|
|
| 'A camicetta
- “Era na camicetta a vulantine scullata e mpiette comm'a nu fisciù. E me piacette assai! Teneva na friscura 'e primmavera, era forse 'o culore... nun sò ché... Ma nu iuorne 'a vedette ncuollo 'a n'ata, era carella assaie! N'amica toia, nce' avive data tu, 'a stessa, tale e quale... chillu culore... 'e stesse vulantine... scullata e mpiette comme 'a nu fisciù. Ma pe' mé era cagnata 'a truvava sturciosa, ammuinata, nun me piaceva cchiù manco 'o fisciù! ... Allora m'abbelette: nun era 'a camicetta... Ah, me piacive propriamente tu”.
Titina De Filippo
|
| |