|
|
|
Tramonta 'o sole, mamma che tristezza! Natu poco fà sera, e tutte e cose se cummogliene 'e nu vele 'e tristezza. Nun vide cchiù int' 'o ciardine 'e rose 'o cielo se fa scure, perde 'o culore, e l'aria si fà fine, s'arrifresca, mentre l'albere nun fanno cchiù na mossa. È l'ora che avvilisce. Cadene 'e braccia, triste sò 'e pensiere... na jurnata perduta. E che aggio fatto? Aggio campato e oggi cumme 'a ieri, senza fa male, ma senza fà nemmeno bene. E quant'ate iurnate passarranne, precise, uguali a chesta. Ah! Si putesse dì: aggio fatto cheste e chelle, me dò battuta pe' na bbona azione; aggio aiutato chi ave bisogne e mò me sente cumme 'a nu lione... allora sì che nun l'è sciupato stu iuorne ancora che campate.
Scritta da Titina De Filippo
|
| |