|
|
| 19 Marzo festa del Papà Io non c'entro niente perchà sono stato figlio, ma non papà, però voglio fare un omaggio, non mio ma di un Grande Eduardo De Filippo ai padri
“Pe' tutta 'a vita st’Omme te sta accante,
e tu, a stiente, t’accuorge che sta llà,
p’e figlie fa 'e tutto, e nun se vante,
e soffre spisso senza mai parla'.
E comme a S. Giuseppe, zitto e muto,
s’abbraccia a croce e fa 'o vulere 'e Dio:
fatica, prega e resta scanusciuto,
e quanno chiagne chiagne,
t’o dich’io!
Si pure tene 'mpietto nu dolore,
o stesso, p’a fatica, esce 'a matina;
p’ a famiglia, è nu martire d’ammore,
all’ufficio, a 'o negozio o all’officina.
Te vò bene e t’ o dice quasi maje,
te fa l’elogio, si nun staje presente;
te vase 'nfronte quanno a durmi’ staje;
pe’ na carezza, gode veramente.
Si te richiama, o’ ffa pè vero ammore;
pè te dà gioia, soffre tutt’e’ ppene;
e ogni ghiuorno se consuma 'o core,
pecchè è pate, è vecchio i è piccerillo.
Salutalo quante jesci e quante tuorne,
e falle qualche vòta 'na carezza:
t’accuorgi ampressa ca te gira attuorne,
suspiruso e te fa 'na tenerezza.
'O bene che fa 'o pate l’annasconne,
pecchè è ommo e ll’omme accussì fa:
quanne 'o figlio se sceta a dint’ o suonne,
quanno sposa e addeventa isso Papà".
(Eduardo De Filippo) |
| | |
