|
|
|
A SIMPATIA
Io nun ve guardo e vuie nun me guardate,
ma nu tantillo ’e bene m’ ’o vvulite !
Nu poco poco... Nun ve l’ anniate
pecchè mo’ ’o saccio e vui... pure 'o ssapite.
È overo o no ? Nce simmo anduvinate ?
Nun avutate ’a faccia e nun redite !
Vulite fa a vedè ca disprezzate,
ma ve cunosco ! E vui... me cunuscite !
Sulo na ucchiata vosta m' abbastaie !
Me guardasteve brutto, e chesto è overo;
ma, v assicuro, io sbaglio quase mai !
E quann’ è chesto, pozzo di' ca spero ?
V’ 'o pozzo di' ?... T' 'o pozzo di', ca staie
dinte a stu core e dint’ a stu penziero ?
|
| | |
