|
|
| SUSPIRO
— Siente! Vederte sempe, ogne mumento tenerte nnanza e nun puterte di' tutto lu bene ca pe tte me sento ancora mpietto, è cosa 'a fa murì!
Passa n' anno e nne passarranno ciento, sempe stu core restarrà accussì; chi sulo sape ch'è chisto turmento, chi sulo 'o ssape me po' cumpatì!
E pure... e pure tu, bellezza mia, lu vaso ca me diste l' 'e scurdato... e mo' quanno me vene 'appucundria
ca me fa penzà a te ca m' 'e lassato, addò tu me vasaste s'accalora e me penzo ca tu me vase ancora!
Edited by Pulcinella291 - 1/10/2019, 13:08
|
| |