 'a luna, vuje sentite
sti vvoce, ca só' voce 'e giuventù...
Si po' scennite llá, nun 'o ccredite?!
Vuje, 'nParaviso, nun turnate cchiù!..."

Ma, doppo poco, da 'a malincunía
'e viecchie se sentettero 'e pigliá:
Suffrévano nu poco 'e nustalgía
e, a Napule, vulèttero turná:

"Mo, San Pié, si permettite,
nuje v'avimm''a salutá..."
"Site pazze! Che dicite?
Nun vulite restá ccá?!"

"Nuje simmo 'e nu paese bello e caro
ca tutto tène e nun se fa lassá:
Pusìlleco, Surriento, Marechiaro...
'O Paraviso nuosto è chillu llá!"

DESIDERIO DESIDERIO

Nun ce vulimmo bene sissignore
E' sulo 'o desiderio ca ce struie
Stu desiderio nun se chiamma ammore
Stammo sbaglianno strada tutt''e dduje

E' desiderio chillo ca nce 'ncatena a tutte e dduje
Stu desiderio quanno è passato se ne ride 'e nuje
Cchiù nun putimmo fingere
Perciò ce avimma spartere
Pace nun ce po' da' sta verità

Stu desiderio cercammo d''o svià
Cagnammo vita, perchè si passa 'a giuventù
Nun ce sta niente cchiù.

Si nu capriccio è stato
Tu dimmello
Perchè 'o capriccio è stato pure 'o mio
Si 'o core tujo 'o vò a nato
Tu dancello
E' meglio assaje si ce dicimmo addio.

E' desiderio


DESIDERIO 'E SOLE DESIDERIO DI SOLE

E comm'è scuro 'o cielo 'e stu paese:
'e nnuvole cchiù nere stanno ccá...
'A primmavera nosta è n'ata cosa:
chi sta luntano nun s''a pò scurdá!

'O sole...
è bello 'o sole
ca vène, t'accarezza e se ne va...

Ammore, ammore mio...
'sta pecundría
mm'astregne 'o core...

Sentesse maje pe' ll'aria na canzone,
sentesse maje na voce ca vò' bene...
Ammore, ammore mio...
p''a nustalgía,
io mme ne moro...

Spuntasse maje nu sciore a stu paese!
Che desiderio 'e sole
ca spacca 'e pprete e 'nfòca tutt''e ccase!

II

'O juorno ca mme scrive na parola
e ca mme daje 'a speranza 'e te vedé,
dint'a stu cielo niro sponta 'o sole
ca vène a dá calore 'mpiett'a me!

Stu core,
stu scemo 'e core...
s''a passa sempe a chiagnere pe' te!...

Ammore, ammore mio,
.....................................


Dicitencello vuje Diteglielo voi

Dicitencello a 'sta cumpagna vosta
ch'aggio perduto 'o suonno e 'a fantasia...
ch''a penzo sempe,
ch'è tutt''a vita mia...
I' nce 'o vvulesse dicere,
ma nun ce 'o ssaccio dí...

'A voglio bene...
'A voglio bene assaje!
Dicitencello vuje
ca nun mm''a scordo maje.
E' na passione,
cchiù forte 'e na catena,
ca mme turmenta ll'anema...
e nun mme fa campá!...

Dicitencello ch'è na rosa 'e maggio,
ch'è assaje cchiù bella 'e na jurnata 'e sole...
Da 'a vocca soja,
cchiù fresca d''e vviole,
i giá vulesse sèntere
ch'è 'nnammurata 'e me!

'A voglio bene...
..........................

Na lácrema lucente v'è caduta...
dicíteme nu poco: a che penzate?!
Cu st'uocchie doce,
vuje sola mme guardate...
Levámmoce 'sta maschera,
dicimmo 'a veritá...

Te voglio bene...
Te voglio bene assaje...
Si' tu chesta catena
ca nun se spezza maje!
Suonno gentile,
suspiro mio carnale...
Te cerco comm'a ll'aria:
Te voglio pe' campá!..

DIMME ADDO' STAJE DIMMI DOVE SEI

Dimme addó' staje,
dimme a chi pienze tu...

T'aspetto, tutt''e sere, ll'ore sane...
e, tutt''e ssere, spero ca tu viene....
ma è n'ombra ca s'accosta chianu chiano...
'a notte scenne e tu mme staje vicino...
E sulo 'nzuonno sento 'a voce toja,
staje 'mbracci'a me, mentre chisà addó' staje...

Dimme addó' staje,
dimme a chi pienze tu...
stu core, 'o ssaje,
ca nun ragiona cchiù...
è n'anno,
è n'anno...
ch'aspetto a te...
e sulo 'nzuonno veco a te,
io veco a te...

II

Te dètte 'o core mio p'avé nu core
e tu mm'hê dato a me lacreme amare...
nun te putevo dá brillante e oro
comme vulive tu, pe' fá 'a signora...
ma si stu core mio nun trova pace,
chest'oro, 'ncuoll'a te, nun tene luce...

Dimme addó' staje,

DOJE MADONNE DUE MADONNE

Aggio vuluto bene a doje Madonne,
ll'aggio vuluto bene pe' tant'anne:
Una, 'a tenevo dint''o core mio...
n'ata, 'a pregavo dint''a casa 'e Dio...

Mo sóngo nu spergiuro,
só' n'ombra nera ca p''o munno gira
'a quanno, pe' n'ammore,
chist'uocchie mieje só' 'nfuse 'e chianto amaro...

Aggio vuluto bene a doje Madonne...
chella d''a cchiesa manco 'a veco 'a n'anno...
Chi sa pecché
nun saccio cchiù pregá!
E tu, da 'o cielo, oje má',
prega p''a fá turná!...

II

Stanotte mamma mm'è venuta 'nzuonno
cu 'a voce 'e quanno mme cantava 'a nonna...
mm'ha ditto: "Figlio, chella se n'avanta...
ma fatte 'a croce tu cu ll'acqua santa!"

Mo sóngo nu spergiuro,
......................................



Per finire:

Aggio vuluto bene a doje Madonne,
chella d''a cchiesa manco 'a veco 'a n'anno...
Chest'ombra nera
ca p''o munno va,
tu sulamente, oje má',
tu sola 'a puó' salvá!

DOJE STELLE SO' CADUTE DUE STELLE SON CADUTE

Trèmmano, doje stelle, 'mmiez''o mare,
suspirano d'ammore...
e 'a luna sta a guardá!
Cammina 'ncopp'a ll'onna na canzone...
'o viento passa 'a voce:
"Oje marená'!..."
E cantano 'e Ssirene: "Ammore mio,
adduormete cu me,
nun mme scetá!"

Doje stelle só' cadute 'mmiez'ô mare...
doje stelle ca tremmavano d'ammore;
n'ammore cchiù doce e carnale,
n'ammore ca 'ncielo nun pò stá!
Doje stelle só' cadute, suspirose;
duje core 'nnammurate 'e stu paese,
addó' se ride e chiagne tutt''a vita
addó' ll'ammore fa murí e campá!

II

Giá se só' 'mbarcate 'e marenare,
cu 'e vvarche e cu 'e llampare,
só' ghiute pe' vedé.
Ma 'e stelle ll'hanno ditto: "Pe' favore,
nuje, 'ncielo, nun vulimmo cchiù turná!"
Lassátece durmí 'mmiez'a stu mare,
lassátece sunná...n'eternitá!

Doje stelle só' cadute 'mmiez'ô mare
.............................................................


DON RAFFAE' DON RAFFAELE

Io mi chiamo Pasquale Cafiero
e son brigadiero del carcere, oje né'...
Io mi chiamo Cafiero Pasquale,
sto a Poggioreale dal cinquantatré...
e al centesimo catenaccio,
alla sera, mi sento uno straccio...
per fortuna che, al braccio speciale,
c'è un uomo geniale che parla con me!

Tutto il giorno con quattro infamoni,
briganti, papponi, cornuti e lacchè...
tutte ll'ore cu 'sta fetenzía
ca sputa minacce e s''a piglia cu me...
Ma, alla fine, mm'assetto papale...
mi sbottono e mi leggo 'o giurnale...
mi consiglio con Don Raffaè',
mi spiega che pensa e bevimmo 'o ccafè!

Ah! Che bellu ccafè!...
pure in carcere 'o ssanno fá...
cu 'a ricetta che, a Cicerenella,
compagno di cella,
ci ha dato mammá!

II

Prima pagina: Venti notizie,
ventuno ingiustizie...e lo Stato che fa?
Si costerna, s'indigna, s'impegna...
poi getta la spugna con gran dignitá...
Mi scervello e m'asciugo la fronte,
per fortuna c'è chi mi risponde!
A quell'uomo sceltissimo, immenso,
io chiedo consenso...a Don Raffaè'!


Un galantuomo che tiene sei figli,
ha chiesto una casa e ci danno consigli!...
Mentre 'assessore, che Dio lo perdoni,
dentro a 'e rrulotte ci alleva i visoni!
A voi basta una mossa, una voce,
che a stu Cristo ce levano 'a croce...
Con rispetto, s'è fatto le tre:
vulite 'a spremuta o vulite 'o ccafè??

Ah! Che bellu ccafè!...
Pure in carcere 'o ssanno fá,
cu 'a ricetta che, a Cicerenella,
compagno di cella,
ci ha dato mammá...
Ah! Che bellu ccafè!...
Pure in carcere 'o ssanno fá,
cu 'a ricetta di Cicerenella,
compagno di cella...
preciso a mammá!

III

Ccá ci sta l'inflazione, la svalutazione...
e la borsa ce l'ha chi ce l'ha;
io non tengo compendio ca chillu stipendio
e un "ambo", se sogno a papá...
Aggiungete mia figlia Innocenza:
vò' 'o marito e nun tene pacienza!
Io non chiedo la grazia pe' me...
Vi faccio la barba o la fate da sé?

Voi tenete un cappotto cammello
che, al maxiprocesso, eravate 'o cchiù bello...
Un vestito gessato marrone...
cosí ci è sembrato alla televisione.
Pe' sti nnozze, vi prego Eccellenza,
mm''e prestasse per fare presenza?
Io giá tengo le scarpe e 'o gilè...
Gradite 'o Campari o vulite 'o ccafè?

Ah! Che bellu ccafè!...
pure in carcere 'o ssanno fá,
cu 'a ricetta che, a Cicerenella,
compagno di cella,
ci ha dato mammá...
Ah, che bellu ccafè!...
Pure in carcere 'o ssanno fá,
cu 'a ricetta di Cicerenella,
compagno di cella...
preciso a mammá!

IV

Qui non c'è più decoro, le carceri d'oro?
ma chi le ha mai viste...chi sa!
cheste só' fatiscente...pe' chesto 'e fetiente
se tengono ll'immunitá...
Don Raffaè' voi, politicamente,
io ve lo giuro, sarebbe nu santo...
ma ccá dinto vuje state a pagá
e, fore chist'ate se stanno a spassá...

A proposito, tengo nu frato
che da quindici anni sta disoccupato...
chill'ha fatto quaranta concorsi,
novanta domande e duecento ricorsi...
Voi che date conforto e lavoro,
Eminenza, vi bacio e vi imploro:
Chillo dorme cu mamma e cu me...
Che crema d'Arabia ch'è chestu ccafè!

DOVE STA ZAZA' ? Dove sta' Zazà

Era la festa di San Gennaro,
quanta folla per la via...
Con Zazá, compagna mia,
me ne andai a passeggiá.

C'era la banda di Pignataro
che suonava il "Parsifallo"
e il maestro, sul piedistallo,
ci faceva deliziá...

Nel momento culminante
del finale travolgente,
'mmiez'a tutta chella gente,
se fumarono a Zazá!...

Dove sta Zazá?!
Uh, Madonna mia...
Come fa Zazá,
senza Isaia?...
Pare, pare, Zazá,
che t'ho perduta, ahimé!
Chi ha truvato a Zazá
ca mm''a purtasse a me...
Jámmola a truvá...
sù, facciamo presto..
Jámmola a incontrá
con la banda in testa...
Uh, Zazá!
Uh, Zazá!
Uh, Zazá!
tuttuquante aîmm''a strillá:
Zazá, Zazá,
Isaia sta ccá!
Isaia sta ccá!
Isaia sta ccá!...
Zazá, Zazá,
za-za-za-za,
comm'aggi 'a fá pe' te truvá?!
I', senza te, nun pozzo stá...
Zazá, Zazá,
za-za-za-za....

Za-za-za-za-za-za-zá...

II

Era la festa di San Gennaro,
ll'anno appresso cante e suone...
bancarelle e prucessione...
chi se pò dimenticá!?

C'era la banda di Pignataro,
centinaia di bancarelle
di torrone e di nocelle
che facevano 'ncantá.

Come allora quel viavai,
ritornò per quella via...
Ritornò pure Isaia,
sempre in cerca di Zazá...

Dove sta Zazá?
Uh! Madonna mia...
Come fa Zazá,
senza Isaia?
Pare pare, Zazá
che t'ho perduta, ahimé!
Chi ha truvato a Zazá,
ca mm''a purtasse a me...
Se non troverò
lei, ch'è tanto bella,
mm'accontenterò
'e trová 'a sorella...
T'amerò,
t'amerò,
t'amerò,
pure a lei glielo dirò
che t'amerò:
T'amerò, Zazá!
T'amerò, Zazá!
T'amerò, Zazá!
Zazá, Zazá,
za-za-za-za...
che t'amerò ll'aggi''a cuntá...
Con tua sorella aggi''a sfugá...
Zazá, Zazá,
za-za-za-za...

Zazá, Zazá,
za-za-za-za...
comm'aggi''a fá pe' te truvá?!
I', senza te, nun pòzzo stá!
Zazá, Zazá,
za-za-za-za-za...

Za-za-za-za-za-za-zá...



Era la festa di San Gennaro,
quanta folla per la via...
Con Zazá, compagna mia,
me ne andai a passaggiare

C'era la banda di Pignataro
che suonava il "Parsifal"
e il maestro, sul piedistallo,
ci faceva deliziare.

Nel momento culminante
del finale travolgente,
in mezzo a tutta quella gente,
rapirono Zazá!...

Dove sta Zazá?!
Uh, Madonna mia...
Come fa Zazá,
senza Isaia?...
Sembra, sembra, Zazá,
che t'ho perduta, ahimé!
Chi ha trovato a Zazá
che me la riportasse
Andiamo a cercarla
sù, facciamo presto..
Andiamole incontro
con la banda in testa...
Uh, Zazá!
Uh, Zazá!
Uh, Zazá!
tutti quanti dobbiamo strillare:
Zazá, Zazá,
Isaia è qui!
Isaia è qui!
Isaia è qui!…
Zazá, Zazá,
za-za-za-za,
Come devo fare per trovarti?
Io senza di te non posso stare
Zazá, Zazá,
za-za-za-za....

Za-za-za-za-za-za-zá...

II

Era la festa di San Gennaro,
l'anno seguente canti e suoni...
bancarelle e processione...
chi si può dimenticare!?

C'era la banda di Pignataro,
centinaia di bancarelle
di torrone e di noccioline
che facevano incantare

Come allora quel viavai,
ritornò per quella via...
Ritornò pure Isaia,
sempre in cerca di Zazá...

Dove sta Zazá?
Uh! Madonna mia...
Come fa Zazá,
senza Isaia?
Sembra, sembra Zazá
che t'ho perduta, ahimé!
Chi ha trovato a Zazá,
che me la riportasse
Se non troverò
lei, ch'è tanto bella,
mi accontenterò
di trovare la sorella...
T'amerò,
t'amerò,
t'amerò,
pure a lei glielo dirò
che t'amerò:
T'amerò, Zazá!
T'amerò, Zazá!
T'amerò, Zazá!
Zazá, Zazá,
za-za-za-za...
che t'amerò lo devo raccontare
Con tua sorella devo sfogare
Zazá, Zazá,
za-za-za-za...

Zazá, Zazá,
za-za-za-za...
come devo fare per trovarti?!
Io, senza te, non posso stare!
Zazá, Zazá,
za-za-za-za-za...

Za-za-za-za-za-za-zá…


E

Edited by Pulcinella291 - 20/5/2010, 01:18

E

'E BBUSCIE LE BUGIE

Ma pecché, ma pecché nun mme guarde?
Ch'è succieso?...'o pputimmo sapé?
Só' venuto nu poco cchiù tarde!?...
E va buó' mo te spiego 'o ppecché:
Sono stato un momento add''o sarto...
Só' busciardo?...Busciardo e maligno?
e io dimane 'o vestito mm''o 'ncigno
accussí tu mme cride, Concé'...

Nun mme chiammmá busciardo, bella mia,
pecché mme piglio collera e nun sta...
E overo, io dico spisso na buscía,
ma ê vvote, dico pure 'a veritá!...

II

Mm'hanno visto passá 'ncarruzzella
cu na donna vestita marrò'?
Biundulella?...Truccata?...Un po' snella?...
Sissignore...e chi dice ca no?
Ma, Concé', se non senti 'a ragione,
tu non devi tremmá 'e gelusia...
quella lí, non la sai? è zizía...
na sorella cugina 'e mammá...

Nun mme chiammá busciardo, bella mia,
...................................................................

III

E mo dimme: quel tale studente
ca te vene ogne tanto a truvá...
quello lí che cos'è, t'è parente?
ho capito: è nipote a papá!...
E chist'ato ch'affaccia 'e rimpetto
e ti guarda e ti fa l'occhiolino?
Pure chisto, Concè' t'è cugino?
ho capito: è nipote a mammá!...

