|
|
| Riconuscenza
di Raffaele Viviani
Riconuscenza ? Na parola nova..
Ch’è na città? nu monte ? nu pianeta ?
Cunsulta ‘astronumia si è na cumeta..
dint’’o vucabulario nun se trova…
Ma ce ha dda stà, stess’’a parola ‘o pprova
scritta chi sa a qual epuca addereta,
l’istesso Salomone, gran profeta,
ha ditto rrobba c’ogge ancora giova,
Ce sta, ma simmo nuje ca nun ll’ausammo.
Pigliammo esempio : na gallina cova,
n’avimmo bbene, ll’ova ce ‘e zucammo,
però, ricunuscente nun lle simmo..
Sta gallenella che ce abboffa d’ova,
appena nun ce ‘e ffa : nuje ll’accedimmo !! |
| | |
