Cu 'o primmo frate mio, Salvatore nce stevano tre anni e differenza, isse vesteva comme a nu signore ed io sempe arrangiatiello, n'indecenza! Pe chesta robba soia ca se levava scarpe , vestite quacche cazunciello, mamma', naturalmente, l'astipava pe quanno io me facevo grussiciello. Stu fatto è ghiuto annanze fino a gruosso comme pe dì, pe fa nu paragone, isse mangiava a carne ed io sempe ll'uosso, isse era n'ommo e io sempe nu guaglione. Po', frateme, salute a nuie, murette doppo tre mise, appena ca spusaie, ve lasso immaginà che succedette: fu 'na disgrazia 'o vero grossa assaie. ' A vedova sta inte a casa nosta, bella, aggraziata, chiena 'e giuventu', e subbete mamma' me fa 'a pruposta: guaglio', dicette, spusatella tu! E no! Mammà, ve voglio bene assaje, Io ve rispetto, p'ammore e Dio, stavota ve rispongo:cheste maie! 'Na cosa nova, l'aggia 'ngigna' pur'io?
Sempre il top, Seb, si chella ca sì! Purtroppo questa usanza di ammogliare il fratello piccolo alla vedova è molto diffusa dalle nostre parti! Soprattutto quando ci sono figli piccoli da crescere! Ma, a dire il vero, ho visto tanti matrimoni riusciti anche con mogli riciclate! 😊
