|
|
| 'E zingare
E chisto è 'o zingaro: se forma 'o mantice cu a pelle 'e pecora, pe' sciuscia' 'o ffuoco vicino 'a 'ncunia; fa tromme e stròmmole, ratiglie e trébbete, ma 'o lucro è poco.
Magnano e dormono femmene e uommene senza fa' scrupole, peggio d''e bestie. Quanno viaggiano fanno uno carreco: gente e scartoffie 'ncopp''a carretta.
Uno s'addobbeca purtato 'nzuocolo, n'ato ca è scàvezo se mena e agevola vuttanno 'o tràino, magnanno póvere. Pe' ll'aria càvera sesca 'a bacchetta.
Na voce e zingara 'ntona na nenia, quaccuno e ll'uommene ce piazza 'o basso. Chi porta 'e rrétene dà 'a via d''o maneco: scunocchia 'o scuórteco, ma chillo è 'o passo.
All'alba arrivano, leste s'accampano, cu tenne e spruoccole fore 'e città. Chille ca passano priesto se fermano, guardano e diceno: - "Che nubiltà!"
E chisto è 'o zingaro:vicino 'a 'ncunia fa tromme e stròmmole, ma 'o lucro è poco
|
| |