|
|
| La sera fa 'a rivista dint''e ssacche pe vedè quanto tengo e quant'ho speso...! Ed io sopporto pure chisti smacche bensì che dentro me ne sento offeso...!
Metto il fracche? —E perchè ti metti il fracche! — « Vado dal cavaliere Caropreso... » È 'o direttore 'a Fraveca 'o Ttabbacche!... Posso non me ne dare per inteso?
Certe relazzioni, pe ssapè, come le trascurate? Eccoci quà!... Embè, mia moglie nun 'o ppò vvedè!
Mi chiuse tutti abbiti, di botto! Ed io, pe non sentirla pipità, porto 'o calzone arrepezzato sotto...!
Voi dite questo, caro don Achille? E vi lagnate?... Sono rose e fiori!... La mia me n'ha portati, dei dolori!... E pure sono stato uno dei Mille!...
Guardate ccà!... guardateme 'e capille!... So' tutti bianchi! per i dissapori! Chi lo diceva che Francesco Allori si sarebbe arridotto un imbecille?!
Lo credereste?... Nu garibbaldino, uno che ha dato il sangue, e non a poco, la moglie piglia e 'o tratta c' 'o vurpino!!...
Sicchè, se comparisse, io, che a Milazzo pe na giornata intera stetti al fuoco, mò fuggirei addietro a nu palazzo..
|
| |