Nun mme chiammá busciardo, bella mia,
pecché tu manche addure 'e santitá...
E' overo, io dico spisso na buscía...
ma tu nun dice maje na veritá...


'E CCUMMARELLE LE COMARELLE

D''o vico 'e Ppaparelle,
non per dire, sóngo 'o rre:
Cummare e cummarelle
stanno sempe attuorno a me...
S'arapono 'e ffeneste
si mme vedono passá...
peffino ll'aucielle
fanno a gara pe' cantá...
pecché stó' sempe allero,
sempe allero...e lariulá!

Cummare e cummarelle
só' belle, só' belle...
ma io voglio bene a Stella
ch'è bella, ch'è bella...
Ma pe' ll'accuntentá
nun mme faccio prijá:
Una 'a ccá...
n'ata 'a llá:
Mm''e pporto p''a Riviera
sott''o vraccio a passiggiá!

II

P''o vico 'e Ppaparelle
tutt''a gente parla 'e me...
se dice ca na "stella",
priesto o tarde, ha da cadé...
Ma chella mm'ha risposto:
"Nun mme voglio mmaretá...
mme faccio munacella:
Suora Stella mm'hê 'a chiammá..."
Invece mme vò' bene,
cerca 'ammore...e lariulá...

Cummare e cummarelle,
........................................

III

Cummare e cummarelle
tuttequante hann''a sapé,
ca finalmente Stella
'mbracci'a me vène a cadé...
Mme chiamma "traditore"
Carulina. E ch'aggi''a fá?
Carmela e Cuncettina
fanno finta 'e se spará...
però, quanno mme sposo,
tutte vènono a cantá...

Cummare e cummarelle,


'E DDOJE LUCIE Le due Lucie

'Ntagliaje stu nomme a prora
ca só' tre anne e cchiù...
Lucia se chiamma 'a varca,
Lucia te chiamme tu...
Ma tu nun mme vuó' cchiù bene
t'aggio perza chisà comme...
e ll'avess''a cagná nomme
a 'sta varca primm''e mo...

Voca voca,
oje marenaro...
Voca voca,
voca fore!
Varca sincera e femmena busciarda
nun se pònno chiamma cu 'o stesso nomme!
Ohé,
mare lucente...
ohé,
stamme a sentí:
o lle ricuorde tutt''e giuramente,
o cagne nomme e còre pure a me!

II

E passano 'e stagione,
ma 'o nomme tujo sta ccá:
Se ll'accarezza ll'onna,
s''o legge e se ne va...
Pure 'o tiempo, oje bella, è mare:
Primma sbatte e po' s'addorme...
Vanno, 'e suonne, a chiorme a chiorme,
notte e ghiuorno 'ncerca 'e te...

Voca voca,
oje marenaro...
........................

Finale:

Ohé...
Oje marenaro...
Voca voca!
Ohé!


'E LLAMPADINE LE LAMPADINE

Nce simmo appiccecate mille vote
e mille vote avimmo fatto pace...
Volubile si' tu: Mo si' tenace,
a n'atu ppoco tu stuzziche a me...
E i' faccio 'o tira e molla appriesso a te!...

Sti core nuoste, parono
doje lampadine elettriche:
S'appicciano...se stutano...
se tornan'a appicciá...
E 'ammore, ca pe' spasso
ll'elettricista fa,
stuta a te,
appiccia a me,
pe' mme fá cchiù cunzumá...
E luce, luce, luce,
luce elettrica!

II

Ajere mme faciste 'a dispettosa...
Ogge mm'accuorde cu nu pizzo a riso...
dimane tu mme saglie 'mParaviso,
doppo dimane nc'îmm''a appiccecá...
e po' facimmo pace llá pe' llá!...

Sti core nuoste, parono
.....................................

III

E tiene mente, i' mo t''o stó' dicenno,
e mo piglie e mm'avuote 'e spalle 'nfaccia?
po' tuorne a te mená dint'a sti bbracce
e indifferentemente vase a me?
E indifferentemente io vaso a te!...

Sti core nuoste, parono
.....................................


'E PPENTITE LE PENTITE

Io stó' dint''e "Ppentite". E tu addó' staje?
E cu chi staje? Chesto vurría sapé...
Tu duorme 'a notte? Ma io nun dormo maje
e 'nnant'a st'uocchie veco sulo a te...

Che vuó', che vuó'? Nemmeno si' cuntento?
mo ca pe' te mm'hanno 'nzerrata ccá?
Si mamma aspetta 'o juorno ca mme pento,
falle assapé ca só' pentita giá...

Pentita 'e che? Pentita
ca t'aggio amato assaje!
'Nfame, nisciuna, maje,
fuje cchiù pentita 'e me...

II

Jurnate sane aret''a gelusia
desideranno 'o sole e 'a libertá...
Passa 'o pianino e saglie, 'a miez''a via,
quacche canzone 'e tantu tiempo fa...

E i' canto. Che te cride? I' chiagno e canto
e po' jastemmo e po'...torno a cantá...
Ah, comm'è allèra, 'int'a stu campusanto,
'sta sciantusèlla d''o cafè Sciantá!

Pentita 'e che? Pentita
....................................

III

Mme só' sunnato a n'angiulillo junno,
nennillu mio...ca mme diceva: "Oje má'...
Oje má', pecché mm'hê miso 'ncopp''o munno
quanno hê tenuto 'o core 'e mme lassá?"

No, ninno mio, mammá prega 'a Madonna
ca nun 'a castigasse 'ncuollo a te...
Tu staje luntano, ma io te canto 'a "nonna",
comme si t'addurmisse 'mbracci'a me!

Pentita 'e che? Pentita


'E QUATT''E MAGGIO IL QUATTRO DI MAGGIO

E tenevo na bella putechella
ch'avevo fatto tanto p'accurzá...
Soglia 'e marmo, bancone musticella:
ce asceva chellu ppoco pe' campá!

Vene 'o padrone 'e casa
dice: "'A mesata è poca!
mettitece 'a si-loca
e 'un ne parlammo cchiù!"

E aggiu lassato chella putechella,
speranno 'e ne truvá n'ata cchiù bella!

Core, fatte curaggio,
'sta vita è nu passaggio:
Facimmoncillo chistu quatto 'e maggio...
che ce penzammo a fá
si 'o munno accussí va?!

II

E tenevo na bella casarella
cu stanza 'e lietto e cammera 'e mangiá...
Na cucina, nu muorzo 'e luggetella...
nc'êvo fatto 'o grillaggio pe' ll'está...

Arriva ll'esattore;
dice: "'A mesata è poca!
Mettitece 'a si-loca
e 'un ne parlammo cchiù..."

E aggio lassato chella casarella
speranno 'e ne truvá n'ata cchiù bella!

Core fatte curaggio,
'sta vita è nu passaggio
facimmoce 'o sicondo quatt''e maggio,
che ce penzammo a fá
si 'o munno accussí va!?

III

E tenevo na bella 'nnammurata
ch'avevo fatto tanto p''a 'mpará...
Ma che saccio ched è, ll'hanno 'nciuciata:
nun è cchiù chella ch'era n'anno fa:

Primma, na rosa semplice,
mm''a faceva felice...
mo vò' 'e brillante e dice
ca manco niente só'...

E i' lasso pur'a essa e bonasera!
e mme ne trovo a n'ata cchiù sincera.

Core, fatte curaggio!
'sta vita è nu passaggio...
Facímmoce chist'atu quatt''e maggio...
Che ce penzammo a fá,
si 'o munno accussí va?


'E spingule francese Le spille da balia


Nu juorno mme ne jètte da la casa,
jènno vennenno spíngule francese...
Nu juorno mme ne jètte da la casa,
jènno vennnenno spíngule francese...

Mme chiamma na figliola: "Trase, trase,
quanta spíngule daje pe' nu turnese?"
Mme chiamma na figliola: "Trase, trase,
quanta spíngule daje pe' nu turnese?

Quanta spíngule daje pe' nu turnese?"

Io, che sóngo nu poco veziuso,
sùbbeto mme 'mmuccaje dint'a 'sta casa...
"Ah, chi vò belli spingule francese!
Ah, chi vò belli spingule, ah, chi vò?!

Ah, chi vò belli spingule francese!
Ah, chi vò belli spingule ah, chi vò!?"

Dich'io: "Si tu mme daje tre o quatto vase,
te dóngo tutt''e spíngule francese...
Dich'io: "Si tu mme daje tre o quatto vase,
te dóngo tutt''e spíngule francese...

Pízzeche e vase nun fanno purtóse
e puo' ghiénchere 'e spíngule 'o paese...
Pízzeche e vase nun fanno purtóse
e puo' ghiénchere 'e spíngule 'o paese...

E puó ghiénchere 'e spíngule 'o paese...

Sentite a me ca, pure 'nParaviso,
'e vase vanno a cinche nu turnese!...
"Ah, Chi vò' belli spíngule francese!
Ah, Chi vò' belli spíngule, ah, chi vò?!

Ah, chi vò belli spíngule francese!
Ah, chi vò belli spíngule, ah, chi vò?!"

Dicette: "Bellu mio, chist'è 'o paese,
ca, si te prore 'o naso, muore acciso!"
Dicette: "Bellu mio, chist'è 'o paese,
ca, si te prore 'o naso, muore acciso!"

E i rispunnette: "Agge pacienza, scusa...
'a tengo 'a 'nnammurata e sta ô paese..."
E i rispunnette: "Agge pacienza, scusa...
'a tengo 'a 'nnammurata e sta ô paese...


'A tengo 'a 'nnammurata e sta ô paese...

E tene 'a faccia comm''e ffronne 'e rosa,
e tene 'a vocca comm'a na cerasa...
Ah, chi vò belli spîngule francese!
Ah, chi vò belli spíngule, ah, chi vò'?!

Ah, chi vò belli spíngule francese!
Ah, chi vò belli spíngule, ah, chi vò'

ETERNAMENTE TUA
tutte e lettere e puo'brucia
ma sti regali nun e turna
tu nun o'puo'sape
che male fanne a me
e pigliatelle sta fotografia
addo sta scritte ancora sta bucia.
eternamente tua
per sempre t'amero'.
annamaria.
che mmo scriviste a ffa
eternamente nun esiste niente
me le mparate tu
e io nun mo scorde chiu'
buciarda mia.
perduta mia.
famme chiagnere nun me calma
me fa chiu'male nun m'abbraccia
quande chiu' doce si
tu chiu' me faie muri
comm e furnute triste stu romanzo
senza raggione e senza na speranza.
annamaria
che mmo scriviste a ffa
eternamente nun esiste niente
me le mbarate tu
e io nun mo scorde chiu'
buciarda mia. perduta mia.
annamaria.......
TTREZZE 'E CARULINA LE TRECCE DI CAROLINA

Oje pétteno ca piéttene
'e ttrezze 'e Carulina,
damme nu sfizio, scíppala
scíppala na matina...

E tu specchio addó' lùceno
chill'uocchie addó' cantanno
ride e se 'mmira, appánnete
quanno se sta ammiranno...

Lenzole addó' se stènnono
'e ccarne soje gentile,
'nfucáteve, pugnítela,
tutto stu mese 'abbrile...

e vuje teste d'anèpeta,
d'aruta e 'e resedá,
seccáte 'ncopp'a ll'ásteco
facíteve truvá...

II

Ma 'o pétteno ca péttena
'e ttrezze 'e Carulina,
è sempe 'o stesso pétteno
'e tartaruga fina...

'o specchio è de Venezia
e nun ha fatto mosse,
'e llenzulelle smòveno
n'addore 'e spicaddossa...

E manco nun mme sentono
ll'aruta e 'a resedá:
cchiù ampresso 'ncopp'a ll'asteco
abbrile 'e ffa schiuppá...

E sti scungiure, è inutile,
nn''a pònno cchiù arrevá:
Cchiù 'nfama e cchiù simpatica,
cchiù bella assaje se fa!...

'E ZUCCULILLE GLI ZOCCOLI

Quanta vote mme pare bella
cu sti bùccole anella anella,
chi 'o ppò dí?
Cu 'sta vesta a campanella
e accussí sciaguratella
comme si'!
Nun ce vonno ll'anielle a 'e ddete,
nun ce vonno cazette 'e seta...
Senza 'o nniro e senza 'o rrusso,
sott'a st'uocchie e 'nfacci''ô musso,
faje sperí...

Tarantella cu 'e zuóccole ô père...
tu quanto si' cara nun può 'mmagginá!
Va nu cuófano e miezo 'e denare,
nu vero tesoro, 'sta semplicitá...

Ah - ah - ah - ah...

Comme sonano 'e zucculille!
tícchete e tácchete quanno abballe...
Tale e quale stu core fa:
Tícchete, tácchete, tícchete, tá!...

II

Quanno faje stu pizzo a riso,
mme daje 'nfierno e paraviso,
Giesummí'!
Chi 'sta vocca carnale vasa,
cannamèla comm''a cerasa,
pò murí!
N'ora 'e gusto, diece anne 'e guaje...
e chest'ora, si tu mm''a daje,
piglia fuoco 'a passiuncella...
ca nisciuna è accussí bella
comme si'...

Tarantella cu 'e zuóccole ô père...
.......................................................

III

Sott''e piénnule d'uva rosa
ch'ammaturano 'int'a stu mese,
dimme "sí"...
Dimme "sí" si vuó' fá 'a sposa,
tu si' 'a femmena cianciosa
ca vogl'i'...
Mm'hê 'a prumettere sulamente,
ca tu rieste paisana e ardente
comm''o sole 'e stu paese:
bona, semplice e curtese
comme si'...

Tarantella cu 'e zuóccole ô père...

E ALLORA? E ALLORA?

Nel tram di Posìllipo, al tempo dell'está,
un fatto graziosissimo, mi accadde un anno fa;
Il tram era pienissimo, 'a miezo, 'a dinto e 'a fora,
quando, alla via Partènope, sagliette na signora!


E allora?...

E allora io dissi subito: "Signora, segga qua!"
Rispose lei: "Stia comodo, vedrá che ci si sta...
si stríngano, si stríngano, per me c'è posto ancora..."
E quase 'nzino, 'ndránghete...s'accumudaje 'a signora!


E allora?...

E allora, dietro all'angolo, mi strinsi ancora un po'...
lei rise e poi, guardandomi, le gambe accavalciò...
Io suspiraje vedennole tanta na gamba 'a fora,
comme suspiraje Cesare p''e ccosce d''a signora!


E allora?...

E allor dissi: "E' di Napoli?" "No, mi sun de Milan!"
"Fa i bagni qua, certissimo!" "No, mi parto duman...
Vorrei vedere Frìsio, non visto mai finora..."
"Se vuole, io posso..." "Oh, grazie!..." E s'ammuccaje 'a signora!


E allora?...

E allora, po', addunánnome ca dint''o trammuè,
'a gente ce guardava, dissi: "Signó', scendé'..."
E mme pigliaje nu taxi a vinte lire a ll'ora...
e a Frìsio ce ne jèttemo, io sulo, cu 'a signora!


E allora?...

E allora, senza scrupoli, mm'accummenciaje a lanzá...
ma lei, con fare ingenuo, mi disse: "Oh, ciò non sta...
Andiamo prima a Frìsio, mangiamo e, di buonora...
io sto all'Hotel Vesuvio, lei mi accompagna...e allora..."


E allora?...

E allora io feci subito "necessita virtù"...
Ma a Frìsio ce magnajemo duiciento lire e cchiù...
Turnanno, immaginateve, stevo cu ll'uocchie 'a fore...
Finché all'Hotel Vesuvio, scennette cu 'a signora...


E allora?...

Qui viene il graziosissimo ca, jenno pe' trasí,
a tutti presentávami: "Presento mi' marí'!..."
Mm'avea pigliato proprio pe' nu cafone 'e fora...
E ghièttemo 'int''a cammera e s'assettaje 'a signora!


E allora?...

E allora, mentre proprio 'a stevo p'abbracciá,
vicino 'a porta...Ttùcchete...sentette 'e tuzzuliá...
"Chi sarrá maje 'sta bestia? Si mandi alla malora!..."
Nu cameriere in smoking, cu 'o cunto d''a signora!...


E allora?...

E allora ce guardajemo, curiuse, tutt'e tre...
Lei prese il conto e..."Págalo: duemila e ottantatré..."
Cu na penzata 'e spíreto diss'io: "Mo, nun è ora!"
E il cameriere pratico: "Pardon, signor...signora!..."



E allora?...

E allora lei fa: "Sei stupido!..." "Qua' stupido, madá':
Ciento lirette 'e taxi, duiciento pe' magná...
Duimila e tanta 'e cámmera...e chesto che bonora!...
Ccá ce vó' 'o Banco 'e Napule, carissima signora!


E allora?...

E allora, senza aggiungere manco nu "i" e nu "a",
pigliaje 'o cappiello e, sùbbeto, mme ne scennette 'a llá...
Truvaje ancora 'o taxi: "Scioffer...pensione Flora!..."
E ghiette a truvá a Amelia ca mm'aspettava ancora...


E allora?...

E allora ebbi la prova di una grande veritá:
Ch''a via vecchia, p''a nova, nun s'ha da maje cagná!


E BONASERA AMMORE E BUONASERA AMORE

E vienetenne Ammore, e vienetenne...
mo, cu 'a schiuppata 'e primmavera, scinne...
dint''e nnuttate ca nun tengo suonno...
Dimme ca chesta nun è chella 'e tanno,
ch'è 'a cchiù sincera femmena d''o munno
e ca, sinceramente, sta aspettanno....

