|
|
| Acqua che scorre nun se po’ fermà, comm’i’ fermà nun pozzo sti suspire ! Core malato nun se po’ sanà…, core cuntento nun sape cumpatire. ** Pe quanto sape ‘e sale ll’acqua ‘e mare, pe quanto brutto è ‘o punto d’’o murire, sti llacreme cchiù assaje me sanno amare e sti penziere cchiù se fanno…nire… ** Comm’a stu ffuoco se cunzuma ‘a cera, accussì se cunzuma chistu core ! Comme spontano ‘e stelle a primma sera, accussì mpietto torna nu dulore ! ** Quanno pe tutt’’o munno è primmavera, pe mme fa friddo e ogne calore more, pe mme nu juorno è comm’a notte nera… Addò si’ ghiuto ? Addò si’ ghiuto , Ammore ?
|
| |