Nun songo nu grand'ommo
nun songo nu scienziato.
'A scola nun sò gghiuto
nisciuno m'ha mannato.
S' i' songo intelliggente?
e m' 'o spiate a mme?
I' songo nato a Napule,
che ne pozzo sapè ?!
Appartengo alla massa...
a chella folla 'e ggente
ca nun capisce proprio 'o riesto 'e niente.
Però ve pozzo dicere na cosa:
campanno notte e ghiuomo a stu paese
pur i' me sò 'mparato quacche cosa,
quaccosa ca se chiamma umanità; .
Senza sapè nè leggere e nè scrivere,
da onesto cittadino anarfabbeta,
ve pozzo parlà; 'ncopp' a n' argomento
ca certamente ve pò interessà; : chi è ll'ommo.
Ll'ommo è nu pupazzo 'e carne
cu sango e cu cervello
ca primma 'e venì al mondo
(cioè 'ncopp' a sta terra)
madre natura, ca è sempre priviggente,
l'ha miso 'nfunno 'a ll'anema,
cusuto dint'o core, na vurzella
cu dinto tante e tante pupazzielle
che saccio: 'o mariuncello,
na strega 'e Beneviento,
nu scienziatiello atomico
cu a faccia indisponente,
nu bello Capo 'e Stato
vestuto 'a Pulcinella;
curtielle, accette, strummolo
e quacche sciabbulella.
Penzanno ca 'o pupazzo
nu juomo se fa ommo,
si se vò divertì ,
chesto 'o ppò fà; . E comme?
Sceglienno 'a dint' 'o mazzo
ca tene dint' 'a vurzella,
chello ca cchiù lle piace
fra tutte 'e pazzielle.
Si po' sentite 'e dicere:
"'0 tale hanno arrestato!
Era uno senza scrupolo:
pazziava al peculato.
E trene nun camminano?
'A posta s'he fermata?".
Chi tene 'mmano 'o strummolo,
pazzianno s'he spassato.
'0 scienziatiello atomico
ch' 'a bomba 'a tena stretta
"Madonna! - tremma 'o popolo-
E si mo chisto 'a jetta?".
Guardate che disgrazia
si 'a sciabbulella afferra
nu capo ca è lunatico:
te fa scuppià; na guerra.
Senza penzà; ca 'o popolo:
mamme, mugliere e figlie,
chiagneno a tante 'e lacreme.
Distrutte sò 'e famiglie!
A sti pupazze 'e carne affocaggente
l'avessame educà; cu 'o manganiello,
oppure, la natura priviggente,
avess' 'a fa turnà; nu Masaniello.
Ma 'e ccose no... nun cagnano
e v' 'o dich'i' 'o pecchè :
nuie simme tanta pecure...
facimmo sempe "mbee"
Traduzione per i non napoletani
Non sono un grand'uomo, non sono uno scienziato.
Non sono andato a scuola, nessuno mi ci ha mandato.
Se io sono intelligente? E lo domandate a me?
Io sono nato a Napoli, che cosa ne posso sapere?!
Appartengo alla massa... a quella folla di gente
che non capisce assolutamente niente.
Però vi posso dire una cosa:
vivendo notte e giorno in questo paese,
anche io ho imparato qualcosa,
qualcosa che si chiama umanità.
Senza saper leggere nè scrivere,
da onesto cittadino analfabeta,
posso parlarvi su un argomento
che certamente v'interessa: chi è l'uomo.
L'uomo è un pupazzo di carne, con sangue e cervello,
al quale, prima di venire al mondo (cioè su questa terra),
madre natura, che è sempre previdente,
ha messo in fondo all'anima, cucita nel cuore, una borsetta
con dentro moltissimi pupazzetti.
Che so: il ladruncolo, una strega di Benevento,
uno scienziatuccio atomico dalla faccia indisponente,
un bel Capo di Stato vestito da Pulcinella;
coltelli, accette, trottole e qualche sciaboletta.
Prevedendo che il pupazzo un giorno diventa uomo,
se si vuol divertire, lo può fare. E come?
Scegliendo dal mazzo che ha nella borsetta
quello che preferisce fra tutti i giocattoli.
Se poi sentite dire: "Il tale l'hanno arrestato!
Era uno senza scrupoli, giocava al peculato.
I treni non camminano? La posta s'è fermata?"
Chi ha la trottola in mano, giocando s'è divertito.
Lo scienziatuccio atomico che tiene stretta la bomba
"Madonna! - trema il popolo - E se adesso questo la butta?"
Guardate che disgrazia se afferra la sciaboletta
un capo che è lunatico: fa scoppiare una guerra.35
Senza pensare al popolo: madri, mogli e figli
piangono in tanti le lacrime. Le famiglie sono distrutte.
Questi pupazzi di carne che opprimono la gente
dovrebbero essere educati con il manganello
oppure la natura previdente
dovrebbe far ritornare un Masaniello.
Ma le cose no... non cambiano e ve lo dico io il motivo:
noi siamo tante pecore... facciamo sempre "mbeè".
Edited by marmari - 3/1/2023, 17:56