Dimme chello ca vuó'...
canta comme vuó' tu,
ma io nun te credo, no,
ma io nun ce 'ncappo cchiù!

II

E s'è addurmuto, Ammore, e s'è addurmuto
stu core mio ca fuje maletrattato...
E ca tu cante storie? Nun se sceta!
E ca tu dice comm'a ll'ati vvote:
Nun è Crestina...nun è 'Mmaculata...
Dorme stu core mio, male capito...

Dimme chello ca vuó'...
.......................................

III

E bonasera, Ammore, e bonasera!
E va' a fá 'o ruffianiello a n'atu core...
Quanno c'è stato chi mm'ha ditto: "Giuro
ca nun te lasso manco quanno moro..."
E mm'ha lassato cu na vocca amara...
Fall'aspettá 'sta nénna ca suspira...

Dimme chello che vuó'...
.........................................


E NON STA BENE E NON STA BENE

Bella,
cu ll'uocchie belle,
cu 'a faccia bella
na stella si'...
Tu, cu sti ppónte 'e stelle,
mi pungi il cuore:
mi fai morí!
Avevam''a spusá p''a fin''o mese...
ma tu dicesti: "Mo tengo da fare
lo sai che a Roccaraso devo andare...
io só' nata pe' sciá...
che m'importa di sposá!?"

E non sta bene!
Sei una vigliacca Marí',
mi spacchi il cuore...
ma fai cilecca Marí'!

Io nun te faccio ascí,
te scasso 'e sci,
te scasso 'e sci...

Se tu resti con me,
te compro 'e sciù,
te compro 'e sciù...

Si po' truove scé-scé,
povera a te,
povera a te:

Io te scasso 'e sci,
nun te compro 'e sciù,
e del tuo scé-scé,
io me ne freghé!

nfré!

Pe' na sciata tu te pierde a me?
io mme ne trovo n'ata meglio 'e te...
ti assicuro sí,
che se vai lassù,
certamente non ti sposo più!

nfrù!

II


Bocca...
che bella bocca
che tieni in bocca!...
ma che ne fo'...
quando cu 'a stessa bocca
che tieni in bocca,
mi hai detto: No!?
Mi fai parlare solo come un pazzo...
tu preferisce 'a neve e no stu...core
che batte, pulsa e palpita d'amore...
vuoi partire pe' sciá
e mi resti solo qua?!

E non sta bene...
............................


III

Chiagne?
Ma pecché chiagne?
Nèh, chella chiagne!
che chiagne a fá?
Questo non mi stupisce,
mi intenerisci
pe' ghí a sciá!...
T'hê miso 'o cuppulone e 'e pantalone...
'e scarpe chiene 'e chiuove e 'a sciarpa 'e lana...
la donna che ripudia la sottana,
non è donna...sai cos'è?
E' una...pápera, quest'è!

E non sta bene!
.........................

Era de Maggio Era di maggio

Era de maggio e te cadéano 'nzino,
a schiocche a schiocche, li ccerase rosse...
Fresca era ll'aria...e tutto lu ciardino
addurava de rose a ciento passe...

Era de maggio, io no, nun mme ne scordo,
na canzone cantávamo a doje voce...
Cchiù tiempo passa e cchiù mme n'allicordo,
fresca era ll'aria e la canzona doce...

E diceva: "Core, core!
core mio, luntano vaje,
tu mme lasse, io conto ll'ore...
chisà quanno turnarraje!"

Rispunnev'io: "Turnarraggio
quanno tornano li rrose...
si stu sciore torna a maggio,
pure a maggio io stóngo ccá...

Si stu sciore torna a maggio,
pure a maggio io stóngo ccá."

E só turnato e mo, comm'a na vota,
cantammo 'nzieme lu mutivo antico;
passa lu tiempo e lu munno s'avota,
ma 'ammore vero no, nun vota vico...

De te, bellezza mia, mme 'nnammuraje,
si t'allicuorde, 'nnanz'a la funtana:
Ll'acqua, llá dinto, nun se sécca maje,
e ferita d'ammore nun se sana...

Nun se sana: ca sanata,
si se fosse, gioja mia,
'mmiez'a st'aria 'mbarzamata,
a guardarte io nun starría !

E te dico: "Core, core!
core mio, turnato io só'...
Torna maggio e torna 'ammore:
fa' de me chello che vuó!

Torna maggio e torna 'ammore:
fa' de me chello che vuó!"


F

Edited by Pulcinella291 - 28/9/2008, 10:30

F

FATTE FA' 'A FOTO FATTI FARE UNA FOTO



'A che facimmo 'ammore tutt'e duje,
nun aggio avuto nu ritratto tujo...
Dice ca nun 'o tiene pe' mm''o dá,
ma i' tengo 'o mezzo pronto pe' t''o fá:
Mm'ho comprato una Kodak,
ca 'un appena 'a tocco: Tac!
gira 'a molla, fa nu scatto,
e te caccia nu ritratto...

T''a vuó' fá fá na foto?
T''a vuó' fá fá na foto?
Jammo, fattélla fá, bellezza mia...
Io metto a fuoco e...tá!
tu si' venuta giá...
Fatte fá 'a fò'...
fatte fá 'a fò'...
fatte fotografá!

II

Nuje ce vedimmo quase ogne mumento,
ma chistu fatto nun mme fa cuntento.
'A notte, comme faccio a te vedé,
si nu ritratto nun 'o pòzzo avé?

E perciò cu 'sta Kodak,
metto 'o dito e faccio...Tac!
Chella vène llá pe' llá
e mm''a vaco a sviluppá...

T''a vuó' fá fá na foto?...
.......................................

III

'A primma ca te faje ce pruove gusto:
Di faccia, di profilo...a mezzo busto...
E va a ferní ca po' mme dice a me:
"Una non basta: me ne faccio tre!"

E io stó' pronto cu 'a Kodak,
sempe pronto: Tac, tac!...
Chillo 'o rollo è luongo 'o ssá'...
Dimme: quante ne vuó' fá?

T''a vuó' fá fá na foto?...

.......................................
Fenesta ca lucive Finestra che luccicavi

Fenesta ca lucive e mo nun luce...
sign'è ca nénna mia stace malata...
S'affaccia la surella e mme lu dice:
Nennélla toja è morta e s'è atterrata...

Chiagneva sempe ca durmeva sola,
mo dorme co' li muorte accompagnata...

Va' dint''a cchiesa, e scuopre lu tavuto:
vide nennélla toja comm'è tornata...
Da chella vocca ca n'ascéano sciure,
mo n'esceno li vierme...Oh! che piatate!

Zi parrocchiano mio, ábbece cura:
na lampa sempe tienece allummata...

Addio fenesta, rèstate 'nzerrata
ca nénna mia mo nun se pò affacciare...
Io cchiù nun passarraggio pe' 'sta strata:
vaco a lo camposanto a passíare!

'Nzino a lo juorno ca la morte 'ngrata,
mme face nénna mia ire a trovare!..


FENESTA VASCIA FINESTRA BASSA



Fenesta vascia 'e padrona crudele,
quanta suspire mm'haje fatto jettare!...
Mm'arde stu core, comm'a na cannela,
bella, quanno te sento annommenare!
Oje piglia la 'sperienza de la neve!
La neve è fredda e se fa maniare...
e tu comme si' tanta aspra e crudele?!
Muorto mme vide e nun mme vuó' ajutare!?...

II

Vorría addeventare no picciuotto,
co na langella a ghire vennenn'acqua,
Pe' mme ne jí da chisti palazzuotte:
Belli ffemmene meje, ah! Chi vó' acqua...
Se vota na nennella da llá 'ncoppa:
Chi è 'sto ninno ca va vennenn'acqua?
E io responno, co parole accorte:
Só' lacreme d'ammore e non è acqua

FRESCA FRESCA Fresca fresca

'O sentite stu calore?
Mamma bella...sto squaglianno!
Nun capisco comme fanno
certi ggente a cammená...
Io pe' me passo 'a jurnata
dint'a ll'acqua 'e Margellina...
Mm'alzo a 'e ssette d''a matina
pecché mm'aggi''a renfriscá...

Fresca fresca,
sola sola,
na perzona se cunzola...
Cu sti vveste ca só' asciute,
si guadagna la salute...
Che piacere!
Che godere!...

Com'è bello a respirare
l'aria dorge del mio mare!...

II

Dint''a casa mm'aggio miso
ventitré ventilatore...
Si Mimí vene a fá 'ammore,
io lle dico: "Lassa stá,
Bellu mio, comme te vène
cu stu caldo ch'è n'inferno?!...
ne parlammo 'int'a ll'inverno...
Nun mme voglio riscaldá!"

Fresca fresca,
......................

III

Nella stanza da dormire,
mm'aggio miso doje ghiacciere!
Quann'è 'a sera, che piacere!
comm'è bello a ghí a cuscé...
Come pranzo? Tutti i giorni:
quattro fette di spumone,
na granita di limone,
nu gelato e nu frappè...

Fresca fresca,
......................


FUNICULÌ FUNICULÀ Funiculì, funiculà

Aisséra, Nanninè', mme ne sagliette,
tu saje addó'...
Tu saje addó'...

Addó', 'sto core 'ngrato, cchiù dispiette
farme nun pò...
Farme nun pò!

Addó' lo ffuoco coce, ma si fuje,
te lassa stá...
Te lassa stá.

E nun te corre appriesso e nun te struje
sulo a guardá...
Sulo a guardá...

Jammo, jammo,
'ncoppa jammo ja'...
Jammo, jammo,
'ncoppa jammo ja'...
Funiculí - funiculá,
funiculí - funiculá...
'Ncoppa jammo ja',
funiculí - funiculá....

II

Nèh jammo: da la terra a la montagna,
no passo nc'è...
No passo nc'è...

Se vede Francia, Pròceta, la Spagna...
e io veco a te!
E io veco a te...

Tiráte co li ffune, ditto 'nfatto,
'ncielo se va...
'Ncielo se va...

Se va comm'a lo viento e, a ll'intrasatto,
gué saglie sá'...
Gué saglie sá'...

Jammo, jammo,
.........................

III

Se n'è sagliuta, oje né', se n'è sagliuta,
la capa giá...
La capa giá..

E' ghiuta, po' è tornata, po' è venuta...
Sta sempe ccá...
Sta sempe ccá...

La capa vota vota attuorno, attuorno,
attuorno a te...
Attuorno a te...

Lo core canta sempe no taluorno:
Sposammo, oje né'...
Sposammo, oje né'...

Jammo, jammo,
.........................



Comm'a na criaturella abbandunata,
Napule s'è addurmuta sott''e stelle...
Facitela durmí, nun 'a scetate...
facitela durmí, nun 'a scetate...

Duorme, Napule mia...
fatte 'o cchiù bellu suonno...
scétate sulo quanno
torna 'a felicitá...
Mentr'io ca te só' figlio,
te sano sti fferite
cu 'o bbene cchiù carnale
ca ce sta...

II

E nonna nonna...cantano 'e ssirene...
e Napule fa quase nu surriso...
Facitela sunná, nun 'a scetate...
facitela sunná, nun 'a scetate...

Duorme, Napule mia...
fatte 'o cchiù bellu suonno...
scétate sulo quanno
torna 'a felicitá...
Mentr'io ca te só' figlio,
te sano sti fferite
cu 'o bbene cchiù carnale
ca ce sta...



Parlato:

Duorme...duorme Napule mia...
peró, si na matina,
siente 'e vulá pe' dint'a ll'aria
doje note 'e mandulino...
tanno te puó' scetá...
te puó' scetá, Napule mia...
Napule mia...


------------------------------
FUNTANA A LL' OMBRA FONTANA ALL'OMBRA

'Sta funtanella,
ca ména 'a tantu tiempo ll'acqua chiara,
ha fatto 'a cchiù 'e nu sèculo 'a cummara:

piccerenella,
venette 'a nonna a bevere, e ce steva
nu figliulillo, a ll'ombra, che 'a vedeva...

E, a ll'ombra, tutt'e duje
accumminciajeno a se parlá cu 'o "vvuje"...
po' ognuno 'e lloro se parlaje cu 'o "ttu"...

E, sempe cumpiacente...
sti ffronne, allegramente,
facevano ciù-ciù...

II

Po' ce venette
pur'io na vota ca stevo arzo 'e sete
e ca cercavo 'e vvie fresche e cujete...

E te vedette
e t'accustaste e mm'accustaje pur'io
e 'o core tujo cercava 'o core mio...

Venèttemo 'a doje strate...
e pe' una, ce sperdèttemo abbracciate
pe' ce vasá, pe' nun ce lassá cchiù...

E, sempe cumpiacente...
sti ffronne, allegramente,
facevano ciù-ciù...

III

Quant'ate appriesso,
doppo tante e tant'anne venarranno?
quant'ata matremmonie se farranno?

Mo fanno 'o stesso
quase tutt''e ffigliole 'e stu paese
e, 'a sprùcete ca só', po' só' curtese...

E spicialmente 'a 'state,
aspettano 'e figliule 'nnammurate...
e 'sta funtana attacca 'a giuventù!

E, sempe cumpiacente...
sti ffronne, allegramente,
farranno stu ciù-ciù...


------------------------------

FURTURE' FORTUNA



Tien''a vetélla
comm''a vucchella,
Furturè'....

Piccerenèlla,
piccerenèlla,
Furturè'...

Che dice, che faje?
che pienze...mm''a daje?
Furturè'...

Io mo moro, mo moro, mo moro, mo moro,
mo moro, mo moro, mo moro, mo moro...
pe' te...

Eh - eh - eh - eh...
Uh, quanto è bello a fá 'ammore cu te!...

Ah - ah - ah - ah - ah...
Uh, quanta vote te voglio vasá!...

Eh - eh - eh - eh - eh...
Uh, quant'è bello a fá 'ammore cu te!...

Ah - ah - ah - ah - ah...
Uh, quanta vote te voglio vasá!...

II

'Sta bella schiòcca
de rose scicche,
Furturè'...

ca tiene 'mmocca,
chisà a chi attocca,
Furturè'...

Che dice, che faje...
.................................

III

'Sta bionda trezza
chiena 'e bellizze,
Furturè'...

mme fa ascí pazzo,
guardá nun pòzzo...
Furturè'...

Che dice, che faje...
.....................

IV

Miette 'sta mana,
ca tocca e sana,
Furturè'...

'ncopp'a 'sta spina,
ca mm'arruvina...
Furturè'...

Che dice, che faje...
.....................


G

GIACCA ROSSA GIACCA ROSSA



Che smania, che freva,
'sta giacca, stu segno 'e russetto...
Sultanto na notte,
sapisse che male mm'ha fatto!
Torna, core 'e stu core...
pe' n'ata vota ancora
te voglio abbracciá...

Giacca rossa 'e russetto...
quanta cose mme faje ricurdá!
Maje na vota mm'ha scritto...
giacca rossa 'e russetto addó' sta?
Tutt''e ssere ll'aspetto
cu 'a speranza ca dice: "Stó' ccá!..."
Giacca rossa,
tu mme faje chiagnere
senza lacreme
appriesso a te...

Tutt''e ssere ll'aspetto
cu 'a speranza ca dice: "Stó' ccá!..."
Giacca rossa,
tu mme faje chiagnere
senza lacreme
appriesso a te...


------------------------------
GIURAMENTO GIURAMENTO



Mare!
Nu vapore s''a purtaje
chella sera ca giuraje...

Voce: Io torno, aspèttame, nun te scurdá...

Mare!
Ogne sera ca te veco,
d''e pparole sento ll'eco:

Voce: Io torno, aspèttame, nun te scurdá...

Ma 'e mise passano, ch'aspetto a fá?...

Comme te puó' scurdá
ca t'aggio amata?!
Comme se pò sbagliá
pe' tutt''a vita?!
E si nun vuó' penzá
ê giuramente ca facive a me,
comme te puó' scurdá
ca t'aggio amata,
si aggio perduto 'a vita mia pe' te?!

II

Mare!
Dint''e llettere cchiù ardente,
mme ripete 'e giuramente:

Voce: Io torno, aspèttame, nun te scurdá...

Mare!
Si tu saje ca nun è overo,
levammella da 'o penziero...

Voce: Io torno, aspèttame, nun te scurdá...

O 'a strada 'mpárale p''a fá turná...


Comme te puó' scurdá
ca t'aggio amata...
.............................

Finale:

Mare!
Nu vapore s''a purtaje
luntano 'a me!


-----------------------------

GIUVANNE CU 'A CHITARRA GIOVANNI CON LA CHITARRA



'A sera, 'ncopp''e viche,
cu 'a chitarra, scenne pe' Tulèto...
Tene 'a cravatta gialla
e na giacchetta cu 'a spaccata arreto...
'E scarpe a varchetella
e nu cazone fatto a zompafuosso...
e chi s'avota 'a ccá...
e chi s'avota 'a llá...
guardánnolo 'e passá...

'O chiámmano Giuvanne cu 'a chitarra...
pecché sape cantá tutt''e ccanzone.
E' stato 'nnammurato 'e na figliola
che ll'ha lassato miezo scumbinato...
E porta 'e sserenate a 'e 'nnammurate:
pe' ciento lire canta "Anema e core",
pe' cincuciento fa ll'americano:
s'arrangia a 'mpapucchiá "Johnny Guitar"...
'O chiámmano Giuvanne cu 'a chitarra...
e pare 'o pazzariello d''e ccanzone!

