Dove sore:poesia proibita di Ferdinando Russo

So’ dduje sciurille nate a primmavera:
una Maria se chiamma e l’auta Rosa.
Rusella è, ghionna, Mariuccia è nera,
po’ comme Mariuccia accussl è Rosa.
Né sul’ ‘e cuorpo so’ d’una manera
ch’ hanno uno gusto, Mariuccia e Rosa:
si Rosa canta, Mariuccia è allera,
si chiagne Mariuccia, chiagne Rosa.

‘A casa loro è comm’a nu rilorgio,
Il’ora assignata ogne facenna aspetta,
avarizia nun c’è, nun se fa sforgio.

E faticano sempe, ‘e ppuverelle!
Llà se cose, se stira, s’arricetta,
e fanno ‘nculo pe’ restà zetelle …