|
|
| ‘O cunto d’’e ccose piccerelle
Chiù assaje ‘e ll’at’anno s’arrepecchia ‘a fronna
azzelisce s’abbocca comme vó
Ddio (‘o Ddio ‘e tutte ‘e fronne) stu ddiéce ‘e pataterno
nu poco ‘nzallanuto ‘a cunnuléa
speresce ‘a fronna jetteca - e isso ch’’a cufféa.
Aria pe’ naca, è overo, chisto è ‘o cunto
d’’e ccose piccerelle piccerelle
pure si scasualmente chella fronna
fosse d’’e fronne ll’urdema: che va
truvanno a Cristo ‘int’ê lupine mo’
cu’ ll’aria ‘nfuscatèlla che ‘ntorza
(‘a tene ‘a forza) ‘ncuoll’ê fraveche na nuvula
ddoje nuvule zurfegne quanta nuvule pò (nce prode ‘o naso)
e appiccia ‘o nniro ‘e ll’uocchie
‘ncielo?
Achille Serrao
Traduzione
Racconto delle piccole cose
Più dell’altr’anno aggrinzisce la foglia
rabbrividisce s’inclina come vuole
dio (il dio di ogni foglia), questo dio smisurato
un poco scimunito la dondola
si strugge la foglia tisica - e lui che la canzona.
Aria per culla, è vero, questo è il racconto
delle cose piccole piccole
anche se per caso quella foglia
fosse l’ultima delle foglie: che va
cercando Cristo fra i lupini ora
con l’aria un pò ubriaca che gonfia
(ce l’ha la forza) sopra le case una nuvola
due nuvole di zolfo quante nuvole può (le prude il naso)
e accende iridi in cielo?
|
| | |