II

Na sera fuje chiammato,
pe' na festa, sott'a nu balcone
ô vico Scassacocchi...
Primmo piano, 'ncopp'a nu lampione:
'a mana lle tremmaje
'sta serenata jéva a Margarita...
cu 'sta chitarra ccá,
tu mo che cante a fá?
pe' chi se vò' spassá?

'O chiámmano Giuvanne cu 'a chitarra...
pecché sape cantá tutt''e ccanzone.
'A cumitiva allèra e ll'emozione
'o fa cantá, chiagnenno, "Core 'ngrato"...
Pe' chistu pretendente ammartenato
mo cade nu biglietto appassiunato...
e s'arricorda, quanno da 'o balcone,
cadevano cucozze e 'nfamitá...
E canta po' Giuvanne cu 'a chitarra
cu 'a vocca amara e cu na funa 'nganna...


Finalino:

Na sera pe' Tuleto
n'ombra scura saglie 'a copp''e viche...
Giuvá' che ce vuó' fá?
'a vita è chesta ccá:
cucozze e 'nfamitá!

----------------------------------
Guaglione Ragazzo


Staje sempe ccá, 'mpuntato ccá,
'mmiez'a 'sta via,
nun mange cchiù nun duorme cchiù
che pecundría!
Gué piccerí che vène a dí
'sta gelusia?
Tu vuó suffrí,
tu vuó murí,
chi t''o ffá fá...

Curre 'mbraccio addu mammá,
nun fá 'o scemo piccerí...
dille tutt''a veritá
ca mammá te pò capí...

E passe e spasse sott'a stu barcone,
ma tu si' guaglione...
Tu nun canusce 'e ffemmene,
si' ancora accussí giovane!
Tu si guaglione!...
Che t'hê miso 'ncapa?
va' a ghiucá 'o pallone...
Che vònno dí sti llacreme?...
Vatté, nun mme fá ridere!

Curre 'mbraccio addu mammá,
nun fá 'o scemo piccerí...
Dille tutta 'a veritá
ca mammá te pò capí...!

Nun 'e ppittá, nun 'allisciá
Nun cerca a te, nun só' pe' te
chill'uocchie belle...
Nun 'a penzá, va' a pazziá
cu 'e guagliunciélle...
Nun t'avvelí,
c'è tiempo oje ni,
pe' te 'nguajá!

Chi desidere 'e vasá,
scordatélla, piccerí,
ca si 'o ddiceno a papá,
chisá comme va a ferní...

E passe e spasse sott'a stu barcone,
.........................................................
Staje sempe ccá, 'mpuntato ccá,
'mmiez'a 'sta via...
Nun mange cchiù, nun duorme cchiù...
chi t''o ffá fá!..


-------------------------

Guapparia Guapperia

Scetáteve, guagliune 'e malavita...
ca è 'ntussecosa assaje 'sta serenata:
Io sóngo 'o 'nnammurato 'e Margarita
Ch'è 'a femmena cchiù bella d''a 'Nfrascata!

Ll'aggio purtato 'o capo cuncertino,
p''o sfizio 'e mme fá sèntere 'e cantá...
Mm'aggio bevuto nu bicchiere 'e vino
pecché, stanotte, 'a voglio 'ntussecá...

Scetáteve guagliune 'e malavita!...

E' accumparuta 'a luna a ll'intrasatto,
pe' lle dá 'o sfizio 'e mme vedé distrutto...
Pe' chello che 'sta fémmena mm'ha fatto,
vurría ch''a luna se vestesse 'e lutto!...

Quanno se ne venette â parta mia,
ero 'o cchiù guappo 'e vascio â Sanitá...
Mo, ch'aggio perzo tutt''a guapparía,
cacciatemmenne 'a dint''a suggitá!...

Scetáteve guagliune 'e malavita!...

Sunate, giuvinò, vuttàte 'e mmane,
nun v'abbelite, ca stó' buono 'e voce!
I' mme fido 'e cantá fino a dimane...
e metto 'ncroce a chi...mm'ha miso 'ncroce...

Pecché nun va cchiù a tiempo 'o mandulino?
Pecché 'a chitarra nun se fa sentí?
Ma comme? chiagne tutt''o cuncertino,
addó' ch'avess''a chiagnere sul'i'...

Chiágnono sti guagliune 'e malavita!..

--------------------------
GUI' GUI' SI SI



'O Visuvio, Carmenè',
tèh, guarda guá'..
te fa 'ncantá...
Siente 'o mare attuorno a te
murmuliá...
murmuliá...
Llá na tavula 'e Francise
e ccá nuje, a "visaví"...
Stu Pusilleco mm'ha miso
'o Ffrancese 'mmócc'a me:
Mussiù, scianté
appriess'a me:
Guí!

Mme piáciono 'e maccaròn!
guí, guí, guí, guí...
Mme piace pasta e fasòl!
guí, guí, guí, guí...
La fatica a me non mi sòna!
guí, guí, guí, guí...
Viva Napoli e Parí'...
guí, guí, guí, guí...

II

Vide comme 'nfacci'a te,
vicino a te,
'a copp'a te,
ride 'a luna Carmenè'!
vò' pazziá
'a còppo llá...
Nun t''a siente n'allería
dint''o core pure tu?
sti cchitarre ch'armunia!
Ce se 'ncantano 'e mussiù...
Mussiù, mussiù,
mussiù, mussiù...
Guí!

Mme piáciono 'e maccaròn!
.............................................

III

I' mme sento 'e friccecá...
'e pezzecá,
'e muzzecá...
Mme sapisse tu spiegá
nèh, che sarrá?
fatte cchiù ccá!
Carmenè', ch''a vita passa
e vedimmo 'e ce 'a gudé...
Si ne lieve 'a panza e 'o spasso,
che ce resta, pe' sapé!?
Nèh, pe' sapé,
oje Carmenè'...
Guí!

Mme piáciono 'e maccaròn!
.............................................

I

I DUE GEMELLI I DUE GEMELLI



Tu si’ nata pe’ te mmaretá,
pecché si’ femmena...
Io só’ nato pe’ mme spusá a te...
pecché só’ másculo...
E mme ll’hê 'a fá passá chistu gulío:
Io mme piglio a te,
tu te piglie a me...
tesoro mio...

Io benedico a mámmeta,
ca se spusaje a páteto,
e te facette nascere
pe’ fá felice a me...
E voglio duje gemelle
belle, belle, belle, belle...
'o maschio e 'a femmenella
belle, belle, belle, belle...
'A nennélla tale e quale a te...
'O nennillo tale e quale a me...

II

Na figlióla bella comm’a te,
nun pò cchiù nascere...
'Mmiez’a tutt’’e bbelle saje che si’?
'A meglia 'e Napule!
Pirciò famme passá 'sta pecundría,
jammo, dice si’...
nun mme fá murí,
sciascióna mia...

Io benedico a mámmeta
.......................................

III

Chesto t’’o ddicevo n’anno fa...
mo si’ muglierema...
E si’ nata pe’ mme fá schiattá...
'nfamóna 'e femmena!
Ma si mme piglia 'ncapa 'a pazzaría
io te sciacco a te...
o tu sciacche a me...
parola mia...

Io strafucasse a mámmeta
ca se spusaje a páteto
e te facette nascere
pe’ fà infelice a me...
Mm’hê fatto duje gemelle
belle, belle, belle, belle...
'O maschio e 'a femmenella
belle, belle, belle, belle...
'O guaglione, brutto comm’a che!
'A guagliona, cchiù carogna 'e te!

Finale:

Ma comme io dico: páteto,
se va a 'ncuntrá cu mammeta...
Se sposano e cumbinano
stu ddiece 'e guajo a me?!...
Mm’hê fatto duje gemelle
belle, belle, belle, belle...
..........................................


I’ MM’ ARRICORDO 'E TE IO MI RICORDO DI TE



I’ mm’arricordo 'e te,
quanno stó’ vicino ô mare...
Quanno ll’onna, chianu chiano,
vasa 'a rena e po’ scumpare...
E po’ torna a s’’a vasá...

I’ mm’arricordo 'e te,
Lucia, Lucí’...
A quínnece anne mme diciste “Sí!”

II

I’ mm’arricordo 'e te,
quanno 'o sole è penetrante
e se 'mmira 'ncopp’a ll’acqua...
Chelli luce 'e diamante,
fanno male d’’e gguardá...

I’ mm’arricordo 'e te,
Lucia, Lucí’...
A sídece anne mme diciste “Sí!”


III

I’ mm’arricordo 'e te,
quann’è doppo ch’ha chiuvuto
e mme trovo p’’a campagna...
Sento 'addore d’’a salute,
sento 'a vita...’a giuventù...

I’ mm’arricordo 'e te,
Lucia, Lucí’...
e mo pecché nun dice ancora “Sí?!”


______________________
INCIDENTE AL VOMERO
che' cazzo' che' sfacccimm
ma vaffanculo sa'
ragazzo non mi hai visto che'.
son fermato qua'
ma mettiti gli occhiali
ma va dall' oculista
che' cazzo che' sfaccimm ma
vui virit a chist ''
aggiatece pacienza
ma non vi ho visto uscire
che cazzo che' sfaccimm
tu non mi hai visto uscire,
chest e' una station wagon
lo sai che costa assai
che cazzo che sfaccimm
ma vaffanculo dai
sto uscendo dal garage e'
a' macchina e' papa'
e' mo' chi ce' lo dice
mannaggia ali babba' ''
'songo mortificato
ma statemi' a sentire'''
che cazzo che sfaccimmma
che devo sentire
hai visto il parafango
que' come e' graffiato qui'
si vede ad occhio nudo
ma vaffanculo si' ''
'va buono ma sisignore
pero' volevo dire'''
che cazzo che sfaccimmma
tu che mi vuoi dire'
chest'e' 'na station wagon
costa trenta milioni
e mo' sient' a papa'
che mi rompe i coglioni
ma io vi sto dicendo
e se mi date retta
che cazzo vuoi parlare
non vedi che c'ho' fretta
dobbiamo andare a capri
oee' mo' perdo l'aliscafo
pe colpa e' sti'mbecill
cu chest faccia e' gufo
ne' capo nun v'allargat
e purtatem rispetto
che cazzo che sfaccimm
c'vo' stu senza tetto
su barbara fai presto
ee' che gia' mi sono rotto
prendimi carta e penna
che tengo nel cruscotto
ma che vulite fa'
mettimece d'accordo...
che cazzo che sfaccimm
io tempo non ne perdo
barbara ramma a carta
che gia' se fatto tardi
mo' ci pigliammo a' targa
e stu terremotato
e non di niente a papa'
ce' penza l'avvocato
vue' siento piscitiello
tu mo mia fa parla'
perche' me rutto o' cazzo
tu e 'a macchina e papa'
che cazzo che sfaccim
vaffanculo oini'
io tengo e' cazzo n'culo
che abballan a'ccussi'
pecche' ste' e casa o vommer
se sent altolocato
uaglio' ma aiz a merd
chi cazz t'ha tuccat
nu sciptiel e nient'
vicino o parafango
ha fatt na tragedia
ghiet o beleno e o sang
p'bi' che ten a fianc
sta bambola gunfiat
e caccia a capuzzell
nun fa st'aria schifata
o si vergogna barbara
e nt'is al tuo ragazzo
rall nu poc e cart
ca se pulezz o' mazz'
e' dopp l'avvocat
me mann a letterina
e io ci'arravogli' e strunz
e' frateme gigino
che' cazz che sfaccim
costa 30 milioni
nuie astient c'e' faccimm
dui bagni a' mondragone
e chill se ne ven
col padre blasonato
va trov' quant' a' corne
tene stu' scurnacchiat'
che scadalo che schifo
ma che volgarita'
ma chiurt' rind' o' cess
ca solo la puo' sta'
non mi posso confodere
con un tipo come te
si vuo' parla cu' me'
t'hia fa' primm o bide'
ma che ribrezzo lurido
puzzi di baccala'
e' si faccio nu piret
te faccio allegreia
non mi posso abbassare
perche' c'ho' il sangue ble'
e invece teng a' uallera'
che fa' cucu' sette''
che scandalo che schifo
andiamo via di qua'
ma v'affamocc a soreta'
a mammet e' a' papa'
che scandalo che schifo
ma quante oscenita'
sicchie' rinal canter lota
fete' n'guacchiat'
che scandalo che schifo
ma quante oscenita'
sicchi' rinale canter lota'
fete' n'guacc



I' te vurria vasa' [/color] Io vorrei baciarti

Ah! Che bell'aria fresca...
Ch'addore 'e malvarosa...
E tu durmenno staje,
'ncopp'a sti ffronne 'e rosa!

'O sole, a poco a poco,
pe' stu ciardino sponta...
'o viento passa e vasa
stu ricciulillo 'nfronte!

I' te vurría vasá...
I' te vurría vasá...
ma 'o core nun mm''o ddice
'e te scetá...
'e te scetá!...

I' mme vurría addurmí...
I' mme vurría addurmí...
vicino ô sciato tujo,
n'ora pur'i'...
n'ora pur'i'!...

Tu duorme oje Rosa mia...
e duorme a suonno chino,
mentr'io guardo, 'ncantato,
stu musso curallino...

E chesti ccarne fresche,
e chesti ttrezze nere,
mme mettono, 'int''o core,
mille male penziere!

I' te vurría vasá...
............................

Sento stu core tujo
ca sbatte comm'a ll'onne!
Durmenno, angelo mio,
chisà tu a chi te suonne...

'A gelusia turmenta
stu core mio malato:
Te suonne a me?...Dimméllo!
O pure suonne a n'ato?

I' te vurría vasá…
---------------------------------
incidente al vomero (f.salvatore)


che' cazzo' che' sfacccimm
ma vaffanculo sa'
ragazzo non mi hai visto che'.
son fermato qua'
ma mettiti gli occhiali
ma va dall' oculista
che' cazzo che' sfaccimm ma
vui virit a chist ''
aggiatece pacienza
ma non vi ho visto uscire
che cazzo che' sfaccimm
tu non mi hai visto uscire,
chest e' una station wagon
lo sai che costa assai
che cazzo che sfaccimm
ma vaffanculo dai
sto uscendo dal garage e'
a' macchina e' papa'
e' mo' chi ce' lo dice
mannaggia ali babba' ''
'songo mortificato
ma statemi' a sentire'''
che cazzo che sfaccimmma
che devo sentire
hai visto il parafango
que' come e' graffiato qui'
si vede ad occhio nudo
ma vaffanculo si' ''
'va buono ma sisignore
pero' volevo dire'''
che cazzo che sfaccimmma
tu che mi vuoi dire'
chest'e' 'na station wagon
costa trenta milioni
e mo' sient' a papa'
che mi rompe i coglioni
ma io vi sto dicendo
e se mi date retta
che cazzo vuoi parlare
non vedi che c'ho' fretta
dobbiamo andare a capri
oee' mo' perdo l'aliscafo
pe colpa e' sti'mbecill
cu chest faccia e' gufo
ne' capo nun v'allargat
e purtatem rispetto
che cazzo che sfaccimm
c'vo' stu senza tetto
su barbara fai presto
ee' che gia' mi sono rotto
prendimi carta e penna
che tengo nel cruscotto
ma che vulite fa'
mettimece d'accordo...
che cazzo che sfaccimm
io tempo non ne perdo
barbara ramma a carta
che gia' se fatto tardi
mo' ci pigliammo a' targa
e stu terremotato
e non di niente a papa'
ce' penza l'avvocato
vue' siento piscitiello
tu mo mia fa parla'
perche' me rutto o' cazzo
tu e 'a macchina e papa'
che cazzo che sfaccim
vaffanculo oini'
io tengo e' cazzo n'culo
che abballan a'ccussi'
pecche' ste' e casa o vommer
se sent altolocato
uaglio' ma aiz a merd
chi cazz t'ha tuccat
nu sciptiel e nient'
vicino o parafango
ha fatt na tragedia
ghiet o beleno e o sang
p'bi' che ten a fianc
sta bambola gunfiat
e caccia a capuzzell
nun fa st'aria schifata
o si vergogna barbara
e nt'is al tuo ragazzo
rall nu poc e cart
ca se pulezz o' mazz'
e' dopp l'avvocat
me mann a letterina
e io ci'arravogli' e strunz
e' frateme gigino
che' cazz che sfaccim
costa 30 milioni
nuie astient c'e' faccimm
dui bagni a' mondragone
e chill se ne ven
col padre blasonato
va trov' quant' a' corne
tene stu' scurnacchiat'
che scadalo che schifo
ma che volgarita'
ma chiurt' rind' o' cess
ca solo la puo' sta'
non mi posso confodere
con un tipo come te
si vuo' parla cu' me'
t'hia fa' primm o bide'
ma che ribrezzo lurido
puzzi di baccala'
e' si faccio nu piret
te faccio allegreia
non mi posso abbassare
perche' c'ho' il sangue ble'
e invece teng a' uallera'
che fa' cucu' sette''
che scandalo che schifo
andiamo via di qua'
ma v'affamocc a soreta'
a mammet e' a' papa'
che scandalo che schifo
ma quante oscenita'
sicchie' rinal canter lota
fete' n'guacchiat'
che scandalo che schifo
ma quante oscenita'
sicchi' rinale canter lota'
fete' n'guacc

INDIFFERENTEMENTE INDIFFERENTEMENTE



Tramonta 'a luna...
e nuje, pe' recitá ll'ùrdema scena,
restammo mane e mane,
senza tené 'o curaggio 'e ce guardá...

