| Eppure Santoro e´nato a Salerno,ma stu strunze ci tiene a dire che non e´napoletano.Manco fosse nato in Valdossola.
A tal proposito credo che valga la pena che tu leggessi questa poesia di Viviani :
CAMPANILISMO:
[size=1]Nu Milanese fa na cosa? embè,
tutta Milano: - Evviva 'o Milanese!
E' rrobba lloro e l'hann' 'a sustenè,
e 'o stesso 'o Turinese e 'o Genovese.
Roma?: - Chisto è Rumano e si è Rumano,
naturalmente vene primma 'e te.
Roma è la Capitale! E si è Tuscano,
Firenze ne fa subbito nu rre.
Si fa na cosa bona nu Pugliese?
Bari, cu tutte 'e Puglie, 'o ffa sape'.
Si è d' 'a Basilicata o Calavrese,
na gara a chi cchiù meglio 'o pò tene'.
E' nu Palermitano o Catanese?
tutt' 'a Sicilia: - Chisto è figlio a mme!
Si è n'Umbro, Sardo, Veneto, Abruzzese,
'a terra soia s' 'o vanta comme a cche.
Le fanno 'e ffeste, aizano 'o pavese:
senza suttilizza' si è o nun è.
Nun c'è nu Parmigiano o Bolognese
ca 'e suoie nun s' 'o difendono; e pecchè
si è nu Napulitano, 'a città soia,
'o ricunosce e nun ce 'o ddà a pare'?
S' 'o vasa 'nsuonno e nun le dà sta gioia.
E 'e trombe 'e llate squillano: " Tetèee!"
Qualunque cosa fa, siente: - " E ched'è?"
" 'O ssaccio fa' pur'io." " Senza pretese."
E chesto simme nuie. Dopo di che,
Nun se fa niente 'e buono a stu paese?
E tu, Napule mia, permiette chesto?
Strignece 'mpietto a te, figlie e figliaste.
Arapencelle 'e braccia e fallo priesto:
avimm' 'a sta' a " guaglione " e simmo maste.
T'avante 'e vermicielle, 'e pummarole:
mmescace pure a nuie si 'o mmeretammo.
Che vvuo' ca, cu stu cielo e chistu sole,
te dammo nu saluto e ce ne jammo?
Campanilismo bello, addò si' ghiuto?
facimmolo nuie pure comme a ll'ate.
si no p' 'a gente 'e Napule è fernuto,
e nun sarrammo maie cunsiderate.
Talento ne tenimmo, avimmo ingegno:
nu poco sulo ca ce sustenimmo,
cunquistarrammo chillu posto degno
ca, pe' mullezza nosta, nun tenimmo.
Quanno na cosa è bbona e è nata ccà,
nu milione 'e gente l'ha da dì.
E vedarraie po' Napule addo' va,
cu tutto ca è 'o paese d' 'o ddurmi'[/size].
Edited by Pulcinella291 - 26/9/2008, 07:17
|
