|
|
|
'Na femmena te saglie n'ommo e stelle, 'na femmena t'o scenne sotto terra! t'o fa ammarcia' cu 'a capa ammieze e scelle o a fronte aizata cu 'o cappiello a sgherre si se mantene bona, l'ommo è onesto, le fa nu tuorto? L'ommo è scurnacchiato! Vedite 'o pataterno l'onore e ll'ommo addo' te l'è piazzato! I' che me straccio a vita notte e juorne che pure e festa scenne a fatica', pozzo sape' se muglierame va attuorno e a tradimento che si fida e fa? Nato e crisciuto sempre ammieze a via, mi ero 'nzurato per me sistema' e chella arape a nato 'a casa mia, e nun me saccio manco ribella' Vi' comme è longa 'a vita quanne pesa, trovo sullievo sulo fora casa, pavo 'o pesone, esco, a lassa 'a spesa e nato, o pizzo mio, saglie e s'a vasa! Nun songo onesto? Chella è 'na sburressa, l'onore è personale, è comme a di' dimane je arrobba 'o mariulo è essa o essa sgrava e 'o puerpere songh'i'! Quanne io le lassa e sorde cu a prumessa che p'e rispetto nun me l'adda fa nun è fedele.' A malamente è essa io resto sempe cu 'na dignità! percio' 'a gente dice chella 'mpesa vi' comme 'o tratta, io zitto, a lasse fa, pavo 'o pesone a lassa a spesa e vache primma a fatica'. Edited by Pulcinella291 - 7/10/2019, 11:56
|
| |