Famme chello che vuó'
indifferentemente,
tanto 'o ssaccio che só':
pe' te nun só' cchiù niente!...
E damme stu veleno,
nun aspettá dimane...
ca, indifferentemente,
si tu mm'accide nun te dico niente.

II

E ride pure,
mentre mme scippe 'a pietto chistu core!?...
Nun sento cchiù dulore
e nun tengo cchiù lacreme pe' te...

Famme chello che vuó'
......................................


Finale:

...e indifferentemente
io perdo a te!...





Tramonta la luna...
e noi, per recitare l'ultima scena,
restammo mano nella mano,
senza avere il coraggio di guardarci...

Fammi quello che vuoi
indifferentemente,
tantolo so che sono:
per te non sono più niente!...
E dammi questo veleno,
non aspettare domani...
che, indifferentemente,
se tu mi uccidi non ti dico nulla.

II

E ridi pure,
mentre mi strappi dal petto questo cuore!?...
Non sento più dolore
e non ho più lacrime per te...

Fammi quello che vuo'


Finale:

...e indifferentemente
io ti perdo!...


--------------------------
Io, mammeta e tu Io, tua madre e te

Ti avevo detto, dal primo appuntamento,
'e nun purtá nisciuno appriesso a te...
Invece mo nu frato,
na sora, na nepote...
sola nun staje na vota:
ascimmo sempre a tre!
E mi hai promesso: "Domani chi lo sa...
vengo io soltanto...soltanto con mammá!..."

Io, mámmeta e tu...
passiammo pe' Tuledo,
nuje annanze e mámmeta arreto...
Io mámmeta e tu...
Sempe appriesso,
cose 'e pazze:
chesta vène pure ô viaggio 'e nozze...
Jamm'ô cinema, a abballá...
si cercammo 'e ce 'a squagliá,
comm'a nu carabiniere
chella vène a ce afferrá...

Ah...Ah...Ah...
ma, 'nnammurato,
só rassignato:
Non reagisco più...
Io, mámmeta e tu!...

Io, mámmeta e tu!...

Ma San Gennaro mm'aveva fatto 'a grazia:
ll'ata matina nun ll'ha fatta aizá:
Teneva ll'uocchie 'e freve,
pareva ca schiattava,
io quase mme credevo
d'ascí sulo cu te...
Nu filo 'e voce, però, truvaje mammá:
"Da 'a piccerella ve faccio accumpagná..."

Io, sòreta e tu...
Jamm'ô bar ô Chiatamone:
"Vuó 'o cuppetto o vuó 'o spumone?"
"Chello ca costa 'e cchiù!"
Pe' ricordo 'e 'sta jurnata,
dint''a villa, ce hanno fatt''a foto...
Vò 'o pallone, vò 'o babbá
nun se fida 'e cammená...
guardo a essa, guardo 'o mare...
stó penzanno 'e ce 'a mená...

Ah...Ah...Ah...
ma, 'nnammurato,
só' rassignato...
non regisco più...
Io, sòreta e tu!...

Io, sòreta e tu!...

Ammore mio, staje sempe cu 'e pariente...
chesta famiglia mme pare na tribù...
Arrivano 'a Milano,
arrivano 'a ll'Oriente...
e tutta chesta gente
sta sempe attuorno a me...
Na vecchia zia ca steva a Cefalù,
venuta ccá, nun se n'è ghiuta cchiù..
Io, zíeta e tu...
poverina, è sofferente,
ogne tanto, nu svenimento...
io, zíeta e tu...
Ll'uovo frisco, 'a muzzarella,
cammenammo sulo in carrozzella...
Stó pavanno 'a ccá e 'a llá...
'E denare chi mm''e ddá?!
O te lasso o, fra nu mese,
stó cercanno 'a caritá!...

Ah...Ah...Ah...
tu mm'hê 'nguajato...
mme sposo a n'ata,
nun ve veco cchiù...
Mámmeta, sòreta e tu...
páteto, fráteto e tu...
nònneta, zíeta e tu...

páteto, fráteto, nònneta,
sòreta, sòreta, zíeta,
zíeta, páteto, páteto,
fráteto, fráteto, nònneta...
nònneta, páteto...'o cane...

...Scusate giuvinò, io só 'a bisnonna...
só turnata proprio mo da 'o 'spitale...

Aaaaaaahhhhhh!!!!!
-----------------------------------------------

Io, na chitarra e 'a luna Io, una chitarra e la luna

Vatténne core mio, vatténne sulo
p''e vvie sulagne...
Chisá te cagne mo ca si' figliulo,
chisá te cagne...

E, giá ca tu si nato cantatore,
va' e canta si staje triste o 'e buonumore:

Canta pe' te...
Canta pe' te...
e nun chiammá a nisciuna:
Tu, na chitarra e 'a luna!

E nun te fá vení 'a malincunía
p''e vvie ca sanno
chi, pe' 'nganná, veneva 'ncumpagnia
cu me cantanno...

E, si mme tremma, 'ncopp''e ccorde, 'a mano...
siéguete a cammená: Va' cchiù luntano!

Canta pe' te...
Canta pe' te...
senza penzá a nisciuna:
Tu, na chitarra e 'a luna!

E si truove a quaccuno e dice: "E comme,
tu sulo? E chélla?"
E si te dice 'e chélla pure 'o nomme,
tu, scordatélla!

E si chistu quaccuno fosse 'Ammore
cágnate nomme e di': "State in errore:

Canto pe' me,
canto pe' me,
nun voglio cchiù a nisciuna:
Io, na chitarra e 'a luna!..
Vattene cuore mio, vattene solo
per le vie solitarie...
Chissà ti cambio ora che sei ancora figliolo,
chissà ti cambio...

E, già che tu sei nato cantatore,
canta se sei triste o di buon umore:

Canta per te...
Canta per te...
e non chiamare nessuno:
Tu, una chitarra e la luna!

E non farti venire la malinconia
per le vie che conoscono
chi, per ingannare, veniva in compagnia
con me cantando...

E, se mi trema, sulle corde, la mano...
continua a camminare: vai più lontano!

Canta per te...
Canta per te...
senza pensare a nessuno:
Tu, una chitarra e la luna!

E se trovi qualcuno che dice: "E come,
tu solo? E quella?"
E se ti dice anche il nome di quella,
tu, scordatelo!

E se questo qualcuno fosse Amore
cambiati nome e dici: "Stai sbagliando:

Canto per me,
canto per me,
non voglio più a nessuno:
Io, una chitarra e la luna!..

Continua

Edited by Pulcinella291 - 15/3/2009, 15:53

L

LA CAMMESELLA La camicetta



Lui: E lèvate 'o mantesino!

Lei: 'O mantesino, gnernò, gnernò!

Lui: E lèvate 'o mantesino!

Lei: 'O mantesino, gnernò, gnernò!

Lui: Si nun t''o vuó' levá,
mme sóso e mme ne vaco da ccá!

Si nun t''o vuó' levá,
mme sóso e mme ne vaco da ccá!...

Lei: E tèh, mme ll'aggio levato,
Ciccillo, cuntento, fa' chello ca vuó'...
E tèh, mme ll'aggio levato,
Ciccillo, cuntento, fa' chello che vuó'...
Sia benedetta mámmema,
quanno mme maritò.

Lui: Sia benedetta mámmeta,
quanno te maritò.

II

Lui: E lèvate 'a vesticciolla,
.........................

III

Lui: E lèvate 'o suttanino,
......................

IV

Lui: E lèvate stu curzetto,
......................

V

Lui: E lèvate 'a cammesella,
.......................

VI

Lui: E damme, Ceccè', nu vasillo,
........................


LA PANSE' La pansè

Ogni giorno cambi un fiore
e lo appunti in petto a te...
Stamattina, sul tuo cuore,
ci hai mettuto una pansé...


E perché ce l'hai mettuta?
se nun sbaglio l'ho capito...
Mi vuoi dire, o bella fata,
che tu pensi sempro a me...

Ah!....

Che bella pansé che tieni,
che bella pansé che hai...

me la dai?
me la dai?
me la dai la tua pansé?

Io ne tengo un'altra in petto
e le unisco tutt'e due:
Pansé mia e pansé tua...
in ricordo del nostro amor!


II


Questo sciore avvellotato,
tanto caro io lo terrò...
Quando si sará ammosciato,

io me lo conserverò....

Ci ha tre petali, tesoro,
e ogneduno ci ha un pensiero...
sono petali a colori:
uno giallo e due marrò...

Ah!...

Che bella pansé che tieni...
...

III

Tu sei come una fraffalla
che svolacchia intorno a me...
Poi ti appuoi sulla mia spalla
con il pietto e la pansé...

Io divento un mammalucco,
poi ti vaso sulla bocca
e mi sembra un tricchi-tracco
questo vaso che do a te!

Ah!...
che bella pansé che tieni...
...


Ogni giorno cambi un fiore
e lo metti in petto a te...
Stamattina, sul tuo cuore,
hai messo una pansé...
E perché l'hai messa?
se non sbaglio l'ho capito...
Mi vuoi dire, o bella fata,
che tu pensi sempre a me...
Ah!....
Che bella pansé che tieni,
che bella pansé che hai...
me la dai?
me la dai?
me la dai la tua pansé?
Io ne tengo un'altra in petto
e le unisco tutt'e due:
Pansé mia e pansé tua...
in ricordo del nostro amor!

II

Questo fiore vellutato,
tanto caro io lo terrò...
Quando si sará appassito,
io me lo conserverò....
Ha tre petali, tesoro,
e ognuno ci ha un pensiero...
sono petali a colori:
uno giallo e due marroni...
Ah!...
Che bella pansé che tieni...

............................................

III

Tu sei come una farfalla
che svolazza intorno a me...
Poi ti appoggi sulla mia spalla
con il petto e la pansé...
Io divento un poco scemo,
poi ti bacio sulla bocca
e mi sembra un petardo,
questo bacio che do a te!
Ah!...
che bella pansé che tieni...
...........................................
LA TARANTELLA



Jammo a bedere 'nterr'a la rena
mentre ca spánfia la luna chiena,
ch'è notte e pare fosse matina...
li piscature de Margellina,
ca te cumbinano, friccicarella,
la tarantella, la tarantella...
Ca te cumbinano, friccicarella,
la tarantella, la tarantella....

E tiritùppete - ttùppete - ttùppete
ttùppete - ttùppete - ttùppete - ttù...
e tiritùppete - ttùppete - ttùppete
la tarantella la llara lla llá....

II

N'ommo e na femmena 'mmiezo se fanno
a fá rociello la gente stanno...
ma co' malizia, lo pescatore,
mentre ch'abballa sa fá ll'ammore...
Non è sortanto pazziarella
la tarantella, la tarantella...
Non è sortanto pazziarella
la tarantella, la tarantella...

E tiritùppete - ttùppete - ttùppete
......................................................

III

Isso la 'nvita, chella è scornosa,
po' fa la spruceta, po' n'è gelosa,
po' nc'è ll'appicceco, 'nguerra se stace...
po' s'addenocchiano, po' fanno pace...
Tutta specifica, políta e bella,
la tarantella, la tarantella...
Tutta specifica, políta e bella,
la tarantella, la tarantella...

E tiritùppete - ttùppete - ttùppete
.....................................................

IV

Ah, vorria essere no marenaro
e chillo spasso, ch'è tanto caro,
'mmiez'a 'sta Chiaja, ch'è 'no piacere,
nce pigliarríamo tutte le ssere...
Po' vedarrisse si nun è bella,
la tarantella, la tarantella!...
Po' vedarrisse si nun è bella,
la tarantella, la tarantella!...

E tirituppete - ttùppete - ttùppete

----------------------------------------

Lacreme napulitane Lacrime napoletane

Mia cara madre,
sta pe' trasí Natale,
e a stá luntano cchiù mme sape amaro....
Comme vurría allummá duje o tre biangale...
comme vurría sentí nu zampugnaro!...

A 'e ninne mieje facitele 'o presebbio
e a tavula mettite 'o piatto mio...
facite, quann'è 'a sera d''a Vigilia
comme si 'mmiez'a vuje stesse pur'io...

E nce ne costa lacreme st'America
a nuje Napulitane!...
Pe' nuje ca ce chiagnimmo 'o cielo 'e Napule,
comm'è amaro stu ppane!

Mia cara madre,
che só, che só 'e denare?
Pe' chi se chiagne 'a Patria, nun só niente!
Mo tengo quacche dollaro, e mme pare
ca nun só' stato maje tanto pezzente!

Mme sonno tutt''e nnotte 'a casa mia
e d''e ccriature meje ne sento 'a voce...
ma a vuje ve sonno comm'a na "Maria"...
cu 'e spade 'mpietto, 'nnanz'ô figlio 'ncroce!

E nce ne costa lacreme st'America

Mm'avite scritto
ch'Assuntulella chiamma
chi ll'ha lassata e sta luntana ancora...
Che v'aggi''a dí? Si 'e figlie vònno 'a mamma,
facítela turná chella "signora".

Io no, nun torno...mme ne resto fore
e resto a faticá pe' tuttuquante.
I', ch'aggio perzo patria, casa e onore,
i só carne 'e maciello: Só emigrante!

E nce ne costa lacreme st'A
----------------------------------

LARIULA' Lariulà

(Duetto)
Lui: - Frutto 'e granato mio, frutto 'e granato,
quanto t'aggio stimato a tiempo antico!
Tiénete 'o muccaturo arricamato,
tutta 'sta rrobba mia t''a benedico...

Lei: - Quanto si' bello e quanto si' curtese!
io t'ero indifferente e mo se vede;
tècchete 'o muccaturo 'e seta ingrese...
fossero accise ll'uommene e chi 'e ccrede!

Insieme: - Fossero accise ll'uommene ('e ffemmene)
e chi 'e ccrede!...


Ah, lariulá,
lariu - lariu - lariulá...
Ll'ammore s'è addurmuto
nun 'o pòzzo cchiù scetá...

Ah, lariulá,
lariu - lariu - lariulá...
Ll'ammore s'è addurmuto
nun 'o pòzzo cchiù scetá...

II

Lui: - E quanno è chesto, siente che te dico:
Io faccio 'ammore cu na farenara;
tène nu magazzino 'int'a nu vico,
ll'uocchie ca tène só' na cosa rara...

Lei: - E quanno è chesto: Io pure faccio 'ammore
e a n'atu ninno mo tengo 'o penziero...
s'erano date a fuoco ánema e core:
mme só' raccummannata a nu pumpiere...

Insieme: - Mme só' raccumannata/o a nu pumpiere...

Ah, lariulá
.................

III

Lui: - Ah, vocca rossa comm'a nu granato!
Chi 'o ssape 'o tiempo antico si è fernuto?...
Chello ch'è certo è ch'io stó' frasturnato,
e 'o sapore d''o ppane aggio perduto!

Lei: - Si' stato sempe bello e 'ntussecuso,
e pure, siente, vide che te dico,
nun mme ne 'mporta ca si' furiuso:
voglio campá cu te, murí cu tico!...

Insieme: - Voglio campá cu te murí cu tico!...

Ah, lariulá
................

Lazzarella Lazzarella

Cu 'e libbre sott''o vraccio
e 'a camicetta a fiore blu,
vuó' fá 'a signurenella
'nnanz'â scola pure tu...
Te piglie 'a sigaretta
quann''accatte pe' papá,
te miette giá 'o rrussetto
comme vide 'e fá a mammá...
Lazzarè!...

Ma Lazzarella comme si!?
tu a me mme piace sempe 'e cchiù,
e vengo apposta pe' t''o ddí,
vicino â scola d''o Gesù...
Tu invece mme rispunne: "Eggiá,
io devo retta proprio a te...
Pe' me ll'ammore pó aspettá,
che n'aggi'a fá?...nun fa pe' me!..."

Ah, Lazzarella!
ventata 'e primmavera...
Quanno passe tutt''e mmatine,
giá te spiecchie dint''e vvetrine,
sulo nu cumplimento te fa avvampá...
Ma Lazzarella comme si,
tu nun mme pienze proprio a me,
e ride pe' mm''o ffá capí
ca perdo 'o tiempo appriess'a te!


Mo vène nu studente
'nnanz'â scola d''o Gesù,
te va sempe cchiù stretta
'a camicetta a fiore blu...
te piglie quatto schiaffe
tutt''e vvote ca papá,
te trova nu biglietto
ca te scrive chillu llá...
Lazzarè!...

Ma Lazzarella comme si,
ce si' caduta pure tu...
Ll'ammore nun te fa mangiá
te fa suffrí, te fa penzá...
Na sera tu lle dice : "No"
ma si nu vaso te vò dá
faje segno 'e "sí", senza parlá...

Ah, Lazzarella,
'o tiempo comme vola:
Mo te truove tutt''e mmatine,
chino 'e lacreme stu cuscino...
Manco na cumpagnella te pò aiutá!
Ma Lazzarella comme si'!?
Te si' cagnata pure tu...
e te pripare a di' stu "Sí",
ma dint''a cchiesa d''o Gesù!
-------------------------------------------

LILI' KANGY Lilì Kangy

Mo nun só' cchiù Cuncetta,
ma só' Lilí Kangy,
sciantosa prediletta,
avite voglia 'e dí!

Quanno mme ribbuttaje,
e chi v''o ppò cuntá?
'A gente mme menaje
mazzette 'nquantitá...

Chi mme piglia pe' Frangesa,
chi mme piglia pe' Spagnola,
ma só' nata ô Conte 'e Mola,
metto 'a coppa a chi vogl'i'...

