| La 'zoccola' per eccellenza non può che essere Reginella
Te si' fatta na vesta scullata, nu cappiello cu 'e nastre e cu 'e rrose stive 'mmiez'a tre o quatto sciantose e parlave francese...è accussí? Fuje ll'autriere ca t'aggio 'ncuntrata fuje ll'autriere a Tuleto, 'gnorsí T'aggio vuluto bene a te! Tu mm'hê vuluto bene a me! Mo nun ce amammo cchiù, ma ê vvote tu, distrattamente, pienze a me! Reginè', quanno stive cu mico, nun magnave ca pane e cerase Nuje campávamo 'e vase, e che vase! Tu cantave e chiagnive pe' me! E 'o cardillo cantava cu tico: "Reginella 'o vò' bene a stu rre!" T'aggio vuluto bene a te! Tu mm'hê vuluto bene a me! Mo nun ce amammo cchiù, ma ê vvote tu, distrattamente, pienze a me!... Oje cardillo, a chi aspiette stasera? nun 'o vvide? aggio aperta 'a cajóla! Reginella è vulata? e tu vola! vola e canta...nun chiagnere ccá: T'hê 'a truvá na padrona sincera ch'è cchiù degna 'e sentirte 'e cantá T'aggio vuluto bene a te! Tu mm'hê vuluto bene a me! Mo nun ce amammo cchiù, ma ê vvote tu, distrattamente, pienze a me!
Un altro amore finito male ed il cornuto canta :"Lacrime napulitane"
Mia cara madre, sta pe’ trasí Natale, e a stá luntano cchiù mme sape amaro…. Comme vurría allummá duje o tre biangale… comme vurría sentí nu zampugnaro!…
A ‘e ninne mieje facitele ‘o presebbio e a tavula mettite ‘o piatto mio… facite, quann’è ‘a sera da Vigilia, comme si ‘mmiez’a vuje stesse pur’io…
E nce ne costa lacreme st’America a nuje Napulitane!… Pe’ nuje ca ce chiagnimmo ‘o cielo ‘e Napule, comm’è amaro stu ppane!
Mia cara madre, che só’, che só’ ‘e denare? Pe’ chi se chiagne ‘a Patria, nun só’ niente! Mo tengo quacche dollaro, e mme pare ca nun só’ stato maje tanto pezzente!
Mme sonno tutte nnotte ‘a casa mia e de ccriature meje ne sento ‘a voce… ma a vuje ve sonno comm’a na “Maria”… cu ‘e spade ‘mpietto, ‘nnanz’ô figlio ‘ncroce!
E nce ne costa lacreme st’America
Mm’avite scritto ch’Assuntulella chiamma chi ll’ha lassata e sta luntana ancora… Che v’aggia dí? Si ‘e figlie vònno ‘a mamma, facítela turná chella “signora”.
Io no, nun torno…mme ne resto fore e resto a faticá pe’ tuttuquante. I’, ch’aggio perzo patria, casa e onore, i’ só’ carne ‘e maciello: Só’ emigrante!
E nce ne costa lacreme st’America
concludiamo la puntata odierna con una canzone allegra da cantare, ma il cui testo ci spiega il frutto di una relazione....
Tammorriata nera di Eduardo Nicolardi (con testo integrale)
Io nun capisco 'e vvote che succere e chello ca se vere nun se crere. E' nato nu criaturo, è nato niro, e 'a mamma 'o chiamma gGiro, sissignore, 'o chiamma gGiro.
Seh, vota e gira, seh seh, gira e vota, seh ca tu 'o chiamme Ciccio o 'Ntuono, ca tu 'o chiamme Peppe o gGiro, chillo 'o fatto è niro niro, niro niro comm'a cche...
S''o contano 'e cummare chist'affare sti cose nun so' rare se ne vedono a migliare. 'E vvote basta sulo 'na 'uardata, e 'a femmena è rimasta sott''a botta 'mpressiunata.
Seh, 'na 'uardata, seh seh, 'na 'mprissione, seh va truvanno mò chi è stato, c'ha cugliuto buono 'o tiro chillo 'o fatto è niro niro, niro niro comm'a cche...
E dice 'o parulano, Embè parlammo, pecché si raggiunammo chistu fatto ce 'o spiegammo. Addò pastin' 'o grano, 'o grano cresce riesce o nun riesce, semp'è grano chello ch'esce.
Meh, dillo a mamma, meh meh, dillo pure a me conta 'o fatto comm'è ghiuto Ciccio, 'Ntuono, Peppe, gGiro chillo 'o fatto è niro niro, niro niro comm'a che...
Seh 'na 'uardata seh seh 'na 'mprissione seh và truvanno mò chi è stato c'ha cugliuto buono 'o tiro chillo 'o fatto è niro niro, niro niro comm'a cche...
'E signurine 'e Caporichino fanno ammore cu 'e marrucchine, 'e marrucchine se vottano 'e lanze, e 'e signurine cu 'e panze annanze.
American espresso, ramme 'o dollaro ca vaco 'e pressa sinò vene 'a pulisse, mette 'e mmane addò vò isse.
Aieressera a piazza Dante 'o stommaco mio era vacante, si nun era p''o contrabbando, ì' mò già stevo 'o campusanto.
E levate 'a pistuldà uè e levate 'a pistuldà, e pisti pakin mama e levate 'a pistuldà.
'E signurine napulitane fanno 'e figlie cu 'e 'mericane, nce verimme ogge o dimane mmiezo Porta Capuana.
Sigarette papà caramelle mammà, biscuit bambino dduie dollare 'e signurine.
A Cuncetta e a Nanninella 'e piacevan'e caramelle, mò se presentano pe' zitelle e vann'a fernì 'ncopp'e burdelle.
E Ciurcillo 'o viecchio pazzo s''è arrubbato 'e matarazze e ll'America pe' dispietto ce ha sceppato 'e pile 'a pietto.
Aieressera magnai pellecchie 'e capille 'ncopp''e recchie e capille e capille e 'o recotto 'e camumilla... 'O recotto,'o recotto e 'a fresella cu 'a carna cotta, 'a fresella 'a fresella e zì moneco ten''a zella. tene ‘a zella ‘nnanze e arreto uffa uffa e comme fete e lle fete e cane muorto uè pe ll’anema e chillemmuorto.
E levate 'a pistuldà uè e levate 'a pistuldà, e pisti pakin mama e levate 'a pistuldà.
|