|
|
| .
EDUARDO DE FILIPPO
.
Il Gragnano di Lettere contro i dispiaceri
con buccia di mandarino, ma sorseggiato
.
Surzéjalo ¹
.
Na giarretèlla ’e vrito, ²
lavata, sciacquata
e sciacquariata
sott’ a ll’acqua currente;
quanno vide ch’ è lucida,
lucida e trasparente,
rìgnela ’e vino
’e Lettere, ³
rosso rubino,
arzènte,⁴
e po’ spriémmece a’ dinto ⁵
na scorza ’e manderino,
e quanno ll’ hê spremmùta
tu lassancélla,
spremmùta e bbòna ⁶
a’ dinto
pe ccinco sei minute, ⁷
nfusióne,
e ddoppo,
po’,
surzéjalo ... ⁸
surzéjalo chestu vino!
E si nu dispiacere
gruósso quant’ a na casa
t’ ha miso dint’ ’o core
mille spine ...⁹
surzéjalo chestu vino!
Si te siénte sperduto ... ¹⁰
e tu surzéjalo!
.
.
.
.
|
| | |