Caro Bebé,
che guarde a fá?
io quanno veco a te
mme sento disturbá!

II

Tre sòre piccerelle,
vènono appriesso a me...
e fanno 'e stelletelle
pe' dint'a sti cafè...

Ma i' sóngo 'a vera stella
d'ogne cafè sciantá:
sulo cu na resélla,
ve faccio cunzulá!

Chi mme piglia pe' Frangesa,
................................................

III

A 'e vvote, 'ncopp''o foglio,
sento parlá 'e Lilí...
Io leggo, ma mme 'mbroglio:
che vuó' arrivá a capí?

Ma chesto nun mme 'mporta:
s'ha da sapé abballá...
Basta ca 'a veste è corta,
tutto se pò aggiustá!

Chi mme piglia pe' Frangesa,
................................................

L'ULTIMO EMIGRANTE
arrivano d"o mare
e' dint'all'uocchie terre
assaje luntane
nun portano bandiere
ma sulo 'na speranza
dint'o core
'e quanno veco
a tutte chesta gente
me pare 'e vedè
a mme tant'anne fa
lassavo'o sole
'e napule chíagnenno
america cercavo'a verità.
tu ca si stato
ll'urdemo emigrante
me lle 'mparato tu sta verità
sultanto dìo po
giudicà 'sta gente
c'a niente'nce rimasto pe campà
tu ca si stato
ll'urdemo emígrante
pe tutto'o munno
'a voce 'e sta città
mo'sta voce canta sulamento
pe chi ancora cerca 'a liberta'
'a voce pe sunnà
si tu papà…………….
'na varca è ciente storie
pe chesta gente
america sta ccà
s'astregnene 'e criature
mentre'a iuntano
'a terra s'avvicina
e'vuje ca giudicate facilmente
cercatela dint'o core a verita'
pecché guardammo
è nun facimmo mente
chesta e' 'na storia
'e tantu tiempo fa....


LL'ADDIO L'ADDIO



Che mm'hê purtata a fá cu te stasera?
T''avevo ditto: "Che mme puorte a fá?"
I' tengo 'a faccia janca cchiù d''a cera
e tu nun tiene 'a forza 'e mme parlá...

Pusilleco!
Mandulinata 'e Napule
sunata da 'e ssirene...

Che mm'hê purtata a fá 'ncoppo Pusilleco,
si nun mme vuó' cchiù bene?!

II

'O ssaccio, nun si' tu, ninno mio d'oro:
è 'o core tujo ca nun mme cura cchiù...
Ma nun avé paura ca, si moro,
io nun 'o ddico ca si' stato tu!

Pusilleco!
Mandulinata 'e Napule
sunata da 'e ssirene...

Che mm'hê purtata a fá 'ncoppo Pusilleco,
si nun mme vuó' cchiù bene?!


----------------------------
LL'ARTE D''O SOLE



Chistu core è masto 'e forgia:
sempe 'nfacci'â furgetella,
ména 'o mántece e martella,
pe' nu core 'a 'ncatená.

Ma però stu core è tuosto,
è n'acciaro cunsistente,
ca martiello e fuoco ardente
nun ce pònno faticá.

'Sta canzone vène a te...
'Sta canzone vène a te...
Catarina, Catarí'...
Catarina, Catarí'...
Voglio fá ll'arte d''o sole,
Voglio fá ll'arte d''o sole,
pe' fá chello ca dich'i',
pe' fá chello ca dich'i'!...

II

Chistu core, 'a masto 'e forgia,
s'è 'mparato giuilliére...
ca vò' fá n'aniello a féde,
pe' na nénna 'a mmaretá...

Ma pe' fá st'aniello a féde,
n'ata mano nce vurria
ca strignesse 'a mana mia...
e 'sta mana 'aggi''a truvá!

'Sta canzone vène a te...
.......................................

III

Chistu core 'a giuilliere,
mo vò' essere pittore,
pe' pittá na scena 'ammore...
e 'o suggetto è chistu ccá:

Na brunetta ca mm'abbraccia
'mmiez'ê sciure prufumate...
E, cu ll'uocchie appassiunate,
s'abbandona 'ncuoll'a me!.

'Sta canzone vène a te...
.......................................

LO CARDILLO Il cardellino

Stó' criscenno no bello cardillo...
quanta cose ca ll'aggi''a 'mpará:
Ha da ire da chisto e da chillo,
li 'mmasciate isso mm'ha da portá!...
Siente ccá bello mio: llòco 'nnante,
nc'è na casa, na nénna nce sta,
tu la vide ca nun è distante:
chella nénna haje da ire a trová!

II

Si la truove ca stace dormenno,
pe' na fata, gué, non la pigliá...
No rommore non fá co' li ppenne...
gué, cardí', tu ll'aviss''a scetá!?
Si affacciata po' sta a lo barcone,
pe' na rosa ll'aviss''a pigliá?
Gué, cardí', vi' ca llá tu te stuone...
va' vatténne cardí', nn''addurá!...

III

Si la truove ca face ll'ammore,
'sto cortiello annascùnnete ccá...
'Nficcancillo deritto a lo core
e lo sango tu mm'haje da portá...
Ma si penza...vatté' chiano chiano,
zitto zitto te nce haje da azzeccá,
Si afferrá po' te vò' co' la mano,
priesto 'mpietto tu ll'haje da zompá...

IV

Si te vasa o t'afferra cianciósa,
tanno tu ll'haje da dire accossí:
"Lo patrone pe' te non reposa...
poveriello, pecché ha da morí?"
T'accarezza, te vasa...ah, viato
cchiù de me tu si' certo cardí'...
Si co' tico cagnarme mm'è dato,
voglio, doppo, davvero morí!

---------------------------
Luna caprese
Ohéee!...
Cu me cantate 'sta canzone...
vuje ca suffrite 'e ppene de ll'ammore...
Capre,
ve pò 'ncantá cu na parola...

Só accumparute 'e stelle a primma sera,
tutta Tragára luce 'mmiez'ô mare...
na fascia 'argiento sott''e Faragliune
e nu mistero 'int'a 'sta notte chiara.
Notte 'e silenzio e i, mo, chesta canzone,
cantá vulesse a chi mm'ha affatturato...

Tu, luna luna tu, luna caprese,
ca faje sunná ll'ammore a 'e 'nnammurate...
adduorme a nénna mia ca sta scetata
e falla 'nnammurá cu na buscía.
Tu, luna luna tu, luna busciarda,
famme passá sti ppene 'e gelusia
e fa' ca nénna fosse tutt''a mia...
Tu, luna luna tu...Luna caprese!...

E mo ca pure 'o mare s'è addurmuto
e 'e nnuvole, li stelle, hanno stutato,
dint'a sti bbracce meje, passione amara,
io te vurría tené cu nu respiro...
Ma è inutile, è destino, ca stu core,
canta surtanto pe' chi dice no!

Tu, luna luna tu, luna caprese,

--------------------------------------

LUNA NOVA LUNA NUOVA



La luna nova, 'ncopp'a lu mare,
stènne na fascia d'argiento fino...
Dint'a la varca, lu marenaro,
quase s'addorme cu 'a rezza 'nzino...

Nun durmí, scétate, oje marená',
vótta 'sta rezza, penza a vucá!...

Nun durmí, scétate, oje marená',
vótta 'sta rezza, penza a vucá!...

II

Dorme e suspira stu marenaro,
se sta sunnanno la 'nnammurata...
Zitto e cujeto se sta lu mare,
pure la luna se nc'è 'ncantata...

Luna d'argiento, lass''o sunná,
vásalo 'nfronte...nun 'o scetá!...

Luna d'argiento, lass''o sunná,
vásalo 'nfronte...nun 'o scetá!...

III

Comm'a nu suonno de marenare,
tu duorme, Napule, viata a te...
Duorme ma, 'nzuonno, lacreme amare,
tu chiagne Napule, scétate scé'!

Puózze na vota resuscitá!...
Scétate scé', Napule Na'!...

Puózze na vota resuscitá!...
Scétate scé', Napule Na'!...

------------------------------------

LUNA ROSSA Luna rossa

Vaco distrattamente abbandunato...
Ll'uocchie sott''o cappiello annascunnute,
mane 'int''a sacca e bávero aizato...
Vaco siscanno ê stelle ca só' asciute...

Fischio.........................

E 'a luna rossa mme parla 'e te,
Io lle domando si aspiette a me,
e mme risponne: "Si 'o vvuó' sapé,
ccá nun ce sta nisciuna..."
E i' chiammo 'o nomme pe' te vedé,
ma, tutt''a gente ca parla 'e te,
risponne: "E' tarde che vuó' sapé?!
Ccá nun ce sta nisciuna!..."

Luna rossa,
chi mme sarrá sincera?
Luna rossa,
se n'è ghiuta ll'ata sera
senza mme vedé...

E io dico ancora ch'aspetta a me,
for''o barcone stanott'ê ttre,
e prega 'e Sante pe' mme vedé...
Ma nun ce sta nisciuna...

II

Mille e cchiù appuntamente aggio tenuto...
Tante e cchiù sigarette aggio appicciato...
Tanta tazze 'e café mme só' bevuto...
Mille vucchelle amare aggio vasato....

Fischio.........................

E 'a luna rossa mme parla 'e te,
...................................................

LUSINGAME



Forse sarrá stu cielo chino 'e stelle,
Maria, Marí'!
Forse sarranno st'uocchie accussí belle,
Maria, Marí'!
Forse è ll'ammore
ca mm'hê miso 'int''o core
ma io nun ce credo
ca tu mme vuó' lassá!

Tu nun 'o ssaje
ca mme staje dint''e vvéne...
Si te ne vaje,
nun pòzzo cchiù campá...

Lusíngame n'atu ppoco
fallo stutá stu ffuoco
ca, dint''o core,
mm'hê appicciato tu!
Si te ne vaje,
'o ssaje ca mme ne moro...
Lusíngame n'atu ppoco
ca, senza st'uocchie tuoje,
nun campo cchiù!

II

Che fa si 'e vase tuoje ll'hê date a n'ato?...
Maria, Marí'...
Io sóngo sempe 'o primmo 'nnammurato!...
Maria, Marí'...
Tu si' d''a mia,
dimme chesta buscía,
dimmélla ancora,
però nun mme lassá...

Tu nun 'o ssaje



Continua

Edited by Pulcinella291 - 28/9/2008, 10:33

M

MA VE PARE, VE PARE, VE PA'



Tengo na moglie bella,
ve giuro bella assaje...
ma aggio passato 'o guajo:
è sorda!...e ch'aggi''a fá?!
Io grido, parlo forte,
ma chella nun mme sente
e nun capisce niente...
mme fa ascí pazzo a me!

Si lle cerco na presa 'e cugnacca,
ci credete?
Chella 'a piglia pe' mala parola,
ci pensate?!
Se le chiedo una tazza di latte,
chella scenne e mm'accatte 'e buatte!...
Si lle dico: "Maria, faccio 'o pazzo!..."
Chella piglia e se mette a alluccá:
"Mascalzone, cretino, sporcone...
tu che gesto indecente vuó' fá?!"

Ma ve pare, ve pa'...
ma ve pare, ve pa'...
ma ve pare ca io pòzzo campá?!

Cu na moglie che è sorda e cretina,
io mi sparo alle sette domani mattina...

II

A 'e vvote mi ritiro,
e busso, busso forte...
ma resto for'â porta
mez'ora a tuzzuliá...
Io levo 'o campaniello
e, in questa settimana ,
ce metto na campana!...
si no comm'aggi''a fá?!

L'altro giorno parlando di pranzo,
ci credete?
Si decise per pasta e fagioli...
mi capite?
"E va be' - disse lei - sará fatto...
ma che vuó' pe' secondo piatto?"
Io dicette: "Marí' voglio 'e ppizze!..."
chella piglia e risponne: "Pasquá',
son tua moglie e tu sei il mio padrone..."
Mme sorride e mme vène a abbracciá...

Ma ve pare, ve pa'...
ma ve pare, ve pa'...
ma ve pare ca io pòzzo campá?!...

Cu na moglie ch'è sorda e cretina,
io mi sparo alle sette domani mattina!

III

P''a radio, l'altro giorno,
suonavano ll'Otello...
Essa dicette: "E' bella
'sta musica 'e Zazá!..."
Al tempo della guerra,
tutt''e bumbardamente,
non ha sentito niente!...
Ah, che felicitá!

Se le dico il tuo far non mi garba,
ci credete?
Chella porta 'o penniello p''a barba,
ci pensate?!
Si lle dico: "Mi serve un dottore..."
chella scenne e mme chiamma 'o pittore...
Si le dico: "Marí' voglio 'allésse!..."
Quella scema, cretina, mi dá
una cosa che io non ho chiesto
e pe' forza mme ll'aggi''a pigliá!...

Ma ve pare, ve pa'...
ma ve pare, ve pa'...
ma ve pare ca io pòzzo campá'?!

Cu na moglie che è sorda e cretina,
mi sparo alle sette domani mattina...

Ma ve pare, ve pa'...
ma ve pare, ve pa'...
ma ve pare ca io pòzzo campá'?!

Cu 'sta sorda ca sta sempe attorno,
io mi sparo alle sette domenica al giorno...

Ma ve pare, ve pa'...
ma ve pare, ve pa'...
ma ve pare ca io pòzzo campá'?!

Cu na moglie ca soffre 'e stu male,
io mi sparo alle sette 'a vigilia 'e Natale...

Ma ve pare, ve pa'...
ma ve pare, ve pa'...
ma ve pare ca io pòzzo campá'?!

Cu na moglie dal timpano duro,
io mi sparo a novembre dell'anno venturo...

--------------------------------------------

MADAMA CHICHIERCHIA



'Ncopp''o vico Sergente Maggiore
ce sta 'e casa Madama Chichierchia...
E' nu tipo ch''ha fatto furore:
'e giurnale, ll'ha fatte parlá!...

'O marito, 'on Filippo Cupierchio,
'o negozio, 'o teneva a Tulèto...
e nun ghiéva né annanze e né arreto:
'a Chichierchia 'o facette fallí!

Madama Chichierchia 'a ccá,
Madama Chichierchia 'a llá ...
diente 'mmocca nun tene cchiù
e vò' ancora 'o zùchetezù...

Madama Chichierchia 'a ccá,
Madama Chichierchia 'a llá...
pile 'ncapa nun tène cchiù
e vò', a forza, 'o zùchetezù!...

II

'Sta Madama n'ha fatto tulette:
feste, balle, triate, carrozze...
chelli ggamme hanno fatto zumpette,
se n'ha sciso cannuole e babá!

E mo tène nu cuófano d'anne,
e vulesse fá ancora 'a ragazza:
se 'nfarina, s'alliscia e 'mpupazza...
e va a caccia d''e belli garson!

Madama Chichierchia 'a ccá,
..............................................

III

N'anno fa, steva proprio 'mpalicco
chella 'mpesa 'e madama arruzzuta...
ma murette nu zio straricco...
e Chichierchia turnaje a saglí.

'O marito è ciuncato cu 'e ggamme...
e Madama ha truvato 'e cascante...
Essa 'o ppiglia a muneta cuntante,
ma 'e cuntante...c''e ffanno cacciá!

Madama Chichierchia 'a ccá,
..............................................

MAGGIO, SI' TU!



Maggio, si' tu!
ca st'aria doce vaje prufumanno...
Quanta canzone faje cantá a doje voce!
Quanta suspire io manno!

Mme faje murmuliá
tutt''e ccanzone amate
pecché tu viene e dice:
"'E 'nnammurate
hann''a cantá!"

Hann''a cantá...
ca pure Ammore
passa e nun more!
E chi ha vuluto bene,
se sente, dint''e vvéne,
cchiù ardente 'a giuventù:
Maggio, si' tu!

II

Maggio, si' tu!
ca mme truvaste cu 'o core 'e gelo;
ma quanta rose attuorno mme purtaste,
e quanta stelle 'ncielo!

Turnaje a suspirá
pe' chi fuje tanta 'ngrata...
"Ah - lle dicette - t'aggio
sempe amata
e pure mo..."

E pure mo,
tutt'è turnato
comm'è passato...
Sento ch''a voglio bene:
tu ffuoco, dint''e vvéne,
è fuoco 'e giuventù:
Maggio, si' tu!

III

Maggio, e pe' te
mme stó' facenno cchiù mateniero:
rose e viole a ll'alba stó' cuglienno
comm'a nu ciardeniere...

Tu mme faje suspirá
'mmiez'ê ciardine 'nfiore:
"Si tuttecosa torna,
pure Ammore
ha da turná!..."

Ha da turná!
Ll'aggiu chiammato,
ll'aggio aspettato...
E mo, ch''a voglio bene,
mme sento, dint''e vvéne,
cchiù ardente 'a giuventù:
Maggio, si' tu!

----------------------------------

Malafemmena

Si avisse fatto a n'ato
chello ch'hê fatto a me,
st'ommo t'avesse acciso...
e vuó sapé pecché?
Pecché 'ncopp'a 'sta terra,
femmene comm'a te,
nun ce hann''a stá pe' n'ommo
onesto comm'a me...

Femmena,
tu si na malafemmena...
a st'uocchie hê fatto chiagnere,
lacreme 'e 'nfamitá...

Femmena,
tu si peggio 'e na vipera,
mm'hê 'ntussecato ll'ánema,
nun pòzzo cchiù campá...

Femmena,
si doce comm''o zzuccaro...
peró 'sta faccia d'angelo,
te serve pe' 'nganná!

