|
|
|
Video
Nu bellu juorno ‘o Signore nun steve ‘e buon umore nun avenne che ffa, nella sua grande majesta’ se presentaje a’ o purtone pe vede’ si Pietro faceva quacche eccezione. Maravigliato, dicette Pietro: o mio Signore a che devo il grande onore? -Niente, caro amico, passavo a cca nun so mica venuto a cuntrulla’, io sto nu poco e po’ te lasso, anze mo’ saje che faccio?Mo’ m’arrasso e cosi’ dicendo se spustaje cchiu’ lla’ -No, dicette Pietro, 'nci mancherebbo vuje putite sta, mo’ nce vo’, site 'o padrone pero’ v’avverto, a stu portone nun so sempe sciure e rose nun me dicite niente si succede quacche ccosa! -E che dovrebbe mai succedere, caro Pietro? Dicette ‘o Signore facendosi piu’ dietro. -Cca se presenta pure gente strana e je spisse aggia piglià ‘a durlidana. ‘O signore meravigliato :ma fusse asciuto pazzo? ‘m’paraviso nun s’ausa ‘a mazza! -Ah no? E cca se presenta gente a frotte mafiuso, fetiente e pulitici currotte, chille vonno trasi, nun sentono ragione nun è a primma vota c’aggio rischiato n’aggressione. Forse a voi non vi consta, ma cca se presenta gente bella tosta! E cchiu’ e ‘na vota succede ‘a disturbata allucche, strille e correno ‘e mazzate! -Ma perché non mi si dicono sti ccose, non mi si avverte? -Vuie avite sta quieto, io nun sto maje a mani conserte ‘a mazza ‘a tengo sempre pronta e ogni tanto spacco quacche capa o arape quacca fronta! Che ve credite? Cca me pare e sta abbascio ‘o puorto e ogni tanto ‘nce scappa pure quacche chi t’è muorto! A sti pparole ‘o Signore appaurato, pensaje :io a sti ccose nun so abituato, meglio che me ne vache, proprio mo’ avvesero correre ‘e pastenache? Ti saluto, fai il tuo lavoro caro Pietro, e se ne ando’senza girarsi indietro. ‘E o purtunare cu a resella tra se e se , tu si venuto a cuntrulla’? ‘o saccio , e io t’aggio fatto fesso pe t’appaura’!
Seb.
Edited by Pulcinella291 - 12/5/2020, 20:50
|
| |