|
|
|
M’aggio ‘a fa’ fa’ ‘nu quatro d”a bonanema pecché nun tengo manco ‘nu ritratto
‘e chell’anema santa; e pe’ ‘stu fatto
quanno ce penzo me ne faccio lacreme.
Cerco n’artista ca ‘o spiegasse ‘e tratte
ca ‘o defunto teneva: ‘a capellera
tutt’arricciata e nera ‘e che manera
‘ncopp”a ‘na carnaggiona comm”o llatte.
‘Na pella liscia e fina, senza rappe,
e che presenza!!! E ch’atteggiamento
‘e mastassuoccio! ‘Nzomma n’elemento
ca ‘unn”a faceva bbona a ‘e meglie guappe!
Sempe ‘e veletta! Pronto a ogni mumento;
maie se tiraie arreto e ogni vota
ca fuie richiesto, chillu galiota
avette “ ‘o bravo “ p”o cumpurtamento!
Che simmo ‘ncopp”a terra! Cose ‘e pazzo!
‘Na sera dint”o mmeglio ‘e ‘nu ‘ntrallazzo
acala ‘a capa ‘ncopp”o matarazzo
e te saluto: bonanotte………….! Edited by Pulcinella291 - 3/9/2021, 17:28
|
| |