Femmena,
tu si 'a cchiù bella femmena...
te voglio bene e t'odio:
nun te pòzzo scurdá...

Te voglio ancora bene,
ma tu nun saje pecché...
pecché ll'unico ammore
si' stato tu pe' me!...
E tu, pe' nu capriccio,
tutto hê distrutto oje né'...
Ma Dio nun t''o pperdona
chello ch'hê fatto a me...

Femmena,
------------------------------------

MALEPENZIERO

Nziem'ê ricorde 'e na passione antica
ca nun mme vò' lassá...
e nun mme pò lassá...
Tu mm'accumpagne a ll'angolo 'e stu vico
pe' farme 'o core spezzá...
pe' farme ancora danná.

Vatténne...vatténne,
malepenziero!...
Nun è overo ch'è busciarda,
nun è overo ca mme perde...
tu nun dice 'a veritá!
Vatténne...vatténne,
penziero mio!...
Si mm''o ddice chistu core
ch'è na femmena sincera,
tu pecché mme vuó' 'nganná?

Nisciuno
stu bbene mio se pò spiegá...
Stu bbene,
ca manco tu puó' 'mmaginá!
Vatténne...vatténne,
malepenziero!...
ca si perdo 'o bbene sujo,
perdo pure 'a vita mia...
Chella nun mme pò lassá!

II

Io t'accumpagno, oje core, n'ata sera...
ma 'e te che ne sarrá?
'E nuje che ne sarrá?...
Si nun se sbaglia stu malepenziero,
ca nun mme fá cchiù campá,
dimmello comm'aggi''a fá?

Vatténne...vatténne,
malepenziero!...
Nun è overo ch'è busciarda,
.............................................

MALINCONICO AUTUNNO
Erano verde...
erano verde 'e ffronne.
E mo, só' comm''e suonne perdute...
e mo, sóngo ricorde 'ngiallute...
Dint'a chest'aria 'e lacreme
'e stó' guardanno...
Cu 'o viento se ne vanno
pe' nun turná maje cchiù...

Malinconico autunno,
staje facenno cadé
tutt''e ffronne d''o munno
sulamente pe' me...
Chi mm'ha lassato pe' nun turná,
chisà a che penza...chisà che fa...
Ammore mio,
nun só' stat'io...
si' stata tu!...
Pecché?...Pecché?...
Malinconico autunno,
staje chiagnenno cu me...
Tutt''e ffronne d''o munno
staje facenno cadé...

II

Dint'a 'sta villa,
ll'aspetto fin'â sera,
vicino a 'sta ringhiera, penzanno
a 'e ccose ca diceva giuranno...
Mme pare ancora 'e sèntere:
"Si' 'a vita mia...
'Sta vita che sarría
s'io nun tenesse a te!?"

Malinconico autunno,
...................................

Finale:

Chi mm'ha lassato pe' nun turná,
chisà a che penza...chisà che fa...
Ammore mio,
nun só' stat'io...
si' stata tu!...
Pecché?...pecché?...

Malinconico autunno,
a chest'ora addó' sta?...
-------------------------------

MALIZIUSELLA

Pecché mm'arruobbe 'o core?
pecché, Maliziusè'?
P''e capille cchiù bionde d''o sole,
pe' chist'uocchie cchiù belle d''o mare,
pe' 'sta vocca cchiù rossa d''o ffuoco...
nun dormo cchiù!


Maliziusella, tu si' 'a vita mia,
pe' te io moro...moro 'e gelusía...
e si' trasuta
chianu, chianu, chianu, chianu, chiano,
dint''o core...
Maliziusella, tu faje 'a capricciosa,
pecché si' bella...bella cchiù 'e na rosa...
pecché hê capito
ca io voglio bene, bene, bene,
sulo a te!
Maliziusella, damme 'sta vucchella
e io te dóngo 'o cielo chino 'e stelle...
Pe' nu vasillo doce, doce, doce,
tu mme faje 'mpazzí!...
Nu turmiento, turmiento, turmiento, turmiento
d'ammore, d'ammore, d'ammore,
mm'hê datu tu....
cu nu male ca fa suffrí.
Chistu core malato, malato, malato
d'ammore, d'ammore, d'ammore,
mme faje murí...
aspettanno ca dice sí!
--------------------------------

MAMMA ADDO' STA?



Assunta! Rafiluccio! Reginella!
Salvaturiello mio, mo si' cuntento?
Ninuccia! Uh, Dio comme s'è fatta bella!
Ll'aggio avvistata 'a copp''o bastimento...
Tutte vicino a me...nun mme lassate...
ve guardo e nun mme sazio 'e ve guardá...
Diece anne, diece secule só' state:
I' nun vedevo ll'ora 'e riturná!

.....................................
Mamma addó' sta?
Pecché nun è venuta?
Povera vicchiarella!...
Mm'ha mannato a cercá na cullanella
e i' nce ll'aggio purtata:
'A cullana sta ccá!
.............................
Mamma addó' sta?

II

Io mm''a sunnavo sempe addenucchiata,
'a vicchiarella mia, 'nnanz'â Madonna...
Ma vuje ll'avite sempe rispettata?
Vuje site state sempe attuorno â nonna?
Ma, grazie a Dio, mo nun lle manca niente,
pò fá 'a signora, povera mammá...
E ghiammo e nun chiagnite, alleramente...
stasera nce vulimmo scapricciá!

..............................
Mamma addó' sta?
Pecché nun s'è affacciata?
Chiammáte 'a vicchiarella!...
Songh'io! Songh'io! Mammá! Mamma mia bella!
Songh'io ca só' turnato...
Ve vulite affacciá?!...
..............................
Mamma addó' sta?

III

Mamma addó' sta? Nisciuno mme risponne?
Tuttuquante cu 'e ffacce comm''a cera...
Chi chiagne...Chi mme sfuje...Chi s'annasconne...
Salvaturiello cu na scolla nera...
Ah, smaledette siano chesti mmane
ch'hanno vuluto sempe faticá...
Meglio a desiderá nu muorzo 'e pane
ma 'nziem'â vecchia mia...'nziem'a mammá!

..............................
Mamma addó' sta?
Dáteme 'a vecchia mia...
Pecché só' riturnato
e 'o bastimento, no...nun s'è affunnato?...
Nun s'è perzo p''a via?!
Che só' turnato a fá?!...
Mamma addó' sta?!
----------------------------------

MAMMA MIA CHE VO' SAPE'



Quanno 'a notte se ne scenne
p'abbruciá chist'uocchie stanche,
quann'io veglio e tu mme manche...
sento 'a smánia 'e te vasá!
E te chiammo e schiara juorno,
ma è pe' ll'ate stu chiarore...
tengo 'a notte dint''o core
e nun pòzzo arrepusá...

Ah, nun mme fá murí!...
tu che ne vuó' da me?
Mamma mia mme vène a dí pecché
chesta smánia nun mme vò' lassá...
Ah, nun mme fá murí...
Tu che ne vuó' da me?
Mamma mia che vò' sapé?
Mamma mia ch'ha da appurá?
Nun mme fido d''a vasá...

II

Mamma mia, 'sta vicchiarella,
ca mme guarda pe' gulío
e andivina 'o core mio,
tale e quale comm'a te...
Mamma mia mme vène appriesso,
cu na faccia 'e cera fina,
e mme guarda e nn'andivina
chesta freva mia ched è!

Ah, nun mme fá murí...
tu che ne vuó' da me?
Mamma mia nun pò capí pecché
chesta smania nun mme vò' lassá...
Ah, nun mme fá murí...
Tu che ne vuó' da me?
Mamma mia te sape a te
comm'a n'angelo 'e buntá...
Mamma mia ch'ha da appurá?!

-------------------------------------

MAMMA PERDONAME



Mamma che faticave 'e nnotte sane
'nnanz'a nu lume pe' mme dá a mangiá...
'E vierno te gelave 'o core e 'e mmane...
e io stevo 'int''a cantina a mme spassá...
E pretennévo 'a te lusso e denare,
e quanno tu nun mm''e pputive dá,
te n'aggio date pene e morze amare...
te n'aggio fatto lacreme asciuttá.

Mamma,
mamma perdoname
pe' tutt''o mmale ch'aggio fatto a te...
Famme sentí 'sta mana benedetta
che mm'accarezza e tremma 'nfacci'a me...

Mamma...
Mamma perdoname!

II

Si quacche vota nun mme retiravo,
'o core se spezzava 'mpiett'a te...
E io ch''o vvedevo, ca mme n'addunavo...
facevo sempe finta 'e nn''o ssapé...
E, pe' na scellerata traditora,
ca tu chiagnive pe' mm''a fá lassá,
io te dicette, (mm''o rricordo ancora),
ca tu nun ire degna d''a guardá!

Mamma,
mamma perdoname...
......................

III

Mo staje malata, staje malata assaje...
e chistu figlio tutto 'nfamitá
ca, in vita soja, nun ha pregato maje,
mo chiagne e prega pe' te fá saná.
E ogge stesso, vicchiarella mia,
stu figlio malamente saje che fa?
Lassa 'a cantina e 'a mala cumpagnia
e torna, onestamente, a faticá...

Mamma,
mamma perdoname...
penza ca io tengo sulamente a te...
Pecché 'sta mana fredda mm'abbandona?...
Pecché tu 'nzierre ll'uocchie...ma pecché!?


(Un grido)

Mamma!...
Mamma perdoname!...
-------------------------
MANDULINATA 'E LL'EMIGRANTE



Quanta miglia ha fatto 'o bastimento!...
sóngo giá tante ca nisciune 'e cconta...
E n'arpeggio doce porta 'o viento:
E' na canzone mentre 'a luna sponta...

Si' tu, si' tu,
cittá d''e manduline...
d''a giuventù,
d''e suonne, d''e ciardine...
Si' tu ca t'avvicine,
a nuje triste e luntane,
quanno 'e ccanzone
ce parlano 'e te!...

II

Stanno zitte e mute ll'emigrante:
só' mutive ca ogne core 'e ssente...
Nun è na canzone, ne só' ciento...
danno 'a bona nova a tutt''e viente...

Si' tu, si' tu,
cittá d''e manduline...

-----------------------------
MANDULINATA A NAPULE Serenata a Napoli



Sera d'está! Pusilleco lucente
canta canzone e addora d'erba 'e mare...
Voglio 'e pparole cchiù d'ammore ardente,
voglio 'e pparole cchiù gentile e care
pe' dí "te voglio bene" a chi mme sente.

Ma d''e pparole cchiù carnale e doce,
ne sceglio sulo tre: "Te voglio bene..."
Bella, 'int''o core tujo sacc'io chi tiene...
chi sta int''o core mio saje pure tu...

P''o mare 'e Napule
quant'armunia!
Saglie 'ncielo e, 'ncielo, sentono,
tutt''e stelle, 'a voce mia:
voce, ca tènnera,
st'ammore fa.

II

Notte d'está! Se só' addurmute 'e ccase...
e 'o cielo, a mare, nu scenario ha stiso!
Staje 'mbracci'a me, 'nnucente só' sti vase...
Bella, stanotte, te só' frato e sposo...
Stanotte, Ammore e Dio, sóngo una cosa...

Canta: e da 'o suonno Napule se sceta...
ridono 'e vvocche ca se só' vasate...
tutt''e suspire 'e tutt''e 'nnammurate,
suspirano, stanotte, attuorno a te...

P''o mare 'e Napule
.................................

MANNAGGIA A TE


Mannaggia! Pecché t'aggi''a vulé bene?
Mannaggia tutt''e vase ca mm'hê dato!
Ca si nun te 'ncuntravo,
e nun mme 'nnammuravo,
nun stesse notte e ghiuorno a penzá a te...

Pe' te,
aggio perzo 'o surriso,
mme mancano 'e vase
ca tu dive a me...

Pe' te,
passo 'e nnotte scetáto...
mme sento malato...
e malato só' 'e te.

Destino!
Ma che bruttu destino...
Stu bbene,
è n'inferno pe' me!

Pe' te,
io mme sento ascí pazzo...
e guardá cchiù nun pòzzo,
chi bene mme vò'...

Faccio tutto pe' te...
campo e moro pe' te...
Mannaggia a te!

II

Io ca nun aggio maje vuluto bene,
nce só' caduto comm'a nu guaglione...
mme sóngo 'nnammurato
'e te ca si' sbagliata...
ma voglio sulo a te...mannaggia a te!

Pe' te,
aggio perzo 'o surriso...
e mme mancano 'e vase
ca tu dive a me...

Pe' te,
passo 'e nnotte scetáto...
mme sento malato
e malato só' 'e te...

Destino!
Ma che bruttu destino...
stu bbene,
è n'inferno pe' me...

Pe' te,
io mme sento 'ascí pazzo
e guardá cchiù nun pòzzo
chi bene mme vó'...

Faccio tutto pe' te...
campo e moro pe' te...
Mannaggia a te!

..........................

Faccio tutto pe' te...
campo e moro pe' te...
Mannaggia a te!!!

-------------------------
MANNAGGIA A TE CHE TE arrubate o core
Mannaggia a tte ca te arrubbato 'o core
e mo stò mmale pè tte
me vote e giro e nun m'addormo ancora
stò appiccecato cu mme

Mannaggia a tte ca te arrubbato 'o core
e mò nun penso ca a tte
pecchè 'e penziere mie te vonno ancora
stanno scetate cu mme

E tecerco, te trove, te perdo,
sì nu fantasma ca stà dinta mme
e staje tu dinta tutte mumente
sò triste e cuntento c'appartengo a tte

Mannaggia a tte ca te arrubbato 'o core
e 'nnammurato sò 'e te
quanno me lasse te vulesse ancora
ma io che songo pè tte
sò 'nammore ca nasce e fernesce
nu lietto sfatto 'a luce 'e n'abat-jour
'na buscia, nu capriccio, 'na storia,
'na goccia 'e piacere ca te puorte tu.

...E pò me lasse sotte nnuvole
cchiù dobole, cchiù fragile
e dopp e te me sento inutile
'na vita senza nascita
e pò addeviente irraggiungibile
'int russo 'e n'automobile
e io me sento nu giocattolo
ca nun te piace cchiù

Mannaggia a tte ca te arrubbato 'o core
e mò stò male pè tte
io nun te credo e pò credo ancora
e faccio pace cu mme...

E te parlo annascuso da notte
cù 'a voce stanca, 'e chi nun ce 'a fà cchiù
quanno vuò, truove mille mumente,
me vesto scennenno, pè venì addò te.

...ma tu me lasse sotte nnuvole


MARE VERDE

Nun è campagna è mare, mare verde:
nu golfo d'erba, na scugliera 'e fronne,
ca luntano se perde
sott''o cielo d'está...

E pe' stu mare verde senza fine,
suonno d''a vita mia,
cchiù carnale e gentile
tu cammine cu me...
Ll'ombra te veste ma te spoglia 'o sole:
si' d'oro comm''o ggrano...
Tremmanno 'e passione
t'astregno sti mmane...
e 'o mare verde,
ce 'ncanta e ce perde,
abbracciáte accussí...

II

Dorme nu bosco e canta na surgente...
Sisca nu treno sott'a na muntagna...
Va sbarianno cu 'o viento,
na palomma ccá e llá...

E pe' stu mare verde....
......................................

Finale:

E ce perdimmo pe' stu mare verde...
Stu mare verde.....
------------------------------------

Marechiaro (A)

Quanno spónta la luna a Marechiaro,
pure li pisce nce fanno a ll'ammore...
Se revòtano ll'onne de lu mare:
pe' la priézza cágnano culore...

Quanno sponta la luna a Marechiaro.

A Marechiaro ce sta na fenesta:
la passiona mia ce tuzzuléa...
Nu garofano addora 'int'a na testa,
passa ll'acqua pe' sotto e murmuléa...

A Marechiaro ce sta na fenesta....

Chi dice ca li stelle só lucente,
nun sape st'uocchie ca tu tiene 'nfronte!
Sti ddoje stelle li ssaccio i' sulamente:
dint'a lu core ne tengo li ppónte...

Chi dice ca li stelle só lucente?

Scétate, Carulí, ca ll'aria è doce...
quanno maje tantu tiempo aggi'aspettato?!
P'accumpagná li suone cu la voce,
stasera na chitarra aggio purtato...

Scétate, Carulí, ca ll'aria è doce
----------------------------------------
MARGELLINA


Na rezza torna e parte na canzone
quanno na mana ajuta n'ata mana...
E manna, manna, manna,
stu mare quanno aónna
e dice: Mo cuntento te puó' stá,
marená'...

Margellina, Margellina
d''e marenare,
d''e pparanze sott''o sole,
d''e vvoce a mare...
Pe' tutt''e ccoppie abbracciate
che saje fá...
che saje fá...
Chi ll'affitta sti vvarche a ll'ammore,
si' tu Margellina
d''e marenare...

II

Corrono 'e vvarche addó' s'affonna 'a luna,
a nomme 'e Mamma bella d''a Catena!
Se ménano 'int''e vuzze,
se fermano 'int''e rrezze,
stelle ca só' cadute pe' chiammá:
Marená'!

Margellina, Margellina
d''e marenare.........
...............................

Finale:

Varca...Varca...Varca...Varca!...
Pure ll'ùrdema coppia ch'è scesa
se sta pe' 'mbarcá...
Margellina d''e marenare!


--------------------------------

Maria - Marì! Maria, Maria

Arápete fenesta!
Famme affacciá a Maria,
ca stóngo 'mmiez'â via...
speruto d''a vedé...

