Ll'amico mio si' tu. Comme te pare? 'O tengo n'ato amico meglio 'e te? 'O stesso banco â primma elementare... nce vulevamo bene comm'a che... Tu sempe 'nzisto, io sempe cchiù abbunato, mme suppurtavo 'a te cchiù 'e na pazzía... Nun te ricuorde? Mme chiammave frato ma t'arrubbave 'a marennèlla mia...
Che fa? Che fa? Só' cose ca succedono... Cu chi t''a vuó' piglia? Dámmoce 'a mano: 'O bbi' ca só' semp'io... e tu si' sempe 'o meglio amico mio!
II 'A zia nun te vuleva dint''a casa, ma i' cumbattevo pe' te fá vení... "Oje ninno mio, chillo t'abbraccia e vasa, ma tene ll'uocchie 'e chi te vò' tradí..." Quanno, cinch'anne fa, stive malato, vicin'ô lietto tujo stevo sul'io, ma, dint''a freve, miezo frasturnato, te stupetiaste 'o portafoglio mio...
Che fa? ............
III Ll'amico mio si' tu...guárdame 'nfaccia... Guárdame buono 'nfaccia e nun tremmá... Ancora mme vuó' stregnere 'int''e bbraccia? Tiene ancora 'o curaggio 'e mme vasá? Vattenne marijuolo! 'O ppuorte scritto dint'a chist'uocchie ca si' scellarato... I', pe' vint'anne, mme só' stato zitto, i', pe' vint'anne, t'aggio perdunato!
Che fa? Che fa? 'Stavota t'aggio cuóveto e nun mme puó' arrubbá... Primma te stenno 'nterra 'mmiez'â via... e po' t'arruobbe 'a 'nnammurata mia!
Caro Ciro , io sono cresciuto con le canzoni di Enzo Romagnoli, Sergio Bruni e Franco Ricci, i cantanti preferiti di mio nonno. Enzo Romagnoli negli anni 50 soprattutto ebbe grandi successi soprattutto con le canzoni di "giacca". Dopo il successo, in vecchiaia conobbe l'indigenza e la disoccupazione; si arrangiò a fare l'elettricista al cimitero. Venne anche sfrattato per morosità. Morì il 6 maggio 1974.