Nun trovo n'ora 'e pace:
'a notte 'a faccio juorno,
sempe pe' stá ccá attuorno,
speranno 'e ce parlá!

Oje Marí, oje Marí,
quanta suonno ca perdo pe' te!
Famme addurmí,
abbracciato nu poco cu te!
Oje Marí, oje Marí!
Quanta suonno ca perdo pe' te!
Famme addurmí...
oje Marí, oje Marí!

'Mmiez'a stu ciardeniello,
ce ride 'a malvarosa...
Nu lietto 'e fronne 'e rosa
aggio fatto pe' te...

Viene che 'a notte è doce,
'o cielo ch'è nu manto...
Tu duorme e io te canto
'a nonna a fianco a te...

Oje Marí, oje Marí,
.................................

Pare che giá s'arape
na sénga 'e fenestella...
Maria cu 'a manella,
nu segno a me mme fa!

Sòna chitarra mia!
Maria s'è scetata!...
Na scicca serenata,
facímmole sentí:

Oje Marí, oje Marí,
--------------------------
MARIANNI'



T'aggio ditto tanta vote:
nun fá 'ammore cu pumpiere,
só' na matta de 'mbrugliére...
Gué, te lassa e se ne va,

Marianní', sciasciona mia,
gué nun farme cchiù sperí....

II

Quanno jèsce da 'o quartiere,
co' la sciabolella a lato,
cu 'o bonetto ammartenato...
nèh, lassátelo passá!

Marianní', sciasciona mia,
.........................................

III

T'aggio ditto tanta vote:
nun fá 'ammore cu 'o surdato...
na partenza cchiù de n'ata...
gué, te lassa e se ne va...

Marianní', sciasciona mia,
.........................................

IV

Nèh, chiammate a mamma mia:
mm'è venuta 'a passione...
mo te mange lu limone...
te lo mange mo pe' mo...

Marianní', sciasciona mia,
.........................................

V

A lo llario d''o Castiello,
se só' fatte 'e ciardinette,
chi passéa e chi s'assètta
e chi aria va a pigliá...

Marianní', sciasciona mia,

-------------------------------
MARTELLACORE



Mm''o ddiceva mammélla mia:
Martellacore te perdarrá!
Statte attiento si arrassusia
te dicesse: "Tu mm'hê 'a spusá"...

I

Che mme ne faccio 'e te cuperta 'e raso?
Che mme ne faccio cchiù d''o lietto 'e sposa?
'O parrucchiano aspetta dint''a Cchiesa
e i' chiagno 'nnanz'a chesta casa 'nchiusa...

Dint''o core nu martiello:
ndunghe - ndunghe - ndunghe - ndá...
e nu chiuovo dint''o cerviello
dice: "Chella, nun turnarrá!"
Cuperta 'e raso,
comm'ire bella 'ncopp''o lietto 'e sposa...
..............................................................
Che mm'ha fatto stu primmo ammore!
Madonna mia scánsame tu!
Io t''o ggiuro cu tutt''o core
ca nun voglio fá 'ammore cchiù!...

II

Che mme ne faccio 'e te chitarra mia,
mo ca ce manca 'o mmeglio: 'a voce soja?
Comme ce 'ntenneréva a tutt'e duje
quanno cantava: "Nun te lasso maje!"

Dint''o core nu martiello:
.........................................


Finale:

Mm''o ddiceva mammélla mia:
"Chella 'nfama te perdarrá!"

--------------------------------

MARUZZELLA Maruzzella

Ohé!
Chi sente?
E chi mo canta appriesso a me?
ohé,
pe' tramente
s'affaccia 'a luna pe' vedé!
Pe' tutta 'sta marina
'a Pròceda a Resína,
se dice: "Guarda llá,
na femmena che fa!"

Maruzzella, Maruzzè...
t'hê miso dint'a ll'uocchie 'o mare
e mm'hê miso 'mpiett'a me
nu dispiacere...
Stu core mme faje sbattere
cchiù forte 'e ll'onne
quanno 'o cielo è scuro...
Primma me dice "sí",
po', doce doce, mme faje murí...
Maruzzella, Maruzzé'...

Ohé!
Chi mm'ajuta?
Si tu nun viene a mm'ajutá?
Ohé,
mm'è venuta
na voglia ardente 'e te vasá.
E vieneténne oje bella...
e damme 'sta vucchella
ca, pe' mm'avvelená,
'e zùccaro se fa...

Maruzzella, Maruzzè…
----------------------------

'MBRACCI'A TE



Tu!...tu nun tiene vint'anne e si' Maria:
si' 'o pprincipio 'e na rosa,
n'alba 'e maggio, na sposa 'int'a na chiesa...
e pe' te nun ce vònno raritá...

Na tazzulella 'e mare,
nu fazzuletto 'e rena,
addó' ll'acqua ca vène
sposa ll'acqua che va...
Na frangettella 'e nuvole,
na vranca 'e stelle chiare...
e io vicino a te...
core 'e stu core,
io mme sperdo e mme trovo
doce, doce, senza freve,
'mbracci'a te...
'mbracci'a te...

II

Tu!...tu nun tiene vint'anne e si' figliola:
si' 'o pprincipio 'e nu suonno,
si 'a palomma ca vola 'ncopp''o giglio...
e pe' te nun ce vònno raritá...

Na tazzulella 'e mare,

----------------------------

MICHELEMMA'



E' nata 'mmiez'ô mare,
Michelemmá, Michelemmá...

E' nata 'mmiez'ô mare,
Michelemmá, Michelemmá...

oje na scarola...
oje na scarola...
oje na scarola...
oje na scarola...

II

Li turche se nce vanno,
......................................
a reposare.

III

Chi pe' la cimma e chi,
.....................................
pe' lo streppone.

IV

Biato a chi la vence,
................................
a 'sta figliola.

V

'Sta figliola ch'è figlia,
...................................
oje de notaro.

VI

E 'mpietto porta na,
stella diana.

VII

Pe' fá morí ll'amante,
a duje a duje.
------------------------------------

MIEROLO AFFURTUNATO



A ll'acqua chiara e fresca,
a ll'acqua 'e tre funtane,
mme só' lavato 'e mmane...

E mme ll'aggio asciuttate
'e n'albero a li ffrónne
addó' canta nu miérolo cianciuso
e s'annasconne...

Miérolo affurtunato,
Viato a chi te sente!...
'Sta voce, alleramente,
sceta 'o silenzio attuorno...
e tremmano sti ffrónne
addó' canta ll'auciello apprettatore
e s'annasconne!

II

Pur'io cantavo: io pure,
cuntenta e affurtunata,
tutt''a santa jurnata...

- St'uocchie! Ah, quante só' belle!
E chesti ttrezze jónne!
- mme dicett'uno. - E 'sta faccia ca ride
e s'annasconne! -

Miérolo affurtunato,
.................................

III

Mo chiágnono cu mico
ll'arbere, ll'erba, 'e ffrónne...
e ll'eco mme risponne...

Cchiù 'sta faccia nun ride,
ma 'e lacreme se 'nfónne:
Dint'a sti mmane meje, rossa se 'nzèrra
e s'annasconne!...

Miérolo affurtunato,

--------------------------
MILLE PAZZIE
stasera nun e' o stesso
tutt 'e sere ammore mio
te leggo dint' all'uocchie
staje dicenno na buscia
e ghia' dimme che staie pazzianno
ca si' tutt 'a vita mia
pecche' si 'o dice overo
me distrugge o bene mio
so' nnammurato 'e te
tu o ssaie perdutamente
e sti buscie che dice tu
se port 'o viento
si'l'unica ragione e chesta vita mia
si' tu si' tu si' tu
io cerco sulo a te
tu o saie perdutamente
faccio mille pazzie pe te
so cose e niente
strignete forte a me
nun voglio sape' niente
pecche' so' pazzo e te
e nun m'arrenne.
vasame ancora e dimme
ca' si tutt 'a vita mia
e ca nisciuno t'arrubbat
a dint 'o core mio
e senza te muresse
ogni mumento e gelusia
e tu faie finta e niente
e vuo' spezza' co core mio
so' nnammurato 'e te
tu o ssaie perdutamente
e sti buscie che dice tu
se port 'o viento
si'l'unica ragione e chesta vita mia
si' tu si' tu si' tu
io cerco sulo a te
tu o saie perdutamente
faccio mille pazzie pe te
so cose e niente
strignete forte a me
nun voglio sape' niente
pecche' so' pazzo e te
e nun m'arrenne..

MIO CARISSIMO PASQUALE



Faccia senza culore,
sei bugiardo e traditore...
pe' chesto mm'hê lassato,
'nfamó'!

Doppo ca mm'hê vasato,
doppo ca t'hê arrubbato,
'e vase 'e chesta vócca...
'nfamó'!

Pe' chesto, pe' dispietto,
te manno stu biglietto
ca mme ll'ha scritto, a mano,
Don Saverio 'o sacrestano...
sientatéllo, sié':

"Mio carissimo Pasquale,
(virgola e poi da capo,)
t'hann''a spará, pe' scagno,
sott'a n'albero 'e cutogne
'o mese 'e giugno...
(punto e poi da capo...)
t'aggi''a vení a purtá
grillande 'e sciure
pecché 'o core è sempe core...
pure muorto te voglio amá!
Pascá'...
T'aggio cuntato 'o cunto...
(Punto!)"

II

Na sera, 'mmiez'ô ggrano,
mme purtaste a mano a mano...
e llá spuntaje 'a luna,
'nfamó'!
Mo sponta 'a luna e 'o sole
cu n'ati ddoje figliole...
t''e ttruove a doje a doje
'nfamó'!

Perciò te tengo 'nganna...
pe' chesto mo te manno
stu scritto indisponente...
mo t''o leggo nu mumento,
sientatéllo, sié':

"Mio carissimo Pasquale,
........................................

III

Nu juorno 'e primmavera,
venette allero allero,
e lle dicette: "Siente
'nfamó',

si tu anduvine 'o posto
addó tengo annascosta
na rosa prelibata,
t''a dó'..."

E tu ll'anduvinaste
e 'a rosa te pigliaste...
ma adesso avrai per posta
'sta proposta tosta tosta,
sientatélla, sié':
mio carissimo pasquale
Finale:

Pascá',
t'aggio cuntato 'o cunto...
Punto!
Punto!

Aaah!
-------------------------------

MM'AGGI''A CURA'



Mm'aggi''a curá...Mm'aggi''a curá:
'Mmiez'a 'sta capa,
na cosa pesante pesante mme sento...
Mi fermo qua...mi fermo lá...
e, a squarciagola,
mi metto a contare
da uno a trecento!...

E' pazzo 'o 'í!...
E' pazzo 'o 'í!...

'A gente dice: Fuíte, fuí'!...

Il viso del folle,
l'ho fatto per te;
il grugno del pazzo,
lo tengo per te...
Ho venduto trecento carrozze,
ho venduto trecento palazzi...
'A faccia d''o pazzo...
l'ho fatta per te!

Comme mme pesa 'sta capa, nèh!
Comme mme pesa 'sta capa, nèh!
Aíza!
Ched è?
Aíza!
Ched è?

'A capa mme pesa, gué!

II

Mm'aggi''a curá!...Mm'aggi''a curá!
Oggi il dottore
mi ha detto: "Mio caro, vuje state 'nguajato!
Guardáte qua...toccáte qua..."
E, aret''a capa,
na specie 'e na palla
'e tennis ha truvato...

E' tosta 'a 'í!...
E' tosta 'a 'í!...

Ah, comm'è tosta 'sta palla 'e tenní...

Il viso del folle
l'ho fatto per te...
'A capa cu 'a palla
'a tengo pe' te!
Ho venduto tre quadri e uno schizzo,
quattro penne di struzzo e un arazzo...
'A faccia d''o pazzo...
l'ho fatta per te!

Comme mme pesa 'sta capa, nèh!
.......................................................

III

Mm'aggi''a curá...Mm'aggi''a curá!
Ih, che mm'hê fatto
o donna perversa, bugiarda e spergiura!...
Che pòzzo fá?...Che pòzzo fá?
Se mi suicido,
vedendomi morto,
mme metto paura!

Mm'aggi''a spará!
- Nun te spará!... -

'A gente dice che è meglio a campá.

Il viso del folle
l'ho fatto per te!
Allora mo campo...
ch'è meglio pe' me!
Mo mme magno na sarda e na pizza,
na scamorza e na capa 'e merluzzo:
'O pranzo d''o pazzo...
lo faccio per te!

Comme mme pesa 'sta capa, nèh!
Finale:

Ched è?!...Ched è?!...
'sta capa, 'sta capa, 'sta capa
mme pesa a me!...

-------------------------------------
MME CHIAMME AMMORE



Stanotte,
stu cielo e stu mare
te fanno
cchiù bella...
Luntano,
na musica sona...
e nun mme pare overo
ca si' turnata 'mbraccio a me,
ammore mio...


Mo mme chiamme ammore e nun 'o ssaje pecché
dint''o viento si' turnata a me...
Cagnano 'e culore ll'uocchie tuoje pe' me,
tòrnano a mme 'ncantá;
ma si nun saje dicere che pienze a me,
strígneme e nun parlá:
Sí, ll'ammore nuosto è chistu ccá!
Mo dimme tu che mm'hê lassato a fá?


E si nun saje credere 'a felicitá
sònname, nun te scetá:
Sí, ll'ammore mio si' sempe tu
e i' cerco sulo 'ammore e niente cchiù!...
---------------------------------------------------

MME SO' MBRIACATO 'E SOLE



Sciure ca mme parlate 'e Primmavera,
quanno nascite vuje, mme ride 'o core...
Bello è 'o paese mio, addó' ll'ammore,
sape ca tutto ll'anno ha da cantá:

Mme só' 'mbriacato 'e sole,
mme só' 'mbriacato 'e mare,
'e ll'uocchie 'e sti ffigliole,
d''e vvarche e d''e llampare...
Mme trèmmano 'e pparole
e vuó' sapé pecché?
Mme só' 'mbriacato 'e sole...
Mme só' 'mbriacato 'e te!...

II

Sona 'a campana e dá ll'avummaria:
pace e silenzio dóce quanto maje...
Cádeme 'mbraccia e doppo, ánema mia,
cchiù sottavoce canta appriesso a me:

Mme só' 'mbriacato 'e sole
------------------------------------

'MMIEZ'Ô GGRANO In mezzo al grano

E 'a sera, sott''o pásteno
d''e mméle annurche, passa
stu core sempe gióvane
ca ride e ch'arrepassa...
E 'a luna, pazziánnose
nu ramo e n'atu ramo,
'nterra, cu 'e file d'èvera,
ricama nu ricamo...

Oje Stella, Sté'...ch'aspiette nu signale,
'o ggrano ammaturato è culor d'oro:
E sti capille tuoje só' tale e quale...
E 'o ssaje ca i' mme ne moro,
si 'mmiez'ô ggrano, nun mm''e ffaje vasá!...

II

Quanno 'e marite dòrmono,
stracque 'e fatica ancora,
ll'ammore, che sta pésole,
sceglie 'a quartata 'e ll'ora...
St'arille comme cantano
sott'a 'sta luna chiara!
E comm'addora 'o ccánapa
pe' tuorno a 'sta pagliara...

Oje Stella, Sté'...ch'aspiette nu signale,
...............................................................

III

Ma tu nun duorme: è inutile...
stu core tujo mme sente
quanno, pe' sott'a ll'albere,
passo annascostamente...
E ghiésce fore pallida,
bella comm'a nisciuna...
E 'a luna, zenniánnoce,
cufféa...'sta 'mpésa 'e luna!...

Oje Stella, Sté'...ch'aspiette nu signale,
...............................................................

Munasterio 'e Santa Chiara Monastero di Santa Chiara

Dimane?...Ma vurría partí stasera!
Luntano, no...nun ce resisto cchiù!
Dice che c'è rimasto sulo 'o mare,
che è 'o stesso 'e primma...chillu mare blu!

Munasterio 'e Santa Chiara...
tengo 'o core scuro scuro...
Ma pecché, pecché ogne sera,
penzo a Napule comm'era,
penzo a Napule comm'è?!

Funtanella 'e Capemonte,
chistu core mme se schianta,
quanno sento 'e dí da 'a gente
ca s'è fatto malamente
stu paese...ma pecché?
No...nun è overo...
no...nun ce créro...
E moro cu 'sta smania 'e turná a Napule...
Ma ch'aggi''a fá?...
Mme fa paura 'e ce turná!

Paura?...Sí...Si fosse tutto overo?
Si 'a gente avesse ditto 'a veritá?
Tutt''a ricchezza 'e Napule...era 'o core!
dice ch'ha perzo pure chillu llá!

Munasterio 'e Santa Chiara...
'Nchiuse dint'a quatto mura,
quanta femmene sincere,
si perdévano ll'ammore,
se spusavano a Gesù!

Funtanella 'e Capemonte...
mo, si pèrdono n'amante,
giá ne tènono ati ciento...
ca, na femmena 'nnucente,
dice 'a gente, nun c'è cchiù!
No...nun è overo...
No...nun ce crero...
E moro pe' 'sta smania 'e turná a Napule!
Ma ch'aggi''a fá...
Mme fa paura 'e ce turná!

Munasterio 'e Santa Chiara...
Tengo 'o core scuro scuro...
Ma pecché, pecché ogne sera,
penzo a Napule comm'era
penzo a Napule comm'è?!..

Edited by Pulcinella291 - 4/1/2010, 04:58